Mambo Ya Kuyatambua Katika Maisha Lakini Kuzingatia Ni Wewe.

Kila Utofauti Una Mbegu Yake.

Dunia inaendeshwa kwa kanuni na misingi yake. Bila kutambua kanuni ambazo Mungu kaziweka duniani ni wazi maisha yatakosa ubora kwa mhusika.

Zipo kanuni ambazo huendesha dunia japokuwa wengi hatuzitambui kwa sababu hatupo tayari kujifunza na kumsikiliza Mungu nini ambacho anakuambia. Watu wengi japokuwa tunajifunza lakini kujifunza kwetu kupo katika mfumo wa ushabiki na si kujifunza ili kutambua tofauti.

Ninamshukuru Mungu mwenye enzi yote ambaye aliumba mbingu na nchi ambaye yeye ndiye mwanzo wa mambo yote na ndiye Mfalme wa utukufu wote. Watu wote ambao tunaishi dunianitupo chini ya utukufu wa Mungu, japo tupo tofauti lakini wote tupo chini ya uweza wa Mungu. Shatani ambaye huitawala hii dunia hana mamlaka kwa Mungu japokuwa amepewa atawale dunia na si kuimiriki. Mungu ndiye Mfalme wa vyote.

Ndugu yangu, katika kutambua tofauti na kuishi maisha leo nakushirikisha mambo ya kuyatambua katika maisha ambayo hupaswi kuyaendekeza lakini hupaswi kupuuza.

Wema na ubaya. Inakufaa kutambua wema na ubaya lakini hupaswi kuendekeza wema na ubaya. Ikiwa utaishi maisha ya kutotambua wema na ubaya ni wazi kwamba utakufa mapema kabla ya wakati. Lakini pia ukiendekeza wema na ubaya ni wazi kwamba maisha yako hayatakuwa na msingi wowote. Ni vema ukatambua jambo linalokufaa na kuishi kwa msingi unaoeleweka, huku ukijifunza kutoka kwa hilo ulilolikataa.


Dini. Huwezi kuikataa dini kwani dini ni chombo cha kumrudia mwenyezi Mungu, lakini huwezi kuindekeza dini kwani dini ni chombo tu. Katika maisha tafuta uhali wa jambo na si kuishia kwenye kivuli cha ukweli. Tumeletwa duniani tutawale na si kutawaliwa na vinavyoonekana. Leo hii kuna migawanyiko mingi sana katika dini, mpaka kwenye dini kuna madhehebu ndani yake. Mathehebu si jambo lakuendekeza katika maisha, na ukiona sasa umetoka kwenye kuendekeza dini sasa unaenda kuendekeza mathehebu ni wazi sasa, ndivyo unavyozi kutoka katika uwepo wa Mungu.

Asili za watu. Hatari nyingine ambayo ni mbaya zaidi kuliko zote ni kuendekeza asili ya mtu, ni upumbavu wa mwisho kuendekeza sura ya mtu, kabila, ufupi, urefu rangi, ni jambo lisilofaa. Tambua tu uwepo wa jambo, tafuta uhali wa jambo, ishi ukweli wa jambo. Usibague watu kwa kufuata asili ya mtu. Tumia utu kufanya maamuzi, ishi upendo kuendesha maisha.

Haya ni maeneo ambayo unapaswa kuyazingatia sana katika maisha. Lakini pia unapaswa kuelewa kwamba kila penye upacha pana ukamili ndani yake, tafuta uhalisi kwa kutambua utofauti. Kuna watu wapo kwenye maeneo ambayo hawayaelewi, unachopaswa kufanya ni kukubali kwamba hupo sehemu sahihi harafu tafuta usahihi. Kama unaishi kwa kubahatisha maisha yatakosa maana. Kili kwamba wewe ni mjinga wa jambo hilo, harafu tafuta ukweli wa jambo hilo. Kama upo mahali ambapo hupatambui usijiendekeze hapo ulipo lakini kubali kwamba hapo ndipo ulipo.

Kuendekeza utofauti ni ujinga lakini kuendekeza mbegu ya utofauti ni welevu. Mungu ndiye aliyeleta dini, mtukuze Mungu, Mfalme wa vyote. Ukitazama, usiishie kutazama hakikisha unaona. Mambo yalianza hivi, Mwanzo 1:1, Hapo mwanzo Mungu aliumba Mbingu na Nchi, Mambo yote yalianza hivo. Mtafute Mungu, yeye ndiye hekima yote, na funguo ndiyo hii, INJILI YA MAJI NA ROHO. Asante.

Sadick Kilasi wa jikolaushauri.blogspot.com

Mawasiliano ni 0687000768 au sadikila65@gmail.com.