Tunapokea Na Kutoa Kutokana Na Utayari Tulionao....2

Makala iliyopita tuliangalia juu ya utayari kwenye mambo matatu yaani, imani, utayari na matumaini. Tukasema kwamba, kwa wale wenye matumaini na Mungu, maisha yao yamejengwa katika msingi wa imani, upendo na matumaini.

Utayari ni kuishi matumaini yako kwa imani. Katika somo la utayari niligundua ni somo la muhimu sana katika maisha kwani mambo mengi hutukia kutokana na utayari wetu. Hatua yoyote ile ambayo umeichukua imesababishwa na utayari wetu.

Je! unamatumaini? Ishi matumaini yako. Mungu alinifundisha kitu kimoja kwamba, Sadick, chochote ambacho unakitaka inakubidi uishi kile unachokitaka maana kwa kuishi kile unachokitaka utapokea haki kutoka kwangu. Mungu alinifundisha hivo kupitia neno lake;
ZABURI 85:9-13, Hakika wokovu wake u karibu na wamchao, utukufu ukae katika nchi yetu. Fadhili na kweli zimekutana, haki na amani zimehusiana. Kweli imechipuka katika nchi, haki imechungulia kuotoka mbinguni. Naam, Bwana anatoa kilicho chema, na nchi yetu inatoa mazao yake. Haki itakwenda mbele zake, nayo itazifanya hatua zake kuwa njia.

Mpendwa msomaji, umeuna utayari ambao Mungu anatuonyesha, [Hakika wokovu wake u karibu na wamchao, utukufu ukae katika nchi yetu.] Inamaana tukiishi kwa kumcha Mungu, tukimtumainiya yeye, tukiwa tayari tunayaishi yale maisha ambayo yeye anataka tuishi basi utukufu wake utakaa kwako. Tukiishi kweli na kuonyesha wazi wazi kwamba sasa tunapaswa kufanya kweli, tuishi kwa kutia juhudi basi nchi itatoa mazao kutoka mbinguni. Hii ni kanuni ya utayari kwamba chochote unachokita lazima uwe ndani ya kitu hicho. Tumaini lako linakwenda moja kwa moja kwenye kile unachotaka, yaani katika dhamiri yako kinachobaki kwako ni kukamirisha kwa matendo ya nje. Yesu aliwafundisha watu hivi; MATHAYO 5:28, lakini mimi nawambia, kila mtu amtazamaye mwanamke kwa kumtamani, amekwisha kuzini naye moyoni mwake. Kwa hali hii, utayari wako ndani mwako ndio unakufikisha kulizia kwa matendo ya nje.

Hata kama kile ambacho ninakitaka bado sijakipata, tayari katika dhamiri yangu ninacho. Watu wengi hawapati kile ambacho wanakitaka kwa sababu hawana msingi ni wapo tu na hawa ni wale watu ambao waningiliwa na chochote ndani mwao. Msingi au uhai wa mtu ni matuamini. Yaani ili uwe hai lazima uwe na matuamaini. Fikiri kitu hiki, maji ya mto, ni matamu sana na maji ya bahari hayana ladha ni chumvi tupu, sasa ukiyaangalia maji ya mto tumaini lake ni kufika baharini, lakini yale ni maji ambayo yanatumaini la kufika baharini na yakisha kufika baharini yanakufa, hayafai tena. Kwahiyo hatuishi mafanikio bali tunayaishi mafanikio.

Je! unamatumaini? Kila mtu anandoto yake katika maisha na kama hujalijua hilo basi utapelekwa na chochote. Kama unataka kuishi kitu fulani sasa huo bdio wakati wa kuishi kitu hicho. Imani ni kuishi matuamini na ile hatua unayochukua ndiyo inayoitwa utayari.

Kama unamatumaini ya kuwa tajiri basi ishi utajiri wenyewe kwani huwezi kuufikia utajiri ila utauuishi utajiri hapa duniani. Na ndio maana ni rahisi kupoteza vitu kwani vitu hivi si vya duniani.

Kama unataka kuishi furaha ishi furahu, ondoa msemo nataka, hapana, ishi yenyewe furaha,

Kama unataka kuwa na matumaini na Mungu kama mimi ishi hivo kwani yeye ameahidi kwamba wote wanao mtumainia yeye watapata wokovu.

Kwa imani ya tumaini lako ishi utayari.

Msamehe mtu kabla hujakosewa.
Furahia maisha kabla ya kufurahishwa.
 Hurumia watu kabla hujaonewa huruma.
Penda watu kabla ya kupendwa.

Siku zote za maisha yako kuwa mzalishaji na sio mtumiaji. Unapaswa kuwa kiwanda kinachozalisha na sio mtumiaji.

Kitu kimoja ambacho unapaswa kutambua ni hiki, kuna aina tatu za utayari;
1.Kila kitu unachokiona kwako ni kibaya tu hapo umechagua tumaini la kifo.
2.Kila linalotokea kwako ni mema na mabaya hapo umechagua kuteseka. Kama ni tumaini kwa Mungu unakuwanalo kidogo kidogo , na
3. Kila linalotokea kwako ni jema tu, hapo umechagua kuishi furaha.  Tumaini lako kwa Mungu ni kubwa maana Mungu ni mwanzo wa amani.

Lakini kitu kingine ambacho unapaswa kutambua ni kwamba, katika ulimwengu kuna nguvu mbili, nguvu ya shetani na nguvu Mungu. Nguvu ya shetani siku zote ni kukunyima wewe furaha tu na kulaumu wengine na nguvu ya Mungu ni amani na upendo kwa wengine. Unachopaswa kutambua ni kwamba, nguvu mbaya haihitaji wewe uchukue hatua, ipo tu, wakati wote lakini nguvu nzuri inahitaji wewe uchukue hatua.

Kuwa na matumaini ili uwe hai. Kama unamatumaini na Mungu, nina kitabu kwaajili yako, kitabu ambacho kitakusaidia wewe kumtumaini Mungu ukiwa chini ya haki yake. Chukua hatua anza kusoma Biblia maana humo muna uzima. Ombi langu kwako wewe, naomba sana, nisaidie kusambaza makala hivi, vile uwezavyo. utakuwa umefanya kazi ya Bwana na Mungu akubariki.

Sadick Kilasi wa jikolaushauri.blogspot.com.

Mawasiliano ni 0687000768 au sadikila65@gmail.com.