Katika maisha hakuna kubaki sehemu moja kama hupandi ama hushuki. Kwa sababu ya dunia jinsi ilivyo, dunia ambayo imetawaliwa na nguvu hasi kabisa. Kama huna unachokifanya ambacho kinakupeleka mbele basi tambua dunia inakushusha chini. Huwezi kubaki palepale.
Ikiwa utapanda mbegu mbovu basi mti na matunda yake yatakuwa matunda mwitu tu, kutokana na mbegu uliyopanda. Wapo watu ambao maisha yao haya furaha lakini wapo watu ambao maisha yao yana furaha. Wanaokosa furaha siku zote huendelea kukosa furaha kwani mbegu waliyochagua huendelea kuwapeleka bondeni. Wanao furahia maisha huendelea kufurahia maisha maana mbegu waliyoipanda hundelea kuzaa na kutoa mbegu njema.
Tujifunze kutoka kwenye neno la Mungu: Mwanzo 1:11-12, Mungu akasema, nchi na itoe majani, mche utoao mbegu, na mti wa matunda uzaao matunda kwa jinsi yake, ambao mbegu zake zimo ndani yake, juu ya nchi; ikawa hivyo. Nchi ikatoa majani, mche utoao mbegu kwa jinsi yake, na mti uzaao matunda, ambao mbegu zake zimo ndani yake, kwa jinsi yake. Mungu akaona ya kuwa ni vyema.
Mpendwa msomaji, nchi hii ukilima mazao, ukipanda mahindi ni lazima magugu yatamea yenyewe bila kupandwa. Unakazana kwenye nini? kitu gani unapalilia? kama unapalilia magugu basi magugu yatakua lakini kama unapalilia mahindi basi mahindi yatakua. Watu wengi huwa wanapoteza furaha kutokana na hatua zake za maisha na kile ambacho unakizingatia.
Unaweza ukapanda mbegu mbovu lakini kama umestuka unaweza kupanda mbegu njema na ukaizingatia mbegu njema. Wakati Mungu aliumba hi dunia aliumba wanyama wakufugwa na wasiofugwa, miti ya kufugwa na isiofungwa. Ukifuga mnyama asiye fungwa, jiandae kwa maumivu. Ukifuga mti usiofugwa, basi jiandae kwa matunda ya mwituni.
Lakini wapo watu ambao maisha yao wanatamani sana kujiondoa kwenye hali ya kuwa mwituni kwao limekuwa jambo ambalo haliwekani licha ya kuwa hawataki kusumbuliwa na hali hiyo. Nalizungumzia hilo kwa sababu nimekubwa na hali hiyo kwa muda mrefu, licha ya kwamba nilipanda mti mwema lakini bado ile hali iliendelea kunifuata kwa sababu ipo na mimi, kama maneno matakatifu yanavyosema; Yeremia 3:1, Watu husema, mtu akimwacha mkewe, naye akienda zake, akawa mke wa mtu mwingine, je! mtu huyo atamrudia tena? Je! nchi hiyo haitatiwa unajisi? Lakini wewe umefanya ukahaba na wapenzi wengi; nawe, je! utanirudia mimi? Asema Bwana.
Katika mazingira kama hayo wengi huteseka, wengi hujikuta wanafanya na wanaendelea kupalilia uovu hata kama hawataki. Mungu alipoiumba dunia aliikamirisha kila kitu lakini tatizo ni watu kuwana matumizi mabaya na vitu ambavyo Mungu amewaumbia na kuwapa wanadamu watawale. Mfano mdogo tu, ambao watu hutumia vibaya kile ambacho Mungu ameweka ndani yao, kama vile, dharau au kupuuzia. Dharau sio mbaya kwa mwenye matumizi mazuri lakini dharau ni mbaya sana pale ambapo unatumia kuwaumiza wengine. Lakini pia unaweza ukatumia dharau kuwasaidia wengine na kuepuka matatizo ambayo hayana maana. Luka 23:34, Yesu akasema, Baba, uwasamehe kwa maana hawalijui wanalolifanya. Huu ni mfano mzuri tu wa matumizi mazuri ambayo Mungu katuwekea vitu tutawale kwa bahati mbaya wengi humiliki.
