Tunapokea Na Kutoa Kwa Utayari Tulionao.

Habari za wakati huu ndugu katika Bwana? Tunamshukuru Mwenyezi Mungu ambaye hutuongoza katika hatua za maisha yetu. Ni jambo zuri na jema kama unaweza kusoma hapa. Kiukweli ninaamini hata kama upo katika hali gani unayo fursa ya uhai hata kama wewe sio mzima unaweza kufanya lolote ambalo linaweza kubadilisha historia ya maisha. Karibu katika makala ya leo tujifunze mimi na wewe kwa pamoja, neno la uzima ambalo litakuponya endepo tu, ukiamini na kuwa mwadilifu kwa lile ambalo utajifunza.


Tunapokea na kutoa kwa utayari tulionao. Na huu ndio ukweli wemyewe ambao haupingiki kabisa. Ukitaka kuliamini hili, angalia mambo mengi ambayo wewe huamini tofauti na watu wengine kwa jinsi ambavyo wanaamini. Utayari katika maisha ni eneo la muhimu sana kwani tunapokea na kutoa kwa utayari tulionao.

Somo hili la utayari ni eneo au wakati ambao mhusika yupo pale yaani kwa mfano mimi Sadick, hata kama nimelala, ukiniuliza swali wewe nani? Nitalujibu kutokana na utayari nilio nao. Naweza kukujibu kwa jina langu kwamba mimi ni Sadick ama la nikujibu tofauti kutegemeana na namna amabavyo umenikuta.

Utayari ni maamuzi madogomadogo sana ambayo mtu huwa anayatatua na kuyachukulia. Eneo la utayari ni eneo la muhimu sana maana hili ndio nishati ya maisha ya mtu. Hapa ndipo ambapo utakutana na mitazamo ya watu ambayo humfanya aonekane namna alivo japo kuna wakati unaweza kubadilisha mtazamo wa jambo na kuishi tofauti ambavyo ulikuwa mwanzo.

Utayari unaweza kuharibu maisha yako ama kuyajenga maisha yako. Na hii inategemea maeneo makuu matatu, ambayo ni;
Imani
Utayari na
Matumaini.

Unaishi unacho kiishi kwa sababu umeamini hicho unachokiishi. Unaishi utayari unaoishi kwa sababu uliamini hapo mwanzo. Lakini pia unaendelea kuishi unachokiamini kwa sababu unamatumaini nacho kwamba kitakufikisha sehemu husika. Njia yoyote inayoelekea kuna mahali itakufikisha. Katika eneo la utayari ndio mwendo ambao unauchukua.

Utayari unaweza kuharibu maisha ya mtu kutokana na mwanzo wake namna ambavyo alichagua hapo mwanzo  na kuamini na anaendelea kuishi hapo mwanzo. Mfano mdago ni huu, mtumiaji wa madawa ya kulevya, alichagua hapo mwanzo kutumia madawa ya kulevya kutokana na mwanzo wake labda baada ya kuwa katika hali fulani aliona hiyo ndiyo njia pekee ambayo angetatua jambo fulani ambalo lilikuwa linamsumbua na sasa anaishi kwa uraibu. Matumaini ya walevi siku zote ni burudani ambayo siku zote huharibu maisha ya watu, kwani burudani huwa inategemea zaidi uraibu au mazoea fulani.

Katika msingi wa maisha ya anayetafuta mafanikio ya ukweli basi ni lazima aishi kwa nguvu hizi tatu ambazo ni;
IMANI
UPENDO NA 
MATUMAINI.

Limebadilika neno utayari kwa sababu sio watu wote huushi na kufanya maamuzi ya upendo maana inakutegemea wewe upo tayari kwa jambo gani. Wengine hupanga kabisa kwamba mimi yule jamaa simpendi kutokana na hili na hili kwahiyo huyo atakuwa hana cha kubadilisha kwa sababu tayari anautayari wake ambao tayari anaishi.

Katika maisha ambayo tunaishi yaani dunia hii, kuna nguvu mbili ambazo zipo, nguvu ya giza na nuru lakini kunawengine hawana utayari wowote kwahiyo wanaishi bila msingi wowote ule lakini bado hujikuta wametumbukia katika nguvu ya giza maana nguvu hii haihitaji nguvu kujijenga bali ukizaliwa tu inakuingia bila kutumia nguvu na hii ni kwa sababu ulimwengu huu upo chini ya utawala wa mambo mabaya na ni rahisi kujiingiza katika mambo mabaya..................

Kwa leo tuishie hapo lakini makala hii itaendelea, kuna mengi ya kujifunza katika utayari maana wengi hujikuta mti unamea tu juu ya ardhi na baadaye tunashangazwa na hilo bila kujua kwamba nguvu hizi za kuvuta mambo zipo katika sisi na sisi ndio wapanzi na wamwagiliaji na wavunaji.

Ombi langu kwako wewe rafiki naomba unisaidie kusambaza makala hii kwa jinsi unavoweza mwenyewe, ukifanya hivyo utakuwa tayari una utayari wa upendo maana makala hizi ni kwaajili ya kuwaponya watu katika maisha yao. Usisaha ndugu katika Bwana kama bado hujasoma makala za injili ya Maji na Roho hakikisha unasoma. Asante.

Asante kwa kusoma makala, wewe ni zawadi yangu,mimi pia ni wako wewe.

Sadick Kilasi wa jikolaushauri.blogspot.com.

Mawasiliano ni 0687000768 au sadikila65@gmail.com.