Jenga Tabia Hii Nayo Tabia Itakujenga Katika Mahusiano.

Ukitaka kupanda daladala wewe ndiye unayefanya maamuzi ya kupanda daladala nayo daladala itakufikisha kule ambako unakwenda. Na katika utu wa tabia mambo yapo hivo hivo. Kuna tabia nyingi sana lakini unweza kujenga tabia ambayo inaweza kukufikisha ambako unakwenda kulingana na wewe ulivochagua. Kwa sababu siku zote tabia ya mtu sio mtu ila ni kitu ambacho amechagua ili kimuongoze anakokwenda.

Tabia inajengwa kulinngana na unavowekeza na kuekeza. Jinsi ambavyo umechagua kuishi ndivyo ambavyo unatakavyokuwa, lakini hii inategemea mrudio wa mara kwa mara na huu ndio uwekezaji wenyewe ambao unakuwa umeuwekeza.

 Sasa tabia za watu waliofanikiwa zilianza kujengwa na wao wenyewe na sio tabia ilianza kujenga mtu. Ninaposema tabia ya watu waliofanikiwa katika maisha iilianza kujengwa na yeye mwenyewe namaanisha kwamba alichagua tabia ya kuiendesha.  Lakini kwa upande ambao tabia ilimjenga mtu, mara nyingi mfumo wa maisha ya mtu huyu huwa ni ndondokela yaani hana msimamo, dunia inamwendesha badala ya dunia kuiendesha.


Ili ujengeke katika maisha yako ni lazima uwe mtu wa maamuzi na sio wa kuamuliwa na mazingira ambayo yapo mbele yako. Na kwa sababu mwanzo wa kupanda daladala huwa ni muhusika mwenyewe basi hata tabia katika kujengeka mwanzo wake ni wewe mwenyewe. Na hapo ndipo unahitaji kitu kimoja cha muhimu sana ambacho kitakufanya uwe mtu wa kuchagua machaguo yaliyo mazuri.

Jambo ambalo unahitaji ili kujenga tabia ambayo tabia nayo itakujenga katika mahusiano ni tabia ya KUJIKOSOA ukiwa peke yako. Katika mfumo wa mawazo huwezi kuepuka mawazo yanayokuja ambayo wewe huyataki, ni mawzo yanayokuja bila wewe kuruhusu. Lakini wewe unanguvu kubwa ya kutaka unachotaka, sasa katika mawazo hayo yanakuwa ni mabaya lakini si kwamba ni mabaya moja kwa moja ila kunakizuri kidogo ambacho unapaswa kuchuja na kupata jambo zuri.

Ikiwa unatabia ya kujikosoa ndani mwako ni rahisi kuyahendo mawazo yanayokuja ndani mwako. Kuna wakati linakuja wazo ambalo linakufanya ujifikirie vibaya au umufikirie mwingine vibaya, na mengine mengi, sasa katika mfumo huu, unajiuliza ndani mwako katika dhamiri yako, hivi hiki ninachowaza ni sahihi? Je! usahihi uko wapi? Je! najijenga mwenyewe? Ama la! siwaumizi wengine kiroho? Sasa kwa mfumo huu itakufanya uchague jambo sahihi ambalo unapaswa kunda nalo.

Lakini kama huwezi kufanya hivyo, utapokea kama lilivyo na sura yake ya mbele kumbe ndani ya lile wazo kunavitu ambavyo vipo ndani yake. Ukipanda daladala ambayo huwezi kujua inaelekea wapi inamaana itakufikisha inakotaka yenyewe na mwisho utajistukia mwenyewe na kujiuliza, ha! niko wapi? Lakini ulipanda mwenyewe.

 Kwenye daladala watu ambao wapo nje lakini ndani ya daladala kuna watu tofautitofauti. Tabia tuliyonayo japo sisi sio tabia lakini huwa inadhirisha tulichonacho ndani, na ndio daladala yenyewe. Sura ya nje itakuonyesha wazi wewe ni nani na watu watakupokea jinsi unavoonekana nje na hapo nndipo utakapojenga mahusiano yako au kubomoa. Ikiwa daladala imeandikwa Ilala basi nawe ndani iwe Ilala na sio daldala imeandikwa Ilala na wewe ni Masaki, hutaeleweka.

Hii yote inategemea chaguo lako la mara ya kwanza ulilolifanaya. Kwa hiyo ni muhimu sana kujikosoa na kukosoa mawazo yako.
 Waefeso 6:12,14, Maana vita vyetu si vita kati yetu na binadamu, bali ni vita dhidi ya jeshi ovu la ulimwengu wa roho; tunapigana na watawla, wakuu na wenye nguvu, wanaomiliki ulimwengu huu wa giza. Basi kaeni  tayari, ukweli na uwe kama mkanda kiunoni mwenu, uadilifu uwe kama vazi la kujikinga kifuani.
Huu ni utayari ambao kila mmoja anapaswa kuuishi wakati wote. Kwa hiyo ili kujenga tabia njema hakikisha unajenga tabia hiyo kujikosoa na kukosoa mawazo yako na kutambua tofauti na kuweka kila kitu sehemu yake. ASANTE.

Ningependa kusikia kitu kutoka kwako, je! unampango wowote? Je! unataka kupanda daladala ambayo si yako? Nitumie ujumbe rafiki yangu ili unishirikishe yale mazuri ya mpango wako labda tunaweza kushauriana zaidi. Nitumie ujumbe au toa maoni yako. Pia, naomba unisaidie kusambaza makala hizi kwa marafiki zako ili nao wapate kuponywa. Unachotakiwa kufanya ni kushare kwenye mitandao ya kijamii. Lakini pia, karibu kwa maoni yoyote mimi nipo kwaajili yako. Asante.

Sadick Kilasi wa jikolaushauri.blogspot.com.

Mawasiliano ni 0687000768 au sadikila65@gmail.com.