[TAFAKARI NENO YA LEO...9] Ukimpokea Yesu Onyesha Kwa Matendo Kwamba Umeamini.

Karibu katika tafakari neno ya leo. Kama ulivyo utaratibu wa kila siku, mtu hataishi kwa mkate bali na kwa neno la Mungu.

Tafakari yetu ni ukimpokea Yesu onyesha kwa matendo kwamba umeamini.

Ubatizo wa Yohana ni ubatizo wa toba. Na huu ni ubatizo ambao unakuhitaji uchukue hatua fulani kwamba kweli umeamini, unaonyesha kwa matendo kwamba kweli umeamini kwamba Yesu ni Kristo. Ubatizo wa huu unasafisha dhamiri ya mtu, ndio huu ubatizo wa maji, utaanza kufanya matendo ya kufanya sala, shukrani na hapo ndipo Yesu humchunguza mtu, ikisha humbatiza kwa Roho Mtakatifu.

Kwa hiyo ikiwa kweli umeiamini injili ya Maji na Roho, unapaswa kuonyesha kwa matendo kwamba, kweli nimeamini.

Marko 11:7-17, Wakamletea Yesu yule Mwana -punda, wakatandika mavazi yao juu yake; akaketi juu yake. Watu wengi wakatandaza mavazi yao njiani, na wengine matawi waliyoyakata shambani. Nao watu waliotangulia na wale waliofuata wakapaza sauti, Hosana; ndiye mbarikiwa ajaye kwa jina la Bwana; umebarikiwa na ufalme ujao, wa baba yetu Daudi. Hosana juu mbinguni. Naye akaingia Yerusalemu hata ndani ya hekalu; na alipokwisha kutazama yote  pande zote, kwa kuwa ni wakati wajioni, akatoka, akaenda Bethania pamoja na wale Thenashara. Hata asubuhi yake alipotoka Bethania aliona njaa. Akaona kwa mbali mtini wenye majani, akaenda labda ili aone kitu juu yake; na alipoufikilia hakuona kitu ila majani; maana si wakati wa tini. Akajibu, akauambia, tangu leo hata milele mtu asile matunda kwako. Wanafunzi wake wakasikia. Wakafika Yerusalemu, naye akaingia ndani ya hekalu, akaanza kuwafukuza wale waliokuwa wakiuza na kununua ndani ya hekalu, akazipindua neza za wabadili fedha, na viti vyao wauzao njiwa; wala hakuacha mtu achukue chombo kati ya hekalu. Akafundisha, akasema, Je! Haikuandikwa, numba yangu itakuwa nyumba ya sala kwa mataifa yote? Bali nyinyi mmeifanya kuwa pango la wanyang'anyi.

Tumeona hatua tatu, kumpokea Yesu, mtini kulaniwa na Yesu kufukuza wafanya biashara hekaluni. Kama hutoonyesha kwa matendo huwezi kubatizwa  Roho Mtakatifu, utalaaniwa kama mtini lakini kama ukiamini Yesu atakusafisha  kwa damu yake zile dhambi za rohoni kabisa na hii ndio maana ya kufukuza wafanyabiashara hekaluni.

Lazima utambue kwamba, Mungu aliuandaa mji wa Yerusalemu ili watakatifu waabudu humo lakini pia ndani ya mji huo lilijengwa hekalu la Mungu, watu waliokuwa wanaishi katika mji wa Yerusalemu walikuwa wanaabudu katika hekalu hilo, ukiwaona utatambua kwamba hawa ni watu wanaoabudu katika hekelu takatifu la Yerusalemu.

Kwa sasa tunaubatizo wa maji na damu, mji wa Yerusalemu na hekalu la Yerusalemu, patakatifu na patakatifu sana. Ninachomaanisha ni hiki, ikiwa unamwamini Yesu ni lazima ufanye yale ambayo yanaonyesha kwamba umeamini, na baadae Yesu atakusaidia kwa sababu umeonyesha ushirikiano kwa kukuonyesha yale ambayo wewe huyawezi.

Ikiwa unamwamini Yesu ni lazima uchukue hatua zinazoonyesha kwamba umeamini. Thamiri yako ilisafishwa matendo na dhamiri yako yalioshwa katika mto Yordani pale Yohana alipomwekea mikono juu ya kichwa chake. Lakini zile dhambi za rohoni kabisa ambazo wewe huwezi hata kuzikotroo kwa damu yake Yesu aliosha. Onesha kwamba umeamini, timiza mapenzi ya Mungu, soma neno, neno la Mungu litasafisha zaidi na zaidi na zaidi dhamiri yako lakini Roho Mtakatifu nae atakuletea siri za Mungu. Samehe watu nawe utasamehewa. Onyesha ushirikiano na Mungu. ASANTE.

Sadick Kilasi wa jikolaushauri.blogspot.com.

Mawasiliano ni 0687000768 au sadikila65@gmail.com.