Mpendwa msomaji; inawezekana mambo yako si mazuri katika maisha yako lakini kuna njia ya kutoaka. Haijarishi kuna kitu ambacho huwa kinakufinya na kukuumiza kiasi gani ndani mwako lakini yeyote yule ambaye yupo tayari kuchukua hatua Mungu ameweka uponyaji kwa kila mmoja. Watu wengi wanateseka kwa sababu wanataka wanavyotaka kwa sababu watu wanataka; lakini ngoja nikwambie hivi, chochote kile ambacho unakitaka utapata ikiwa tu utaanzia ndani yako na kukubali mazingra ya hapo ulipo kwamba nipo hapa sasa natubu kwa kufuata njia iliyo sahihi.
Kama umejikuta umeingia kwenye mtego basi kaa na utambue tu kwamba mtego sio mauaji bali ukinaswa kwenye mtego bado unamatumaini ya kuishi. Shukuru kwamba umepata makala ambayo itakusaidia na hali uliyonayo na kuanza kishi maisha ya matumini.
Mimi huhubiri injili ya maji na Roho lakini wakati nasoma kitabu cha ISHINDE TABIA YA KUGHAHIRISHA MAMBO, nilikutana na kanuni ya kupona kutoka kwenye hali hiyo na kanuni hiyo inaendana na ubatizo wa Yohana Mbatizaji, kanuni yenyewe ni;
Mfumo wa kutengeneza tabia yoyote mpya huwa unapitia hatua tatu, unatengeneza tabia yoyote ile ambayo unaitaka;
1.Kikumbushio.
2.Kitendo unachofanya.
Faida unayopata.
Huu ni utafiti wa kisayansi ambao unaweza kutumia kubadili tabia yoyote ile. Lakini nimekwambia kwamba utafiti huu unafanana kabisa na mahubiri ya Yohana Mbatizaji, formula ndiyo hiyo hiyo. Angalia, Mathayo 3:1-12, Siku zile Yohane Mbatizaji alitokea, akaanza kuhubiri katika jangwa la Yudea. Tubuni maana ufalme wa Mbinguni umekaribia. Huyu Yohane ndiye yule ambaye nabii Isaya alinena juu yake aliposema. Sauti ya mtu inaita jagwani: Mtayarisheni Bwana njia yake, nyosheni barabara zake ,Yohana alivaa vazi lililoshonwa manyoya ya ngamia, na ukanda wangozi kiunoni mwake. Chakula chake kilikuwa nzige na asali ya mwituni. Basi, watu kutoka Yerusalemu, kutoka pande zote za Yudea na sehemu zote za kandokando ya mto Yordani, walimwendea, wakaziungama dhambi zao, naye akawabatiza katika mto Yordani. Lakini alopoona Mafarisayo wengi na masadukayo wanamjia, ili aawabatize aliwaambia, Enyi kizazi cha nyoka! Ni nani aliyewadokezea mikimbie ghadhabu inayokuja? Onesheni kwa vitendo kwamba mmetubu.Msifikiri na kujisemea Baba yetu ni Abrahanu hakika, Mungu anaweza kuyafanya mawe haya kuwa wototo wa Abrahamu. Basi,shoka lipo tayari kwenye mizizi ya miti; hivyo kila mti usiozaamatunda mazuri utakatwa na kutupwa motoni. Mimi nawabatizeni kwa maji kuonyesha mmetubu. Lakini anayekuja baada yangu ananguvu kuliko mimi, nami sistahili hata kubeba viatu vyake. Yeye atawabatizeni kwa Roho Mtakatifu na kwa moto. Yeye anashika mkononi mwake chombo cha kupuria nafaka, ili aipure nafaka yake; akusanye ngano yake ghalani, na makapi ayachome kwa moto usiozimika.
