Una Shina La Kukupeleka Katika Ushindi.

Kila mmoja amezaliwa akiwa amewekewa kipawa cha kipekee ndani yake. Hicho ndicho kiyu ambacho Mungu ameweka ndani yake. Ni shina ambalo likikua baadae huzaa mtawi mengi sana. Kama ilivyo Mungu, Mungu ndiye shina wa kila kitu hapa duniani, vitu vyote vilivyopo duniani yeye ndiye mwanzo wa kila kitu.

Mungu alivotuumba hata sisi alituweka katika mfumo wa namna hiyo. Kila mmoja ana shina lake. Kipawa ambacho ni cha kuzaliwa. Wengine ni wahamasishaji, wengine ni walimu, wengine ni wachezaji, wengine ni waimbaji, wengine ni wataalamu wa mahusino, wengine wafariji na kadharika. Hivi vyote ni vipawa ambavyo mtu huwa anakuwa nacho.

Lakini pamoja na kuwa na vipawa hivi, bado tunahitaji matawi ili tuweze kukamirika. Na hapa ndipo tunahitaji kujifunza kutoka kwa wengine, na kwa ujumla sisi binadamu tunahitajiana katika maeneo mbalimbali. Warumi12:4-9, Mwili una viungo vingi kila kimoja kina kazi yake. Hali kadharika ingawa sisi ni wengi,  tu mwili mmoja kwa kuungana na Kristo, na kila mmoja ni kiungo cha mwenzake. Basi, tunavyo vipaji mbalimbali kadiri ya neema tuliyopewa. Mwenye kipaji cha unabii na akitumie kwa kadili ya imani yake. Mwenye kipaji cha utumishi na atumike. mwenye kipaji cha kufundisha na afundishe. Mwenye kipaji cha kuwafariji wengine na afanye hivyo. Mwenye kuwagawia wenzake alichonacho na afanye hivyo kwa ukarimu. Msimamizi na asimamie kwa bidii; naye mwenye kutenda jambo kwa huruma na afanye hivyo kwa furaha. Mapendano yenu na yawe bila unafiki wowote. Chukieni jambo lolote ovu, na zingatieni jema.

 Katika maisha tunayoishi tumepewa vipawa mbalimbali na kwa watu tofauti, kila mmoja na kipawa chake lakini bado tunahitajiana ktokana na mapungufu tuliyonayo. Duniani huwa tunakazania maisha ya usawa lakini hatuwezi kuufikia usawa, tutashindwa kuhudumiana. Lakini utofauti wetu uwe ni ubora wa kujariana kwa mapendo ya kweli.

 Kwa hiyo rafiki yangu angalia maeneo ambayo unahisi ni kipawa chako na anza kutumia kuwasaidia wengine kipawa chako. Binafsi nilijijua kwamba ninakipawa cha kutafakari maneno magumu [lugha]. Japo mimi sio msomi lakini nilijielewa hivyo ndivyo nilivyo. Lakini pia nilijielewa kwamba ninamapungufu katika kuhusiana na watu. Siwezi kujenga mahusiano na watu kwa muda mrefu. Na hili linanifanya niwe tayari kuweka mpango ili kuwa na watu ambao mpo kwa pamoja katika kuhudumiana.

Kwahiyo kila mmoja amepewa kianzio na hii yote ni kuhakikisha kwamba maisha ya kila mtu yanakuwa bora kutokana na utofauti. Tunahitajiana , aliyenacho anamhitaji asiye nacho na asiye nacho anamhitaji aliye nacho.

Karibu katika group la SURA YA UKWELI, ili tuhudumiane tujifunze mengi. Pia hakikisha unapata kitabu cha UKRISTO NA MAISHA kama bado hujapata nakala yako. Asante.

Sadick Kilasi wa jikolaushauri.blogspot.com.

Mawasiliano ni 0687000768 au sadikila65@gmail.com.