Toa Ulichonacho, Anzia Hapo Ulipo.

KANUNI YA KUTOA KAFARA.

Kafara ama kwa lugha nyingine sadaka ni kitu ambacho unatumia ili kuhusianisha kati yako wewe na kitu ambacho unataka kukipata. Ikiwa mtu hajatoa kafara katika jambo analotaka kulifanya basi ni ngumu kulifanya hilo jambo. Mara nyingi huwa baada ya kupokea jambo fulani jipya ambalo tumelipenda na tungehitaji kulipata huwa tunakwepa gharama ya maumivu ya mwanzo. Ukweli ni kwamba kilajambo ambalo ni sahihi na ni kweli huwa linahitaji kulipa gharama fulani mwanzo mwa hilo jambo. Na mara nyingi gharama ile ndiyo inakuwa ukuta mkubwa sana wa kufikia jambo hilo ambalo mtu anapaswa kulichukulia hatua. Japo kuwa licha ya kuwepo gharama ya kulipa mwanzo sio kwamba lile jambo huwa haliwezekani bali mhusika huwa anakwepa kijanja kulifanya jambo lile. Zipo sababu ambazo mara nyingi humzuia mtu kutokufanya jambo ambalo anataka kulifanya. Mazoea huwa yanafanya mtu asichukue hatua fulani. Ikiwa mtu una uraibu wa kufanya jambo fulani, kuachana na jambo hilo na kuanza kufanya jambo jipya inakuwa ni ngumu sana. Ni pale sasa ambapo unahitaji kujitoa mzima mzima, kujitoa wewe mwenyewe kama kafara.

Sababu nyingine ni vijisababu visivyoeleweka huweza kusababisha kutofanya jambo jipya. Unaweza ukawa unatamani kufanya jambo fulani lakini unaweka sababu ambazo hazilingani kabisa na kusudi lako, lakini wakati mwingine sababu hizo zikawa zinaleta maana kabisa kwako wewe binafsi na kwa wengine pia wanaokusikiliza.

Biblia huonyesha namna ya kujitoa katika hali fulani ya mazoea ambayo mtu amezoea kufanya.
Mahubiri ya Yohana. Mathayo 3:1-10.
Siku zilealiondokea Yohana Mbatizaji akihubiri katika nyika ya Uyahudi, na kusema, Tubuni; kwa maana Ufalme wa Mbinguni umekaribi. Kwa sababu huyo ndiye aliye nenwa na nabii Isaya, akisema, Sauti ya mtu aliaye nyikani, itengenezeni njia ya Bwana, yangyosheni mapito yake. Naye Yohana mwenyewe alikuwa na vazi la singa za ngamia, na mshipi wa ngozi kiunoni mwake; chakula chake kilikuwa nzige na asali ya mwitu. Ndipo walipomwendea Yerusalemu, na Uyahudi, wote, na nchi zote za kandokando ya Yordani; naye akawabatiza katika mto Yordani, huku wakiziungama dhambi zao.Hata alipoona wengi miongoni mwa Mafarisayo na Masadukayo wakiujia ubatizo wake, aliwambia, Enyi wazao wa nyoka, ni nani aliyewaonya nyinyi kukimbia hasira itakayokuja? Basi zaeni matunda yapasayo toba; wala msiwaze mioyoni mwenu kwamba, tunaye baba, ndiye Ibrahimu; kwa maana nawambia ya kwamba Mungu anaweza katika mawe haya kumwinulia Ibrahimu watoto. Na shoka limeshawekwa kwenye mashina ya miti; basi kila mti usioweza kuzaa matunda mazuri hukatwa na kutupwa motoni.

Ubatizo maana yake kuzamia katika jambo fulani,zamisha kwenye maji. Ikiwa mtu amekiri toba, kuna madhehebu mengine huwabatiza watu kwa kuwazamisha kwenye maji kama ishara ya kusafisha dhambi. Lakini lengo kubwa kuwazamisha katika maji bali lengo kubwa ni kufanya yanayofaa kufanywa. Ikiwa kweli umetubu basi utaonyesha kwa matendo na ndio maana Yohana aliwaka hasira kwa Mafarisayo na Masadukayo, sio kuamini tu bali wanapaswa kuonyesha kwa matendo kulingana na imani yao.

Luka 3:10-14,Makutano wakamwuliza, tufanye nini basi? Akawajibu akawambia, mwenye kanzu mbili na ampe asiye na kanzu; mwenye vyakula na afanye vivyo hivyo. Watoza ushurunao wakaja kubatizwa, wakamwuliza Mwalimu, tufanye nini sisi? Akawambia, msitoze kitu zaidi kuliko ulivoamriwa. Askarri nao wakamwuliza sisi tufanye nini? akawambia, msidhulumu mtu, wala msishitaki kwa uongo; tena mtoshewe na mshahara wenu.

