[TAFAKARI NENO YA LEO 3] Usiende Kwa Mganga Siku Ya Kujengwa Msingi Wako.

Usiende kwa mganga siku ya kujengwa msingi wako, inaleta maana kwa sababu siku zote hapo ndipo huwa sisi tunapotea wakati misingi yetu inajengwa. Watu huwa wanaenda  kwa mganga si kwa sababu huwa wanataka kwenda, bali huwa wanaenda kwa mganga kwa sababu hawajiamini na hawana tumaini. Si maanishi kwamba watu huwa wanaenda kwa mganga, huo nimetumia kama mfano tu, ninachomaanisha, usimtafute mchawi nani wakati unajengwa msingi wako.

Ni ukweli usiopingika kwamba kuna wakati huwa tunapitia katika uchungu fulani wa maisha. Huu ndio wakati ambao watu hupotea na kupoteza uelekeo bila kujua kwamba huu ndio wakati ambao msingi wa mafanikio ya mtu binafsi hujengwa. Wakati mambo yanapokuwa magumu watu wengi hutahayarika na mambo huwa yanakuwa magumu kwa sababu hutafsiliwa kuwa huu ni wakati mbaya.

Usiende kwa mganga wakati msingi unajengwa. Watu wengi wakati msingi unajengwa kama ni mkristo basi atakwambia kwamba wakati huu nahitaji kuombewa kwa sababu shetani ameingilia maisha yangu. Kama ni mtu hajaokoka basi wakati huu ndio wakati ambao mtu hukimbilia kwa waganga wa kienyeji ili kupata dawa.

Watu wengi huwa tunapoteza sana hapa, wengi huwa hatutambui kwamba huu ni wakati ambao tunapaswa kujifunza na kuyaelewa maisha namna yalivo. Huu ndio wakati ambao hata shetani hujinyakulia watu wake kiurahisi na kuwatia katika gereza la mateso. Tunasahau kwamba mtu haishi kwa mkate tu bali na kwa neno la Mungu.

Wakati huu ndio wakati ambao msingi wa mafanikio hujengwa kwa sababu nyumba kaiwezi kujengwa juu ya ardhi. Wakati huu Mungu huwa anataka tujitambue sisi ni akina nani, sisi tupoje uone vituambavyo hujawahi kuona, huu ndio wakati, wakati ambao unabeba maisha yako. Kwani mtu haishi kwa mkate tu bali na kwa neno la Mungu.

MATHAYO 4:1-4, Kisha Yesu akapandishwa na Roho nyikani, ili ajaribiwe na ibilisi. Akafunga siku arobaini mchana na usiku, mwisho akaona njaa. Mjaribu akamjia akamwambia, ukiwa ndiwe Mwana wa Mungu, amuru kwamba mawe haya yawe mikate. Naye akajibu akasema,imeandikwa, mtu hataishi kwa mkate tu, ila kwa kila neno litokalo katika kinywa cha Mungu.

Hapa Mungu alimpeleka Yesu jangwani ili ajaribiwe, lakini watu wengi tukiwa jangwani huwa tunafiki kwamba ni shetani anatutesa kumbe hapata. Tupo pale kujengwa ili tuende hatua fulani.

 Ngugu yangu, huna cha kupoteza wakati unapitia mambo magumu, furahia kwa sababu Mungu anakufundisha kwa hekima yake ya ajabu. Anataka wakati unafanikiwa katika maisha yako uelewe ulikotoka na hapo ndipo utakuwa na haki na yale mafanikio maana utaelewa kwanini upo hapo nani nini msingi wa mafanikio yako. Mshukuru Mungu wakati unapitia wakati huu, mwambie Mungu azidi kukuonyesha njia zake ili utambue vizuri. Maana ukikemea ovyo unataka kupingana na Mungu.

Lazim uelewe kwamba Mungu anakupenda.
Lazima uelewe kwamba Mungu anakupigania.
Lazima uelewe Mungu anataka kukuonyesha na kukufunza hekima zake.
Kama kweli unamtumainia Mungu utatambua kabisa kwamba hata shetani akija mimi hapa nipo na Mungu. Usikasirike kufundishwa na Mungu kwani Mungu hawezi kukufundisha ikisha akakutupa.

Mafunzo ya Nabii Isaya.
ISAYA 28:23-29, Tegeni masikio , sikieni sauti yangu, sikilizeni mkasikie neno langu. Je! mwenye kulima alima daima, ili apande? Afunua daima madongoa ya nchi yake, na kuayavunja? Akiisha kuulainisha uso wa nchi yake, je! hamwagi huko na huko kunde, nakutupatupa jira, kuitia ngano safu safu, na shayiri mahali pake palipochaguliwa, kusemethi karibu na mipaka yake? Kwa maana Mungu wake anamwagiza vizuri na kumfundisha. Kwa maana kunde zile hazipurwi kwa chombo kikali, wala gurudumu la gari halipitishwi huko na huko juu ya jira ile, bali kunde zile hupurwa kwa fimbo, na jira ile kwa ufito. Ngano ya mkate husagwa; kwa maana hapuri siku zote bila kukoma; na ingawa  gurudumu la gari lake na farasi wake, huitawanya ngano ile, haisagi. Hayo nayo yatoka kwa Bwana wa majeshi, mwenye shauri la ajabu, apitaye wote kwa hekima yake.

Mwenye haki, vazi lake halichakai wala mfupa wake hauvunjwi. Mtumainie Mungu yeye atakupigania. Ona wema kwenye kila jambo na ikisha mtukuze Mungu aliyejaa hema za ajabu.

Sadick Kilasi wa jikolaushauri.blogspot.com.

Mawasiliano ni 0687000768 au sadikila65@gmail.com.