[TAFAKARI NENO YA LEO..13] Hatupokei Haki Ya Mungu Kwa Kuomba Toba Bali Kwa Kutubu.

Habari rafiki yangu? Natumai umekuwa na siku njema, karibu katika tafakari neno ya leo.

Hatupokei haki ya Mungu kwa kuomba toba bali kwa kuamini na kutubu. Maneno haya yasikuchangaye rafiki yangu, ninachomaanisha ni hiki, huwezi kupokea haki ya Mungu kwa kutubu mwenyewe baada ya kuona umetenda dhambi, hapo unakuwa unajihesabia haki mwenyewe bali hujajitia chini ya Mungu.

 Watu wengi wamejikuta wanafanya toba, kila siku kwa sababu hawajaamini neno la Mungu na hujisikia kuomba toba kila siku kwa sababu wana dhambi ndani yao. Ikiwa ndivyo hivyo basi hawana Roho Mtakatifu ndani yao. Nimeamua leo nilizungumzie hili kwa sababu watu wengi ndivyo wanaishi kwa kuomba toba kila siku. Ukweli ni kwamba kama unajihisi kwamba una dhambi ndani yako na unahitaji kuomba toba, inakupasa uzaliwe upya katika injili ya maji na Roho.

Tunamwamini Mungu na kutubu, yaani, hapa tunamwamini Mungu na ikisha kubali matendo yetu na hii ndio toba ya kweli. Tunapokea ujumbe wa Mungu, ikisha tunajiweka chini ya haki ya Mungu. Hii ndio toba ya kweli.

Hatuwezi kabisa kuonyesha matendo yetu, mbele za Mungu wala huwezi kuhesabu dhambi ulizotenda mbele za Mungu. Bali tunapoamini injili ya maji na Roho, ambayo ndiyo iliyosafisha dhambi zetu pale Yesu alipobatizwa na Yohana Mbatizaji, basi ubatizo wake ndio uliotuosha dhambi zetu. Yohana Mbatizaji ndiye alimtwisha dhambi Yesu. Yohana Mbatizaji kama kuhani wa mwisha wa sheria ndiye aliyemtwisha dhambi Yesu, Yesu aliyefanyika kama mwana-kondoo wa Mungu. Yohana alifanya tendo la kikuhani kwa kumwekea dhambi Yesu kichwani mwake, Yohana alikuwa kuhani wa wanadamu.

Basi, kwa tendo hilo, dhambi yote ya ulimwengu ilichukuliwa, nasi tumebaki hatuna dhambi tena. Baada ya kuamini kwamba hatuna dhambi, sasa tunatimiza mapenzi ya Mungu kwa ujasiri, huku tukiishi kwa shukrani. Yeyote anayeamini hivi anapokea haki ya Mungu, unapaswa kuamini kama bado hujaamini, katika maji, damu na Roho. Maji ni ubatizo wake, damu ni mateso yake msalabani na Roho ni uungu wake uliomfanya afufuke baada ya kufa pale msalabani.

Ishi maisha mapya baada ya kuiamini injili hii, utapokea haki ya Mungu. Dhambi ya ulimwengu ilisha chukuliwa tangu miaka 2000 iliyopita, anayeamini tu, hupokea haki ya Mungu na kuishi mapenzi ya Mungu.

Kajifunze; 
1YOHANA 5:1-12.
1PETRO 3:21
YOHANA 19:31-37.

Asante.

Sadick Kilasi wa jikolaushauri.blogspot.com.

Mawasiliano ni 0687000768 au sadikila65@gmail.com.