Utukufu Ni Wa Mungu.

Mungu ndiye mwanzo wa kila kitu, Mungu ndiye aliyeumba kila kitu, utukufu ni wake.
Mungu ndiye aliyeumba mbingu na nchi, utukufu ni wake.
Mungu ndiye aliyeifanya nchi na kuiweka misingi yake juu ya anga na isitikisike, utukufu ni wake Mungu.

Mwenyezi Mungu ndiye aliyefanya bahari, bahari ambayo maji ya mito huingia humo kila siku lakini haijai, utukufu ni wake Mungu.
Mwenyezi Mungu aliweka misingi ya nchi na kila kitu kwa asili yake na majira, jua huchomoza kila siku na kuzama katika mhimili uleule, amefanya usiku na mchana katika mwonekano uleule, hizo ni hekima za Mwenyezi Mungu, utukufu ni wake Mungu.

Tunamshukuru Mwenyezi Mungu ambaye hubadilisha watu kwa wakati wake na majira yake, maana Mwemyezi Mungu humpa mtu mwingine welevu na hekima yake kwa wakati wake, hizo nazo ni hekima za Mungu, utukufu ni wake. Mwambie Mungu asante kwa sababu umenifanya nijisifie kwamba mimi nina hichi na hichi, kwani unahesabu kwa sababu mwingine hana, mpende adui yako kwa sababu anakufanya ujisifie, hizo zote ni hekima Mwenyezi Mungu, utukufu ni wake.

Mwenyezi Mungu ni waajabu, hakuna anaye mzidi utukufu wake, kaficha hekima zake, lakini huwafumbulia watu hekima zake pole pole ili waweze kufurahia maisha wakati wanachunguza hekima za Mungu, utukufu ni wake Mungu.

Liangalie giza la usiku, lichunguze kwa umakini sana, utagundua ndani yake kuna nuru kidogo, utagundua kwamba kuna giza totoro na kuna giza lisilo totoro. Giza nalo hutumainia kuwa kama nyota, nyota nazo hutumainia kuwa kama mwezi, na mwezi nao hutumainia kuwa kama jua na jua nalo hutumaini kama kuwa utukufu wa Mwenyezi Mungu; hizo na siri na hekima zake Mwenyezi Mungu, utukufu ni wake.

Chunguza chunguza kwa umakini, mwanasayansi huchunguza hekima za Mungu, hufurahia akipata majibu mazuri lakini majibu yake huwa hayafikii utukufu wa Mungu, Mungu aliumba umeme wa jua huwa haukatiki hata siku moja, humulika dunia nzima lakini umeme wa Tanesco kila siku kilio. Misingi ya Mwenyezi Mungu haitikisiki wala haingiliki, hizo nazo ni hekima za Mungu, utukufu ni wake.

Mwangalie sisimizi mdogo sana, waweza kujiuliza uhai wake wakaa wapi? chakula chake hukaa wapi? emeubwajeubwaje? Hujitafutia chakula, huchimba mashimo ya kuishi na kufanya mambo ya ajabu utazani mwanadamu, huyo ni sisimizi mdudu mdogo sana. Hizo nazo ni hekima za Mungu, utukufu ni wake.

Jichunguze jinsi ulivo, jiangalie angalie, kitu gani kinakufanya unakaa? kitu gani kinakufanya unatembea? kitu gani kimekufanya gozi yako iwe kama ilivyo? Hebu, rudisha macho yako kwenye macho yako, jiule kwanini macho yako? Angalia mdomo jinsi ulivo, unaongea. Mwanasayansi atachunguza na kuleta maoni yake, kwani Mwenyezi Mungu ni mwanzo wa yote  na hekima ni zake na utukufu ni wake.

Ndugu yangu, rafiki yangu, mwambie Mungu asante, rudia tena na tena, Mungu amekupa utashi, akili ya kuelewa mazingira ili utawale visivyo eleweka, hekima zote ni za Mungu, yeye ndiye mwanzo, sasa na mwisho. Utukufu ni wake, hekima ni zake. Ukubali kwamba Mungu kakupa kila kitu, kakupa utawale kwa nafasi yako. Mtukuze Mwenyezi Mungu, mwambie Mungu asante kwa hekima zako. Ninafurahia ulichonipa.

Sadick Kilasi wa jikolaushauri.blogspot.com.

Mawasiliano ni 0687000768 au sadikila65@gmail.com.