Hakuna Mtu ambaye Hana Kabisa Katika Maisha.

Moja ya jambo ambalo linawasumbua watu wengi katika maisha ya leo ni umaskini. Kwa bahati mbaya watu wengi wana chuki na umaskini. Wengi hutumia neno umaskini kama laana. Huwa najipa muda natafakari sana hasa kwa kizazi hiki, ambacho watu wengi wana hamasa ya mafanikio. Moja ya kitu kikubwa ambacho watu wengi wanapotezwa ni kutokuwa tayari kutofautisha mambo. Na hii ndio njaa ya watu wa sasa. Watu wana chuki na umaskini ambao umewalea. Leo hii hamasa zipo nyingi na kwa bahati mbaya wengi hushabikia kwenye vitu ambavyo hawavijui. Kama utapachukia palipokulea utapapendaje pasipo kulea.

Kabla hujatoa hatua kuelekea kwingine hakikisha ulipopakanyaga unapajua. Ukitaka kuwa mtu wa mafanikio na utajiri  hakikisha kuwa unaufahamu vizuri kabisa umaskini. Usiseme kuwa nauchukia umaskini bila kufahamu nini maana ya umaskini na usiseme kuwa naupenda utajiri bila kuufahamu utajiri ni nini.

Nasema hivi kwa sababu watu wengi tunapotoshwa bila kufahamu. Ni lazima tuwe na vikao na sisi, ulimwengu utatufanya kuwa watumwa wa mambo. Leo hii utasikia watu wanakwambia umaskini ni laana. Dunia imejaa ubaya kila mahali. Watu wengi huwa tunasahau kwamba aliyetuweka hapo ni Mungu, leo hii unasema umaskini ni laana, umesahau kwamba wazazi wako walio kulea ni walikuwa ni maskini. Kuita umaskini ni laana, umejitakia laana mwenywe.

Chochote ambacho unachuki nacho hutakipenda. Na ili uwe tajiri lazima ukusanye vya maskini sasa je! unachukuaje vitu vilivyolaaniwa. Sio kosa lako wewe ni kosa la mtazamo wako, fikiri, pambanua, tofautisha na uelewe kwamba pamoja na kuwa giza sio zuri kutea lakini ni zuri sana katika kupata usingizi mwanana na mtamu.

 Hakuna mtu mwenye mafanikio duniani kama tu unamwili na upo hai. Daudi pamoja na kuwa alikuwa ni mtu aliyepedwa na Mungu, lakini Daudi alikuwa ni mtu ambaye anadondoka na kusimama. Analikuwa mkamirifu asingalidondoka. Hakuna mtu ambaye hana, maana chochote ambacho unakitambua tayari unacho, ukitumia vizuri utajenga maisha yako na ukitumia vibaya utaharibu maisha yako.

Chochote ambacho unacho umepewa ili ujengeke. Uwe unakitazama kwa jicho la ubaya ama la uzuri, kama ukitumia vizuri hiyo ni zawadi yako. Hata kama ulikuwa hutambui huko nyuma, kwa sasa unajitambua, utajijenga wewe na pia utawajenga wengine. Kuwa na shukrani kwenye kila jambo, ona wema kweny kila jambo. Kwa sasa rafiki, tazama vile vitu ambavyo ulikuwa unavitazama kwa jicho la ubaya na ikisha, mshukuru Mungu kwa kukujanga. Yeyote anayeangamia anaangamia kwa mtazamo wake na yeyote anayejengeka anajengeka kwa mtazamo wake. Sisi sote tunapendwa na Mungu, na mambo mengi ambayo anatupatia Mungu kwa uzuri tunapokea kwa ubaya na kuagamia kwa hayo. Umaskini ndio sababu ya wewe kufanikiwa, upende umaskini nao umaskini utakupeleka kwenye mafanikio. Ukiona unachukia pale uliposimama inamaana unajichukia mwenyewe.

Hakikisha unajipatia kitabu cha UKRISTO NA MAISHA, kitabu ambacho kimeielezea injili ya maji na Roho vizuri na injili hii ndio ufunguo wa Ufalme wa Mungu. Kitabu hiki ni bure kabisa, rafiki yangu na lengo langu ni kukualika wewe katika kufurahia maisha, Pia nakuomba nisaidie kusambaza makala hizi ili watu wengi wapone. Asante.

Wewe ni zawadi yangu.

Sadick Kilasi wa jikolaushauri.blogspot.com.

Mawasiliano ni 0687000768 au sadikila65@gmail.com.