Yohana alikuja kuwageuza watu ambao walikuwa wamepotea, watu waliokuwa wanaabudu sanamu, watu wenye shida mbalimbali, watu wenye dhambi na hilo ndiyo kazi ya Yohana. Yohana alikuwa anawakumbusha kwamba uliko siko, tubu. Kutubu ni pale ambapo unakubali umekosea na unachukua hatua ya pili. Mpendwa msomaji, ili kuelewa hili kwa makini, kuna mambo matatu ambayo ni; imani, utayari na matumaini. Na siku zote hiyo ndiyo fomula ambayo kila mtu huwa anatumia kuishi. Rafiki yangu naomba uwe makini sana hapa; Labda nikufafanulie mstari wa kwanza na wa pili ili tuende kwa pamoja,...Siku zile Yohana Mbatizaji alitokea, akaanza kuhubiri katika jangwa la Yudea: Tubuni, maana Ufalme wa mbinguni umekaribia...[ hiki ni kikumbusho], kwa sababu watu walikuwa bize kufanya mambo yao ya hovyo, kufanya mambo yasiyofaa ambayo yapo nje ya uwepo wa Mungu sasa ilibidi Yohana awakumbushe hivyo. Sasa katika hiyo mbegu ndogo kabisa ya kikumbusho imebeba, mfumo wa imani, utayari na matumaini.
Sasa kabla ya kuendelea mbele naomba nikuonyeshe mfumo wa Mbegu jinsi unavofanya kazi; MWANZO 1:11-12, Kisha Mungu akasema, nchi na ioteshe mimea. Mimea izaayo mbegu, na miti izaayo matunda yenye mbegu. Ikawa hivyo. Basi, nchi ikaotesha mimea izaayo mbegu kwa jinsi yake, na miti izaayo matunda yenye mbegu kwa jinsi yake. Mungu akaona ya kuwa ni vyema. Hizi ndizo hekima za Mungu, hakuna mtu anayetambua, mwanzo wa mambo yote ni yeye, asante, tuendelee.
Ukisoma mstari unaofuata utakuja kugundua kwamba, mbegu aliyokuwa anaihubiri Yohana, ilikuwa chanzo chake ni Mungu, Mathayo 3:3, Huyu Yohane ndiye yule nabii Isaya alinena juu yake aliposema: Sauti ya mtu anaita jangwani: Mtayarisheni Bwana njia yake, nyosheni barabara zake. Kwa hiyo Mungu alitia neno ndani ya Yohana, mbegu aliyekuwa anaihubiri Yohana, mwanzo wake ni Mungu. Hareluya.
Sasa ukisoma kwa umakini kifungu kizima ambacho nimekuwekea hapo juu kinachohusu Yohana utakuja kugundua mfumo wake ndiyo huohuo. Sasa kwa kadili ambavyo anazidii kutoa ndivyo mambo yanazidi kuwa wazi wazi mpaka unakuwa msitu mnene.
Tutaendelea na makala na makala hii, kwa leo tuishie hapo. Lakini kitu kimoja ambacho rafiki yangu ningependa unisaidie kuwaalika watu ili tuwe pamoja katika makala hizi, alika kila mmoja kwa kumtumia makala hii. Hizi ni makala zenye uponyaji wa ndani kabisa kwahiyo hata wewe unapaswa kufuatilia mwendelezo huu ili uchimbe msingi kwa ndani zaidi. Makala hizi ni za uponyaji kiroho, kiakili na kimwili. Leo ndio tumeanza.
Sadick Kilasi wa jikolaushauri.blogspot.com.
Mawasiliano ni 0687000768 au sadikila65@gmail.com.
Posts
0 comments:
Post a Comment