Ubatizo Wa Maji Mengi Na Ubatizo Wa Maji Machache, Upi Ni Sahihi?

Ubatizo wa Maji Mengi Na Maji Machache.

Kumekuwa na migongano kwa muda mrefu sana juu ya ubatizo, kati ya ubatizo wa maji mengi na ule ubatizo wa maji machache. Walio katika ubatizo wa maji mengi hujiona wao wapo sahihi na walio katika ubatizo wa maji machache, hujiona na wapo sahihi. Sasa kwa hili, husababisha mgongano wa kimathehebu.

Ikiwa unanuia kuutafuta ukweli unaweza kujikuta upo katika wakati mgumu sana. Maana siku zote pakiwa na mabishano kati ya sehemu mbili ni wazi kwamba lazima kuna sehemu moja haipo sahihi, ama pande zote mbili hazijatambuana, zaweza kuwa zote zipo sahihi. Wapo watu ambao hawapendi kudanganywa, haijarishi ni mzazi anasema, lakini wao ni lazima wautafute ukweli. Watu hawa huwa wanajikuta katika wakati mgumu sana kabla hawajapata ukweli kwa sababu hawana sehemu ya kuweka mguu wao.

Najua wapo watu ambao mpaka sasa, wapo katika hali hiyo kuhusu ubatizo, hawa ndio watu ambao hawapendi kupelekwa hovyo hovyo. Ni ubatizo wa maji mengi ama ni ubatizo wa maji machache?

Warumi 3:21-31, Lakini haki ya Mungu inadhihirika pasipo sheria; inashuhudiwa na torati na manabii; ni haki ya Mungu iliyo kwa njia ya imani katika Yesu Kristo kwa wote waaminio. maana hakuna tofauti; kwa sababu wote wamefanya dhambi, na kupungukiwa na utukufu wa Mungu; wanahesabiwa haki bure kwa neema yake, kwa njia ya ukombozi ulio katika Kristo Yesu; ambaye Mungu amekwisha kumweka awe upatanisho kwa njia ya imani katiika damu yake, ili aonyeshe haki yake, kwa sababu ya kuziachilia katika ustahimili wa Mungu dhambi zote zilizotanguliwa kufanywa, apate kuonyesha haki yake wakati huu, ili awe mwenye haki na mwenye kuhesabu haki yeye amwaminiye Yesu. Kuwa wapi basi kujisifu? Kumefungiwa nje. Kwa sheria ya namna gani? Kwa sheria ya matendo? La!Bali kwa sheria ya imani. Basi, twaona ya kuwa mwanadamu huhesabiwa haki kwa imani pasipo matendo ya sheria. Au je! Mungu ni Mungu wa Wayahudi tu? Siye Mungu wa mataifa pia? Naam, ni Mungu wa mataifa pia; kama kweli Mungu ni mmoja, atakayehesabia haki wale waliotahahiriwa katika imani, nao waliotahiriwa watahesabiwa haki kwa njia ya imani iyo hiyo.Basi, je!Twathibitisha sheria kwa imani hiyo? Hasha! kinyume cha hayo twathibitisha sheria.

Paulo amezungumzia jinsi ya kupokea haki ya Mungu kwa imani. Yesu alifanyika haki ya Mungu, hapana mtu anayeweza kusema mimi nimebatizwa kwa maji mengi ama mimi kwa maji machache. Mungu atawahesabia haki wale waliotahiriwa  katika imani na wale wasiotahiriwa kwa njia ya imani.

Ikiwa unajihesabia haki kwa matendo yako basi niwazi kwamba bado upo katika Agano la Kale. Inashangaza kuona bado watu wanaendelea kuishi kwa mfumo wa zamani kushikilia matendo badala ya imani yao.

Abramu alihesabiwa haki kabla ya kutahiliwa kwake na ubatizo ambao tunauzungumzia hapa ni kama tohara kwa kufuata watu wa kale. Watu wengi tunafeli hapo, hebu fikiria, ikiwa wewe umemwamini Yesu mahala fulani baada ya kuhubiriwa, harafu ni mahala ambapo papo mbali na tendo la kufanyia ubatizo, kama utajihesabia haki kwa njia ya matendo yako, ikatokea unaenda kubatizwa harafu ukapata ajali kabla ya kufika eneo la kubatizia, Je! inamaana Mungu hatakuhesabia haki? Mungu atakuhesabia haki. Yule mtu ambaye aliteswa pamoja na Yesu akamkiri pale msalabani, je! kuna kuhani ama mtumishi aliyembatiza kwa maji mengi ama machache?

Hakuna mtu ambaye anaweza kupata haki kwa njia ya matendo yake. Kama watu wa zamani ili kuonyesha kwamba wao ni watu wa Mungu walitolewa govi yaani tohara inamaana kwa sasa alama ya kuzaliwa upya ni kupokea Roho Mtakatifu.Na hii ni siri kwa kila mmoja. Hakuna hata mmoja ambaye anaweza kumlingia mwingine.

Ikiwa utaenda kubatizwa kwa maji mengi ama machache, hiyo ni ishara kwa watu wanaokuzunguka lakini si mbele za Mungu maana Mungu humwangalia mtu ndani ya moyo wake.

Warumi 2:29,  bali yeye ni myahudi aliye Myahudi kwa ndani, na tohara ni ya moyo, katika roho, si katika andiko; ambaye sifa yake haitoki kwa mwanadamu bali kwa Mungu.

Lakini mtu aliyezaliwa kwa injili ya maji na Roho anajitambua, na siku zote atakusudia kutenda yaliyo haki na si kuishia kubisha tu Kutimiza mapenzi ya Mungu ndilo kusudi la mtu aliyezaliwa mara ya pili, kuhubiri injili ndilo kusudi la mtu aliyezaliwa mara ya pili.

Hakikisha unapata kitabu cha UKRISTO NA MAISHA, bure kabisa ambacho ndiyo injili ya kuzaliwa upya.

Sadick Kilasi wa jikolaushauri.blogspot.com.

Mawasiliano ni 0687000768 au sadikila65@gmail.com.