[TAFAKARI NENO YA LEO...10] Hamna Namna, Mshangaze Jirani Yako.

Fikiri kama unaishi katika kijiji fulani, kijiji ambacho kila mtu anaishi upekee wa pekee yake, yaani kila mtu  anajari tu ya kwake. Kuna msemo mmoja ambao watu wengi wamekuwa wanautumia ktika maisha yao, natafuta hela ya kula tu. Kiukweli ni msemo ambao umekaa kibinafsi sana, lakini haishangazi kwani hiyo ndio asili ya dunia. Dunia hukazana kukusanya vitu lakini kwa bahati mbaya vitu hivyo huishia kufa na kunuka na baadae kurudi vilikotoka.

Lakini kwa sababu wewe si wa dunia hii, wewe unakazana kuacha alama na kutoa thamani kwa wengine, hauna namna, ishangaze dunia, mshangaze jirani yako ambaye hukumbatia alichonacho bila kuwapa wengine. Dunia inaamini kwamba unatakiwa kukusanya vitu, inakosa utambuzi kwamba, unatakiwa kubarikiwa na kutawanya.

Huna namna rafiki yangu, mshangaze jirani yako, muonyeshe kipaji ulichonacho kwamba kinaweza kumfariji hata yeye. Huna namna rafiki yangu muonyeshe jirani yako kwamba unaweza kumshangaza kwa kumsaidia chochote kile ambacho anahitaji kufanyiwa.

Hata kama upo katika hali gani una cha kuanzia. Kuna msemo unaosema, Anzia popote ulipo, ikiwezekana, kimbia lakini kama huwezi kukimbiatroti. lakini pia kama huwezi kutroti, tembea, lakini pia kama huwezi kutembea tambaa, lakini pia kama huwezi kutambaa, tikisa hata mguu. Kama unaishi kwenye kijiji ambacho kila mtu anaishi kivyake waoneshe watu kwamba mnaweza kunya lolote ili kufanya mageuzi ya upendo.

Jitaidi kuanza kufikiria ni namna gani ambavyo unaweza kuishangaza jamii, jitaidi kufikiri mawazo ya upendo, ni namna gani unaweza kuifanya jamii ikapata ulichonacho. Kila mtu anacho cha kuanzia, tulianza tukiwa na mwili pekee bila hata mavazi, hata kujikuna kwenyewe tulikuwa hatuwezi, lakini baadae tukaanza kuvaa nguo. baadae kutambaa, mpaka sasa tupotukiwa sawa na bado tunaendelea kusonga mbele.

Huwa inanishangaza kuona kwamba, japokuwa tulipokuwa wadogo, tulionekana hatuna lolote lakini tulionyesha tulichonacho. Tulitoa tulichonacho ndani, tulianza kutambaa, tukaanza kutembea lakini baadae dunia ikatufundisha kinyume cha hayo, badala yake dunia ikaanza kutuonyesha kwamba tunahitaji kupokea tu, ikatufanya kuwa wadhaifu, tunaohitaji kusaidiwa wakati wote. Mpendwa msomaji, tuurudi utoto wetu, tuwe kama hatuwezi kitu ili tutoe kile kilicho ndani yetu kwa bidii kubwa. Maana neno linasema, mtu asipoongoka kuwa kama mtoto hawezi kuuona ufalme wa Mungu.

Anza kufikiri tofauti, anza kufikiri namna gani unaweza kujifunza kwa kasi ya utoto na kutoa ulichonacho kwa kasi ya utoto. Haijarishi, fikiri mawazo ya kiupendo.
Unaweza kuanza kuwapongeza watu labda kila siku watu wawili, kwa maeneo ambayo yabo bora lakini mabaya usiyaongelee.
Unaweza kuanza kutoa msaada wa mia tano kwa yule ambaye unasukumwa kufanya hivyo.
Unaweza kuanza kumpisha mtu siti ndani ya daladala.

Dunia hii, ina njaa ya upendo, dunia hii, inautele wa kibinafsi, dunia hii, inautele wa mtazamo hasi. Usifikiri namna ya dunia. Angalia namna ambavyo unaweza kufanya lolote.

Siyo mbaya ukimwambia adi yako nakupenda. Unayo madhabahu ambayo huzi kujihudumia mwenyewe, uahitaji asiye nacho ili ukamirishe usawa na kujali utofauti ulionao.

Sadick Kilasi wa jikolaushauri.blogspot.com.

Mawasiliano ni 0687000768 au sadikila65@gmail.com.