[TAFAKALI NENO YA LEO...7] Ondoleo La Hofu Na Maisha Ya Ushindi.

Ili kuhakikisha kwamba kila mmoja anaondokewa na utumwa wa hofu ya kifo, dhambi, ubinafsi, kutengwa, kudhalauliwa, utumwa katika jambo fulani, ukosefu wa hekima na maarifa, hofu ya kutembelewa na nguvu za kishetani na mambo mengine yote, Mungu alifanya kitu kimoja, alimtoa mwanaye Yesu Kristo ili kila amwaminiye apate kufunguliwa kwa hivyo.

Hakuna mtu ambaye anamwamini Mungu harafu akawa na hofu ndani yake, hicho kitu hakipo, haijarishi upo katika wakati gani, ikiwa unamwamini Mungu basi hofu hawezi kukutawala muda wote.

Maisha ya ushindi ni maisha ambayo tayari Mungu alishatuandalia mwanadamu. Na kuonyesha hilo aliondoa udhaifu wote ambao unaweza kumtawala mwanadamu wakati analiendea tumaini lake.  Ni wazi kwamba Mungu alitaka tufurahie maisha wakati tunaliendea tumaini letu. Kila mmoja ana njozi yake, japo hazifanani ukubwa lakini kila mmoja anatumaini lake, haijarishi unaishije. Japo kuwa  unaweza usielewe kwamba unamatumaini lakini ukweli ni kwamba kila mmoja anamatumaini. Kila mmoja anataka kuifikia kesho lakini ili uifikie kesho kwa ushindi mkubwa unapaswa unapaswa kuishi leo kwa ushindi mkubwa. Ukiijenga leo vizuri basi kesho yako utapanda ngazi inayofuata.

Upo umuhimu wa kuondoa hofu ndani yako na kuishi maisha ya furaha kwa sababu furaha ndiyo nguvu yako wewe. Kama umekuwa na hofu ya jambo fulani, kuna watu wana hofu na familia zao, akirudi nyumbani mwenza wake anamsumbua kweli, matatizo hayaishi, kuna watu wana hofu ya kulogwa, kuna watu wana hofu na giza, kuna watu wanahofu ya kuumia, nazungumzia kila aina ya hofu, hofu zote usikubali zikutawale na zikufanye uwe mwoga. Chochote unachokiogopa ni kidogo kuliko unavyokiogopa.Hofu ni kubwa kuliko hicho.


Udhaifu wote ulibebwa, machungu yote yalibebwa, hakuna hofu ndani ya Mungu. Kama unataka kuishi mafanikio ishi mafanikio. Kama unataka kuishi upendo ishi upendo, kama unataka kuishi furaha ishi furaha, kama unataka kuishi unyenyekevu ishi unyekevu. Siku zote za maisha yako ishi utayari unaotaka. Ishi matumiani yako kwa nguvu zako zote.

Usisahau kusoma neno la Mungu ndiko utakakopata haki ya kuishi maisha ya ushindi.

Nafarijika sana nikiutafakari muujiza huu, ambao Yesu aliufanya, Marko 8:22-26, Yesu akafika Bethsaida pamoja na wanafunzi wake. Huko watu wakamletea kipofu, wakamwomba amguse. Yesu akamshika huyo kipofu mikono, akampeleka nje ya kijiji. Akamtemea mate machoni, akamwekea mikono,akamwuliza, Je, unaweza kuona kitu? Huyo kipofu akatazama, akasema, ninawaona watu wanaonekana kama miti inayotembea. Kisha Yesu akamwekea mikono machoni, naye akakaza macho, uwezo wake wa kuona ukamrudia, akaona kila kitu sawsawa. Yesu akamwambia aende zake nyumbani na kumwamuru, usirudi kijijini!


Yesu alikuwa namwonesha kwamba, huyo kipofu, kwamba mimi ndiye niliye kuumba kwa udongo, kwa kumtemea mate machoni lakini kipofu alikuwa haoni vizuri, anaona watu kama miti inatembea, akampa msaaada tena, akamwekea mikono machoni , kipofu akakazana kuona akaona.

Sio kwamba Yesu katuponya anataka uwe sasa unalala tu, hapana, unapopewa msaada na wewe unesha ushilikiano nawe utaona. Kazana rafiki yangu, maana neno linasema ingieni kwa mlango mwembamba, basi kama ni mlango ndani kuna bwalo. Ina wezekana kuwa huwa unasoma neno harafu huelewi lakini ninachota kukwambia kazana kusoma, Mungu ameweka mikono kwenye macho yako, utaufikia ushindi.

Usifikilie udhaifu, kwani hakuna udhaifu ulobaki, zaidi ya ushindi peke yake. Badili hofu yako kuwa ushindi. Geuza magumu yako kuwa ushindi, ona kwa uzuri kwenye kila jambo.

Nisaidie kushiriki makala hizi kwa marafiki zako ili nao waponywe. Asante, Mungu akubariki.

Sadick Kilasi wa jikolaushauri.blogspot.com.

Mawasiliano ni 0687000768 au sadikila65@gmail.com.