Kuna watu ambao wamejikinai kwa sababu ya hofa ya mapito yao mpendwa amka, la sivyo utaoza, utatoa harufu mbaya, utakuwa hufai kitu. Simama maisha ni ya kwako, njia bado ipo.
Kuna watu wamekinai safari yao ya mafanikio, wamejikinai kabisa, mpemdwa, utaoza, amka, dunia inakuhitaji sana wewe katika kufika mahali fulani pa kujenga watu.
Kuna watu wamejikinai mahusiano yao, mpendwa, utanuka, vaaa viatu vya utayari, la sivyo dunia itakufanya unuke. Kumbuka ulipodindoka ukajenge hapo.
Mpendwa wapo watu ambao ni mfano kwetu ambao waliishi matumaini licha ya kwamba waliteseka kwa miaka mingi mingi. Mwana mke aliyetokwa na damu miaka kumi na mbili, akatengwa na jamii lakini bado alikuwa na tumaini. Ameenda kwa waganga wengi wakashindwa lakini bado alikuwa anatumaini, hakujikinai, aliona bado fursa, alipomwona Yesu licha ya kwamba watu wengi walikuwa wamemsonga Yesu, alijiambia nafsini mwake bado hapa pana njia, nikigusa tu pindo la vazi lake kwa kidole changu nitapona, alichukua hatua, akapona.
Mpendwa msomaji, Batimayo kipofu, licha kuishi miaka mingi kama ombaomba na kipofu lakini bado alikuwa na matumaini, hakujikinai bado alikuwa hai kwa matumaini yake, alichukua hatua alipoona fursa, aliita kwa nguvu akapata haki yake.
Watu wanaweza kukupinga, watu wanaweza kukuzalau, watu wanaweza kukuchukulia kawaida lakini kama wewe unamatumaini ishi matumaini yako. Watu wengi mnapatana kwa sababu mnaendana mnachofanya lakini siku ambayo utanuia kufanya mageuzi ya maisha yako, rafiki yako wa kwanza, hatakuwa rafiki yako wa kwanza, wengine watakupinga kabisa, wengine watasema unajidai, wengine watasema wanachotaka kusema.
Lakini nikwambie kitu kimoja lazima uwe chumvi ya ulimwengu, inayofaa kuungwa na kutumika, usifanye mambo kwa mazoea utanuka. Kuna wakati unaweza kufika upo peke yako kwa sababu ya maamuzi uliyochukua, wacha dunia ikutenge tu kwa muda, wacha wajitokeze watu ambao Mungu kakuandalia watu wa dizaini yako, wewe endelea kufanya linalofaa la sinyo utanuka utatoa harufu.
Ikiwa unaangalia watu na kusema watu watanionaje basi unahatari ya kupolopoka zaidi yao kwani wewe waonyesha upo chini yao, chukua maumivu kwa kitambo lakni ushindi upo mbele yako. La sivyo utanuka, utatoa harufu.
Usikubali kupoteza kwa sababu unahisi huna mwelekeo, njia ipo, fanya unalofanya, usikubali hisia zikuongoze, hisia zinahtaji kukufuata wewe baada ya kuchukua maamuzi, usikubali kufa moyo kwa sababu huna pa kuanzia, ndugu, kumbuka ulikuja dunia bila nguo na hata mwili ulikuwa huna, aliyekuvisha mwili atakusaidia, alikuvisha nguo hawezi kukuacha. Paza sauti yako.
Usikubali kunuka katika kila eneo la maisha, kama umeanza kufanya kitu endelea kupiga juhudi, kama hujaanza amka sasa wewe uliyekufa, nuru ikuangazie sasa, kama unahisi watu wanakutenga chukua jukumu lako dunia ndivyo ili hata Yesu mwisho wa kuelekea katika maamuzi magumu hakuna hata mwanafunzi wake aliyeogozana naye lakini mwisho alijipatia watu wengi zaidi na hata wale waliomtenga walikuwa wanamtukza. Wapo watu kwa siri wanakupenda, wapo watu kwa siri wanatamani kuwa na hicho ulichonacho, wapo watu ambao wanatamani kuwa mashabiki zako, una kila aina ya watu, chukua jukumu la maisha yako.
Kuwa na matumaini, ishi matumaini, amini matumaini yako. Wacha dunia iongee inachotaka kuongea lakini usikubali kunuka, usikubali kuwa chumvi ambayo haifai kitu, usikubali kuwa nguo kuukuu, usikubali kutoa harufu mbaya, dunia itatengeneza njia ya wewe kupita. Asante.
Kama bado hujapata kitabu cha UKRISTO NA MAISHA, ili uanze maisha mapya yenye matumaini mapya. Uwe na nguvu ya safari yako ya mafanikio. Kwa kusoma kitabu hichi na kukiamini, utapokea kipawa cha Roho Mtakatifu, ambavyo ni; uvumilivu, upendo, amani, furaha, kiasi na vingine ambavyo ni siraha katika safari ya mafanikio. Usijikinai Ngugu, utanuka, bado kunatumaini. Nisaidie kusambaza makala hii, asante.
Sadick Kilasi wa jikolaushauri.blogspot.com.
Mawasiliano ni 0687000768 au sadikila65@gmail.com.
Posts
0 comments:
Post a Comment