Ukiona Fursa Hazigongi Mlango Jenga Mlango.

Ukiona fursa hazigongi mlangoni kwako, ujue pengine huna mlango, jenga mlango. Milton Berie.

Kuna kanuni moja ambayo siku zote huwa nasema kwamba, unaweza kuwa tayari, kuona mabaya, unaweza kuwa tayari kuona mema na mabaya lakini pia unaweza kuwa tayari kuona mema tu. Kulingana na Milton ni kwamba, unachochagua kuona ndicho utakacho kuona.

Kama wewe ni mmoja kati ya watu ambao whawaoni utaonaje? Usipokuwa tayari kuona huwezi kuona, lakini wakati ambao utakuwa tayari utaona na tena utaona mengi sana.

Wakati Yesu hajaja ulimwenguni alimtuma kwanza Yohana ili awafanye watu kugeuza macho yake ili waone na hii ndio inamaana ya sauti ya mtu atokaye nyikani inaiita, Mtayarisheni Bwana nji yake, nyosheni barabara zake. Yohana alikuwa anawaamusha watu watuwaliiolala ama alikuwa anajenga mlango ili Yesu aweze kugonga mlango. Hii tutaizungumzia siku nyingine ya Yohana kwa upana zaidi.

Sasa ukiona fursa hazigongi mlangoni kwako ujue haujakaa mlango wa fursa, kwanini? Kitendo cha kukataa kwamba fursa hazipatikani inamaana umeziba mlango wa fursa kwa kukataa kwako wewe mwenyewe. Chochote kile ambacho unakitaka utakipata endapo unataka. Ukisema fursa hazipatikani inamaana wewe ni mpinzani wa fursa, unaipinga fursa inayokuja.

Wakati mmoja Mungu alinifundisha hivi; Sadick, wewe unaomba maombi ya kuniomba mambo unayotaka lakini ninachokupa hupokei. Nikaelewa kwamba sina shukrani kwa mambo ambayo tayari Mungu amenipa. Unajua watu wengi hatupati tunachotaka kwa sababu hatukubali maeneo ambayo tupo, kwamba ule ndio mwanzo ambao tunapaswa kuanzia hapo. Kwa hiyo ukitaka kujenga mlango wa fursa kwanza anzia pale ulipo na kisha kubali mazingira ambayo upo ili uendeleze mazingira ambayo upo.

Ikiwa utaona jema kwenye kila jambo, basi, unaweza ukaendeleza kwenye chochote kile ambacho Mungu amekupa. Kila mtu hunza maisha ya umaskini hiyo ndio asili ya dunia. Hata kama utazaliwa katika nyumba tajiri kiasi gani bado wewe ni maskini tu. Utapambwa kwa nje na nguo nzuri lakini wewe ni maskini tu kwani ndani yako hicho kitu hakimo, hujajengeka kwa ndani. Yeyote yule huzaliwa bila nguo, awe amezaliwa na tajiri ama amezaliwa na maskini.

Watu wote tunazaliwa katika hali ya umaskini na kuuendea utajiri, japo hapa duniani huwa hatuufikii ukamirifu wa utajiri kwani dunia haina ukamirifu. Kwa hiyo ukiona fursa hazigongi kubali pale ulipo na endelea mbele. Usiuchukie umaskini kwani umaskini ni mwanzo wako wa kuuendea utajiri. Usiwe mtu wa kutaka fanya.

Ona wema kwenye kila jambo. Tumezaliwa kuendeleza.

Sadick Kilasi wa jikolaushauri.blogspot.com.

Mawasiliano ni 068700768 au sadikila65@gmail.com.