Maisha ya sasa kila mtu anatamani kufika sehemu fulani. Kila mtu anapenda kufurahia maisha, lakini inakuwa ngumu kwa mtu kufurahia maisha kutoka na jinsi ndani mwake mtu alivo, kujimiliki mwenyewe inakuwa ni kazi ngumu sana. Kwa sababu mtu anashindwa kujiendeshamwenyewe bali anaendeshwa na hisia zake. Analolitaka kulifanya halifanyi bali anajikuta anafanya jambo jingine kabisa tofauti na malengo yake. Inawezekana hata wewe huwa unajikuta katika hali hii, unaweka mipango lakini hutimizi mipango yako, unajikuta tu hufanyi licha ya kwamba hicho kitu ambacho unakifanya hukipendi lakini bado wakifanya.
Wapo wengi ambao hupitia katika hali hii, nasema hili kwa sababu hata mimi nimepitia hali hii, si kwamba kwa sababu nimepitia hali hii na ndio maana nalisemea , hapana, bali ni asili ambayo hufanya kazi kwa mtu yeyote ambaye hajampokea Roho Mtakatifu. Wengi hujikuta wanatabia yakugombana na mtu licha ya kwamba yeye mwenyewe hapendi tabia hiyo lakini asili ya ndani humsukuma mtu huyo, ubinafsi wa ndani hufanya kazi kwa kiwango kikubwa sana. Ni maisha ambayo yanaumiza kwa sababu mtu anaendeshwa na hisia zake, na hana uwezo wa kukotroo hisia.
Ukijikuta upo katika hali hii, sio kitu cha kushangaza bali ni asili ya mwanadamu ambaye hajazaliwa upya. Kwanini? Kwa sababu hata dunia ilianza katika mtumo huo huo wa ukiwa na utupu yaani hali ya kutokueleweka. MWANZO:1-2. Kwa hiyo ikiwa umejikuta katika hali hii na unaishi hali hii, Mungu tayari aliandaa mpango kuhakikisha kwamba, Roho Mtakatifu anaishi ndani yako na kuweza kukukotroo kutokana na hisia zako, wakati hujaokoka unakuwa unaendeshwa na hisia badala ya wewe kuendesha hisia zako. Kwani unapaswa kufanya maamuzi na hisia zako zifuate baadae.
Roho Mtakatifu ni Roho wa Mungu kwahiyo hawezi kukaa sehemu yenye dhambi kwani Mungu ni Nuru. Sehemu yeyote yenye mwaga giza huwa halipo, kwahiyo kama kuna giza la dhambi Roho wa Mungu hawezi kuweka makao mahali hapo. Kwa sababu mpango wa Mungu ni kuhakikisha mwanadamu anaishi maisha yenye maana ilibidi aandae mpango wa kumwokoa mwanadamu baada ya mwanadamu kufanya makosa au dhambi katika bustani ya Edeni. Dhambi ilingia kwa mtu mmoja, Adamu na watu wote wakawa katika uzao wa dhambi.
Kwa kuwa Mungu hakutaka mwanadamu aishi hivyo wakati wote, aliandaa mpango;
Mwanzo:3-15, nami naweka uadui kati yako nahuyomwanamke, nakati ya uzao wako, na uzao wake; huo atakuponda kichwa , nawe utamponda kisigino. Baada miaka mingi, toka Adamu mpaka Yohana Mbatizaji, wanadamu wote walikuwa chini ya utawala wa shetani lakini ujio wa Yesu ndio ulileta tumaini jipya kwa wanadamu. Yesu alibeba dhambi zote za ulimwengu bila kuacha dhambi yoyote. Yohana :1-29, Siku yapili yake amwona Yesu anakuja kwake, akasema, tazama, Mwana-kondoo wa Mungu, aichukuaye dhambi ya ulimwengu! Huu ulikuwa ni mpango wa Mungu Yesu kuchukua dhambi ya ulimwengu ili Roho wake aishi ndani ya mioyo ya watu.
Mambo yalianzia katika ubatizo wa Yesu, alipokuwa anabatizwa na Yohana ndipo alichukua dhambi yote ya ulimwengu, akakaa na dhambi hizo kwa muda wa miaka mitatu, ili afundishe namna mpya ya kuishi baada ya ufalme wa Mungu yaani kupokea Roho wa Mungu.Baada ya hapo akateswa msalabani kwa sababu ya dhambi alizochukua wakati wa ubatizo wake, alitwishwa dhambi hizo na Yohana, mfano wake tendo la kikuhani lililokuwa linafanyika katika Agano la kale walipokuwa wanawekea mikono juu ya mbuzi, au mwana kondoo ama fahali. Mambo ya Walawi 16:23-34.[Usome]. Haya yalikuwa matendo ya kikuhani lakini yalikuwa hayaleti ukamirifu wa kuondoa dhambi kwani ilikuwa inawalazimu wana wa Israeli kurudia kufanya hivyo mara kwa mara lakni tendo alilolifanya Yesu kuchukua dhambi ya ulimwengu alifanya tendo la kikamirifu na liliondoa dhambi zote za ulimwengu.