Ikiwa mtu unasumbuliwa na jambo fulani ambalo limekuwa uraibu kwako na linakufanya ukose furaha na unashindwa namna ya kujitoa kilicho muhimu ni kutubu, kwa kukiri kwamba sasa nipo hapa na natubu kwa kuacha kufanya jambo jingine jipya. Kuna uraibu wa mambo mbalimbali, kubishana, kulala sana, mawazo mengi,kuangalia tivi sana, kujikuta unapenda kwenda mahali fulani bila sababu na tabia nyingine ambazo umezoeza na baadae ikawa usumbufu kwako. Kumbuka rafiki yangu, ninachofanya hapa ni kuhubiri injili kwahiyo, umakini wako ndio utakufanya uponywe kutoka na hali mbalimbali. Wakati Yohana alipokuwa akihubiri injili, akitokea jangwani, injili ya wito wa toba, watu walikuwa wamejizoeza kuabudu sanamu, wamejawa na dhambi na mambo mengine machafu. Lakini Yohana alikuja kugeuza mioyo yao, kwa kuwambia tubuni, yaani geuka, na kuonyesha matunda baada ya kugeuka kwamba umeamini kile unachokigeukia unafanya kwa matendo. Yohana alikuwa anageza mioyo ya watu ambao walikuwa wanaenda kuangamia kwa kkufanya mambo yasiyo faa, wito wake ni kugeuza mioyo yao na kuwambia wachukue  hatua za  matunda ya imani mpya.

Unaweza kijikuta upo katika hali ya maumivu wakati mwingine, kutokana na tabia ambayo umeiendekeza kwani mwili hukulazimisha ufanye jambo ambalo wewe mwenyewe hutaki; Warumi 7:19, Kwa maana lile jema nilipendalo, silitendi; bali lile baya nisilolipenda ndilo nilitendalo. Katika hali kama hii unaweza kujikuta katika wakati mgumu sana, kwa sababu kuna vita inakuwa inaendlea ndani yako.  Katika hali hii unahitaji kutimiza mapenzi yako kwa kile ambacho unadhamilia kufanya, kwa uwezo ulionao mwenyewe. Usiishie kusema nataka kufanya jambo fulani, hapana. inakupasa imani yako uunganishe na matendo yako. Usione kama huwezi kuchukua hatua yoyote, kwani kiashilia cha maumivu hayo, kinaonyesha kwamba unapaswa kufanya jambo ambalo ni sahihi.
2Wakorintho 8:11, Lakini sasa timizeni kule kutenda nako, ili kama vile mlivyokuwa tayari kutaka, vivyo hivyo mkawe tayari na kutimiza kwa kadiri mlivyo navyo. Kutokana na utayari wako unahitaji kutimiza mapenzi ya Mungu kutokana na utayari wa Moyo wako. Unaanzia pale ulipo kujitoa wewe mwenyewe, kwani hatupo sawa. Unaweza kuangalia pembeni wakati unajitoa ufanya jambo fulani, au unaweza kuangali mtu mwingine wakati unafanya jambo fulani, waweza kujikuta lile jambo hulifanyi kwa sababu unaweza kujiona kana kwamba huna pa kuanzia ama hujakamirika. Ukweli ni kwamba , tunahitaji kukamirisha kile ambacho tunacho na si kile ambacho wengine wanacho.

Ni lazima sisi wenyewe tujitoe katika kufanya jambo lililo sahihi, ikiwa unahisi kwamba hujakamirika basi ukijitoa mzima mzima kwenye jambo hilo basi utakuwa umekamirika. 2Wakorintho 8:1-3, Tena ndugu zetu, twaarifu habari ya neema ya Mungu, waliyopewa makanisa ya Makedonia; maana walipokuwa wakijaribiwa kwa dhiki nyingi, wingi wa furaha yao na umaskini wao uliokuwa mwingi uliwaongzea utajri wa ukalimu wao. Maana wanashuhudia kwamba, kwa uwezo wao, na zaidi ya uwezo wao, kwa hiyari yao wenyewe walitoa vitu vyao. Pale ambapo unahisi kana kwamba huwezi kutoa kitu, hapo ndipo unajionyesha unaweza kutoa kitu, maana mtu hawezi kuzungumzia kitu ambacho hakipo. Anzia pale ulipo na ujitoe kafara katika hilo unalotaka kufanya.

Sadick Kilasi wa jikolaushauri.blogspot.com.

Mawasiliano ni 0687000768 au sadikila65@gmail.com.