Utabiri Wa Nabii Danieli Juu Ya Injili Ya Maji Na ROHO Inayotutakasa Hivi Sasa.

Kama ndio mara yako ya kwanza kuisikia injili ya Maji na Roho basi hakikisha ujanajipatia kitabu cha UKRISTO NA MAISHA bure kabisa ambapo kwenye kitabu hicho nimeelezea kwa undani juu ya injili hii. Kama bado hujaokolewa na kusafishwa dhambi zako basi rafiki yangu, hakikisha unajipatia kitabu hiki ambacho mimi natoa bure kabisa. Kwa kuifahamu injili ya maji na Roho na kuijua kwa undani, hiyo itakupa haki wewe ya kufanyika mwana wa Mungu ikiwa utaiamini baada ya kutakaswa na kusafishwa dhambi zako. Kwahiyo unapoiamini injili hii unatakaswa dhambi zako ndani ya moyo wako.

Nabii Danieli ni mmoja wa manabii ambao walitabiri juu ya injili ya Maji na Roho. Japo na manabii wengine walitabiri hili lakini leo ningependa tuangalie kwa ufupi juu ya utabirii wa Danieli. Tunazidi kuiongelea injili hii kwa upana zaidi ili tupate kujijenga zaidi juu ya utambuzi wa injili hii. Na kwa kadiri ambavyo tunazidi kuifahamu ndivyo tunazidi kupata haki juu ya hili. Maana maneno matakatifu yanasema, Luka 6:48, Mfano wake ni mtu ajengaye nyumba, na kuchimba chini sana, na kuweka msingi juu ya mwamba; na kulipokuja gharika, mto ulichukia nyumba ile kwa nguvu, usiweze kuitikisa; kwa kuwa imejengwa vizuri.
Kiukweli katika maisha yangu naifurahia sana injili hii ambayo imenifanya kuwa mwana wa Mungu na inanipa haki ya kujiita kwamba mimi sina dhambi, na kweli sina dhambi.

Nabii Danieli alitabiri juu ya injili hii, japokuwa hakuizungumzia kwa undani lakini alitabiri juu ya watu wawili ambao walitupa haki ya sisi kufanyika watoto wa Mungu. Watu hao ni Yohana na Yesu mwenyewe. Watu hao ndio walifanya tendo ambalo sasa hivi linatufanya tufurahie maisha bila wasiwasi na kuondolewa mizigo yetu.

Danieli 12:5-10, Ndipo mimi, Danieli, nikatazama, na kumbe, wamesimama wengine wawili, mmoja ukingo wa mto upande huu, na mmoja ukingoni mwa mto upande wa pili. Na mmoja akumwuliza yule mtu aliyevikwa nguo za kitani, aliyekuwa juu ya maji ya mto, Je! itakuwa muda wa miaka mingapi hata mwisho wa mambo haya ya ajabu? Nami nikamsikia yule mtu aliyevikwa nguo za kitani, aliyekuwa juu ya maji ya mto, hapo alipoinua mkono wake wa kuume na mkono wake wa kushoto kuelekea mbinguni, akaapa kwa yeye aliye hai milele na milele, ya kwamba itakuwa wakati, na nyakati mbili na nusu wakati; tena watakapokuwa wamevujwa nguvu za hao watakatifu, ndipo mambo hayo yote yatakapotimizwa. Nami nikasikia lakini sikuelewa; ndipo nikasema, Ee BWANA wangu, mwisho wa mambo hayo itakuwaje? Akasema, enenda zako, Danieli; maana maneno haya yamefungwa, na kutiwa muhuri, hata wakati wa mwisho. Wengi watajitakasa, na kujifanya weupe, na kusafika, bali wabaya watatenda mabaya; wala hataelewa mtu mbaya awaye yote; bali walio na hekima ndio watakaoelewa.


Hii ni injili ambayo nabii Danieli aliitabiri na kwahiyo watu tunaokolewa kwa hiyo. Pale Yesu alipobatizwa na Yohana Mbatizaji katika mto Yordani ndipo dhambi zetu alizibeba na kwaajili ya dhambi hizo akateswa msalabani na kufa na kwa uweza wa Roho akafufuka na sasa yupo hai. Yupo hai sasa na ndiye anayetubatiza kwa Roho Mtakatifu. Yeyote ambaye atamwamini Yesu kwamba alikuja katika maji, damu na Roho katika ufufuko wake huyo ataokolewa. Yesu yupo hai ndiye anayebatiza watu kwa Roho Mtakatifu. Je unauamini ubatizo ambao Yesu alibatizwa na Yohana Mbatizaji kama kuhani mkuu wa wawanadamu? Je! unaamini kwamba kwaajili ya dhambi zako aliteswa msalabani? Je! unaamini alikufa kwa sababu ya dhambi zako na sasa yupo hai baada ya kukufuliwa kutoka kwa wafu kwa uweza wa Roho wa Mungu? Kama ndiyo, basi unapaswa kuomba ombi hili;

MIMI MTU FULANI [vizuri utaje jina lako], NIMEZALIWA KATIKA KIZAZI CHA DHAMBI, MIMI NI MTENDA DHAMBI SIKU ZOTE, NATENDA DHAMBI WAKATI WOTE NA KWAAJILI YA DHAMBI ZANGU MWISHO WANGU NI MOTONI LAKINI SASA NINAKUAMINI WEWE MUNGU YA KWAMBA ULIMTOA MWANAO WA PEKEE, KWA UBATIZO WAKE ALIOBATIZWA NA YOHANA KATIKA MTO YORDANI DHAMBI ZANGU ZILICHUKULIWA NA YESU NA KWAAJILI YA DHAMBI ZANGU AKATESWA MSALABANI, AKAFA, AKAFUFUKA KWA UWEZA WA ROHO, NA SASA YUPO HAI. EYE YESU NAOMBA UNIBATIZE KWA ROHO MTAKATIFU.


Sasa baada ya ombi hili, unapaswa kuonyesha kwamba umeamini, mshukuru Mungu kwaajili ya tendo hilo alilolifanya, anza kuishi kwa upendo na watu na huku ukimwomba Mungu akuongoze katika hatua za maisha yako.Kwa wakati huu epuka kupenda kulaumulaumu wakati wote lakini maombi ya shukrani na yatawale katika kinywa chako. Tayari umefanyika mwana wa Mungu, tegemea kuwasaidia watu ni si kupokea tu. Jitaidi kusoma neno la Mungu maana kwa kadili unavosoma mwenyewe ndivyo unavyozidi kupata haki na kwenye kitabu kitakatifu Mungu anaonekana zaidi. Shukrani, ependo, uvumilivu na kujali usawa katika maamuzi ni jambo ambalo linapaswa kutawala katika katika maisha yako. Kwa sababu anayebatiza ni Yesu mwenyewe na lazima utambue kabisa kwamba Mungu anaelewa namna unavyofikiria na unavyotenda, kwa hiyo jiweke katika uwepo wa Mungu wakati wote. Yesu, atatimiza mapenzi yake na mapenzi yake siku zote ni wewe kuamini kile anachokupa na kukipokea. Mwombe Mungu akujulishe kiashilia cha kupokea Roho Mtakatifu. Swala hili ni siri ya moyo wako na wewe na kazana kutenda mema. Asante

Sadick Kilasi wa jikolaushauri.blogspot.com.

Mawasiliano ni sadikila65@gmail.com au 0687000768.