Waebrania 10:1-12,Basi torati, kwa kuwa ni kivuli cha mema yatakayokuwa, wala si sura yenyewe ya mambo hayo, kwa dhabihu zilezile walizozitoa kila mwaka daima, haiwezi wakati wowote kuwakamirisha wakaribiao.Kama ndivyo, je! dhabihu hazingekoma kuotolewa; kwa maana waabuduo, wakisha kusafishwa mara moja, wasingejiona tena kuwa na dhambi? Lakini katika dhabihu hizo liko kumbukumbu la dhambinkila mwaka. Maana haiwezekani damu ya mafahali na na mbuzi kuondoa dhambi. Kwahiyo ajapo ulimwenguni, asema, dhabihu na toleo hukutaka, lakini mwili uliniwekea tayari; Sadaka za kuteketezwa na sadaka za dhambihukupendezwa nazo; Ndipo uliposema, tazama, nimekuja [ katika gombo la chuo nimeandikwa]. Nifanya mapenzi yako Mungu. Hapo juu asemapo, dhabihu na matoleo na sadaka za kuteketezwa na hizo dhambi hukuzitaka, wala hukupendezwa nazo [zitolewazo kama ilivyoamuru torati], ndipo aliposema tazama nimekuja, nifanye mapenzi yako. Andoa la kwanza ilikusudi asimamishe la pili. Katika mapenzi hayo mmepata utakaso, kwa kutolewa mwili wa Yesu Kristo mara moja tu. Na kila kuhani husimama kila siku akifanya ibada, na kutoa dhabihu zile zile mara nyingi; ambazo haziwezi kabisa kuondoa dhambi. Lakini huyu, alipokwisha kutoa kwajili ya dhambi moja idumuyo hata milele, aliketi mkono wa kuume wa Mungu,
Yesu aliondoa dhambi zote za matendo na za asili, alipobatizwa. Ubatizo aliokuwa unaufanya sio kuondoa matendo ya nje ya mwili, hapana, ila katika dhamiri ya mtu. Alifanya hivyo ili kuweka ufunuo katika neno lake. Kwani bila kufunuliwa na Mungu ama kama hujampokea Roho Mtakatifu huwezi kusoma neno la Mungu. 1Petro 3:21, Mfano wa mambo hayo ni ubatizo, unawaokoa ninyi pia siku hizi; [siyo kuwekea mbali uchafu wa mwili, bali jibu la dhamiri safi mbele za Mungu], kwa kufufuka kwake Yesu Kristo. Mungu alisafisha dhamiri ya mtu kwani bila hilo tusingeweza kusoma neno la Mungu. Mioyo ya watu ni mizito kuelewa isipofunuliwa na Mungu lakni Yesu alifanya hivyo na akamweka mtu aendelee kufunuliwa zaidi na zaidi pale anaposoma neno la Mungu, na Roho Mtakatifu hufunulia zaidi siri za Mungu mtu huyo kwani Roho Mtakatifu na Neno la Mungu ni sawa, hupatana.
Kwahiyo unapoamini katika injili hii, ndipo unafanyika kuwa huna dhambi baada ya dhambi zako kusafishwa na hii haitegemei sara za toba bali imani yako kwani tendo hili tayari lilisha kamirika. Roho Mtakatifu ataweka makazi ndani yako na ataanza kukotroo hali yako sasa kile ambacho utamua ndicho utakifanya. Yapo matunda ya Roho Mtakatifu; upendo, uvumilivu, amani, imani, fadhili na moyo wa kiasi. Moyo wa kiasi unakusaidia kujithibiti mwenyewe. Injili ya Maji na Roho ndiyo injili ya kweli. Mtu hawezi kuzaliwa mara yapili bila hii, kwani katika Agano la kale ilikuwa inasafisha dhambi za wana wa Israeli japo haikuwapa ukamirifu kilikuwa ni kivuli cha injili hii ya sasa. Maji, Damu na Roho. NDIYO INAYOTUOKOA HIVI SASA.
Ikiwa utaiamini injili hii, utaomba lolote na Mungu atakupa kwani tayari ndani yako kuna tunda la imani. Ni kuamini tu, basi ndipo utapokea haki ya MUNGU. Karibu kwa swali lolote, nitumie ujumbe kama una swali, lakini ili kuijua zaidi injili hii hakikisha unajipatia kitabu cha UKRISTO NA MAISHA.
Sadick Kilasi wa jikolaushauri.blogspot.com.
Mawasiliano ni 0687000768 au sadikila65@gmail.com.
Posts
0 comments:
Post a Comment