Kanuni Ya Kibiblia Ambayo Inaweza Kukusaidia Kupangilia Shughuli Zako Na Kufikia Mafanikio Makubwa.

Sababu ya Yesu kuacha utajiri wake mbinguni na kushuka duniani na kufanyika kuwa fukara ilikuwa ni kutufanya sisi tuupate utajiri na mafanikio katika maeneo yote ya maisha ya mtu. Yesu alileta au kukamirisha neno ambalo ni neno takatifu. Sasa kupitia neno lake unaweza kujifunza mambo mengi sana ambayo yanaweza kukusaidia katika maisha ya kawaida. Ipo miujiza ambayo Yesu alifanya na yapo mafunzo mengi sana amabayo leo hii unaweza ukatumia kutatua katika mazingira yanayokuzunguka.

 Kanuni zote ambazo Yesu alifundisha ni kanuni takatifu, ikimaanisha ni ukweli mtu na endapo utatumia ni lazima itakupa matokeo yanayofaa na kukuletea mafanikio katika shughuli zako.

Leo nataka tujifunze muujiza mmoja tu ambao Yesu aliufanya na wewe hapo unaweza kutumia katika biashara na shughuli zingine za kawaida na utakupa matokeo yanayofaa kwa kutumia mfumo huu.

Mathayo 15:21-28, Yesu akaondoka huko, akaenda kando pande za Tiro na Sidoni. Na tazama, mwanamke Mkananayo wa mipaka ile akatokea, akampazia sauti akasema, unirehemu, Bwana, Mwana wa Daudi; binti yangu amepagawa sana na pepo. Wala yeye hakumjibu neno. Nao wanafunzi wake wakamwendea, wakamwomba, wakasema, Mwache aende zake; kwa maana anapiga kelele nyuma yetu. Akajibu, akasema, sikutumwa ila kwa kondoo waliopotea wa nyumba ya Israeli. Naye akaja akasujudia, akasema Bwana, unisaidie. Akajibu, akasema, si vema kukitwaa chakula cha watoto na kuwatupia mbwa. Akasema, ndiyo, Bwana, lakini hata umbwa hula makombo yaangukayo mezani pa bwana zao. Ndipo Yesu akajibu, akamwambia, Mama, imani yako ni kubwa; na iwe kwako kama utakavyo. Akapona binti yake tangu sa ile.

Mpendwa msomaji, mwanamke huyu alikuwa sio Muisraeli na Yesu alikuja kwaajiri ya wana wa Israeli yaani uzao wa Yakobo. Lakini mwanamke huyu  alikuwa anauhitaji wa lile neno la Yesu, yaani uzima. Alipomwendea Yesu ili amusaidie Yesu alimjibu kwamba, neno hili ni kwaajiri ya Watoto wateule wa Mungu lakini Mama akamwambia kwa sababu wao ni wateule basi nasi tutapata kidogo kwa sababu ya uteule wao. Hata kama tutapata kidogo lakini kwetu hiki kinathamani kutokana na mazingira yetu kwa sababu sisi si wateule wa Mungu.

Sasa rafiki, Ndugu, kitu ambacho nilikuwa nataka nikuonyeshe hapa ni hiki, inawezekana wewe unafanya biashara fulani lakini, unauza vitu vyenye thamani na kunamabaki fulani huwa yanabaki na huwa unatupa, Mwanamama huyu aliyekuwa anaongea na Yesu ametufundisha kitu hapa, kwamba yale mabaki unaweza ukayauza hata kwa pesa kidogo na kuliko kutupa basi utatengeneza pesa kiasi.

Inawezekana una nguo nyingi sana na nyingine huvai kabisa basi chambua zile nguo ambazo huvai nenda kawape watu ambao ni maskini, inawezekana una pesa za ziada tumia njia hiyo kutoa misaada katika maeneo ambayo huwa unasukumwa kutoa. Inawezekana wewe ni mwandishi, wa blogu kama hii na huwa unaandika vitabu basi unaweza kukusanya makala na kukifanya kiwe kitabu na ukauza au kutoa kwa watu kama zawadi. Kwa angalia maeneo unayoishi, angalia yale mambo ambyo unaona kama ni kelo kama wanafunzi walivyokuwa wanamwona Mama huyo, sasa wewe unapaswa kuona dhamani katika mazingira hayo na kufanya kitu kizuri tu. Tena vitu vya ziada ni vizuri kutoa kwa sababu havina usumbufu. Paulo anasema; 2Wakorintho 8:12-14, Maana, kama nia ipo, hukubaliwa kwa kadili ya alinyonavyo mtu, si kwa kadili asivyo navyo. Maana sisemi hayo ili wengine wapate raha ili nanyi mpate dhiki, bali mambo yawe sawasawa; wakati huu wa sasa wingi wenu uwafae upungufu wao, ili na wingi wao uwafae ninyi mtakapopungukiwa; ili mambo yawe sawa sawa.

Kama  tukitumia mtumo huu katika kutimiza mapenzi ya Mungu, itakuwa ni nzuri kwetu katika maisha yetu, maana kwa hili ni maisha ya kujaliana ya mapendano. Kwa hiyo fomula hii unaweza kutumia katika biashara na kuongeza mtaji, unaweza kutumia katika mapendano ya kujaliana, unaweza kutumia katika kuhifadhi kumbukumbu. Kanuni hii ni nzuri na inapaswa kutumiwa na kila mtu. Angalia mambo mablimbali katika eneo lako la nyumbani, kazini, kwenye usafiri, unaweza ukawa unasafiri na ukatumia wakati uleule katika kujisomea, na maeneo mengine ya maisha yako.


Asante rafiki yangu, natumai utaenda kuboresha maisha yako kwa kutumia kanuni hii, nakuomba rafiki yangu, nisaidie kusambaza makala hizi kwa marafiki zako na watu wako wa karibu. Pia ningependa kusikia kutoka kwako ni eneo lipi utaenda kuboresha maisha yako kwa kutumia kanuni hii. Pia kama bado hujapata kitabu cha UKRISTO NA MAISHA, hakikisha unajipatia bure kabisa.

Sadick Kilasi wa jikolaushauri.blogspot.com.

Mawasiliano ni 0687000768 au sadikila65@gmail.com.