Maisha yana kanuni zake, tukiwa hapa duniani tunaendeshwa na kanuni za miili. Tunaishi ulimwengu wa miili, kwa hiyo ni lazima tufuate kanuni za miili.
Kila siku huwa tunabadilisha nguo, hivi, rafiki yangu ushawahi kujiuliza kwanini tunabadilisha nguo? Tendo la kawaida kama unaishi kwa mazoea lakini kama unaishi maisha yenye maana utajiuliza kwanini nabadilisha nguo? Hivi ndivyo maisha jinsi yalivyo, ikiwa utakuwa tayari kuelewa katika kila jambo unalofanya utaelewa kwanini unafanya. Inawezekana ukasema mimi hubadilisha nguo kwa sababu zimechafupa, lakini je! ni kweli? Maana kila mtu anakiwango chake cha kuchafuka kwa nguo na ikifika wakati huo anabadili nguo.
Tunapaswa kujiuliza ni nani ambaye alianzisha mfumo wa kubadili nguo? Unavua hii, unavaa hii. Ni kitu gani kipo nyuma ya hilo unalolifanya la kubadili nguo?
Ukweli ni kwamba, tunabadili nguo kwa kuzingatia kanuni ya NJE, NDANI. Hapa ndipo unaondoa mazoea ya kufanya kitu fulani kwa wakati wote. Kanuni hii inataka ubadilike, kanuni hii inataka uishi kwa kiasi, kanuni hii inakutaka ujijali wewe mwenyewe. Lakini kubadili kwetu nguo, tunataka tusitoe harufu, na katika maeneo mengine ya maisha ni hivo hivo, usipobadili utaoza.
Wakati Yesu alipokuwa akifundisha makundi ya watu, alikuwa anapata muda wa kukaa peke yake lakini pia hakuka pekee yake wakati wote bali wakati mwingine alijihusisha na watu. Hivi ndivyo jinsi maisha yanaendeshwa kwa kanuni, na ukifeli kufuata kanuni za kuishi, utafeli kuishi maisha yenye maana.
Tunabadili nguo kila siku lakini tunaweza kujifunza jambo la maana kabisa ambalo litajenga mahusiano yetu vizuri, bila kujali wewe ni mtu wa namna gani? au unaishi kwa namna gani? Ni lazima utambue kwamba utawahitaji wngine katika maisha yako lakini pia unaupekee wako.
Ikiwa unaishi kwa kuiheshimu kanuni hii, utaishi maisha yenye maana. Kila kitu huwa kinadalili yake, ukiona dalili fulani kwenye jambo fulani basi, utajitoa katika wakati huo. Mfano; Unajua wanadamu tunaishi kwa utani lakini unapozama sana kwenye utani unaleta magomvi, kitu ambacho mwanzo wake haukuwa ni ugomvi lakini kwa sababu hamjazingatia usawa na kiasi inapelekea huo ugomvi. Hakuna mtu ambaye hawezi kuishi kwa utani maana utani huleta ladha katika maisha.
Kuna wakati mwingine usitende haki sana, ukazidi, lazima utambue kwamba wewe ni binadamu. Kwa hili watu wengi wanaweza kunielewa vibaya lakini ndio ukweli wenyewe, hata neno la Mungu limethibitisha hilo. Sulemani amethibitisha hilo katika kitabu cha mhubiri. Lkaini rafiki kwenye hili uwe makini, tambua eneo lako ni lipi na ufanye kwa usahihi, hakuna wakati ambao sio sahihi wa kufanya jambo sahihi.
SOMA:INJILI YA MAJI NA ROHO.[ SEHEMU YA PILI].
Kwa hiyo matukio ambayo tunayafanya kila siku yanaweza, kama kubadilisha nguo kila siku, tunaweza tukajifunza kitu na kuishi maisha yenye maana. Chagua kujifunza, chagua kufikiri, chagua utofauti, angalia kila kitu na ujiulize kwanini. Anayeishi kwa kanuni ya nje, ndani hawezi kuwa mtu wa itikadi bali atajifunza kila tukio linalotukia. Yesu alikuwa anatolea mifano kwenye nneno lake na mifano yake ilikuwa ni katika mazingira haya tunayoishi.
Usiishi kwa itikadi rafiki yangu, jiulize kwanini? ilikuwa inamaanisha nini?, kwanini nipo hapa? Biblia inatufunza tuvae siraha za kiroho, na siraha za kiroho ndio hizi, kuishi kwa utambuzi katika mazingira unayoishi.
Moja ya fundisho ambalo lipo kwenye Biblia, ambalo Yesu alitolea kuhusu mtu ambeye alikuwa anashuka kutoka Yerusalemu kwenda Yeriko, lakini kabla hajafika, katikati, alikutana na wanyang'anyi, wakavua nguo, wakampiga wakamwacha karibia kufa. Mtu wa kanisani, kuhani akamfikia, akapita pembeni na mlawi naye ni mtu wa hekaluni akampita lakini Msamaria akafikia akamsaidia.
Watu hawa wote walikuwa wanakwenda katika shughuli flani, lakini, wale watu wa Mungu, hawakufanya chochote, lakini mpitaji ambaye ni Msamaria akamsaidia japo naye alikuwa anakwenda kushughurika. Kwa sababu ya itkadi watu wa Mungu hawakufanya lolote, kwa sababu ya kuelekea labda hekaluni lakini kila siku wanajifunza jambo hilo hilo la kuwasaidia watu.
Jifunze kanuni hii na kuitendea kazi. Haijarishi lile ambalo limekuwa linafanywa kwa muda mrefu kiasi gani? Na linaonekana ni sahihi kabisa machoni pa watu, unapaswa kulielewa.Usiishi kwa mazoea,usiishi kwa udini, na usiishi kwa itikadi. Tafuta ukweli nao utakuweka huru, kwani sio kila jambo huwa linakuwa kweli wakati wote. Chunguza, tumia asili kujifunza mambo licha ya kusoma vitabu, unaweza ukachukua hata mbegu ya mmea, ukajiuliza mbona huu mmea upo mmoja tu harafu mbegu yake haipo hivo, mbegu yake inaonekana inakiini ndani, utapata majibu.
Mungu anakupenda, Mungu hataki uishi kwa bahati mbaya anataka uishi maisha. Asante.
Sadick kilasi wa jikolaushauri.blogspot.com.
Mawasiliano ni 0687000768 au sadikila65@gmail.com.
Posts
0 comments:
Post a Comment