Kila Mtu Yupo Bize Na Lugha Yake.

Hali tunazopitia kwa kila mmoja hutufanya tuwe kila mtu bize kwenye kile ambacho tunawaza. Ubize huu ni ubize wa kweli ambao huonesha utofauti wetu.

Hatuwezi kuwaza jambo Moja kwa wakati mmoja likawa linafanana. Wakati mwingine hata kama tunawasirisha maada moja lakini bado kila mmoja atakuwa na maoni ya kipekee na tofauti na mwingine. Hatuwezi tukawa na hali moja na wala hatuwezi tukazungumza lugha inayofanana maneno wote kwa pamoja.


Mungu katufanyia upekee wa kipekee katika ubize huu. Unaweza ukawa unajali hili lakini mwenzako akawa anajali kitu kingine tofauti kabisa na maoni yenu yakawa yanatofautiana kabisa.

Mara nyingi hapa ndipo mwanzo wa matatizo na migogoro kwani ubize huu wa kipekee ni siri ya mhusika.
Ikiwa tunategemea mambo fulani ama uelewa fulani wetu sisi ufanane na wa mwingine na mwisho tukagundua kwamba hali ni tofauti na jinsi ambavyo tulikuwa tunategemea hujisikia vibaya na maisha hukosa furaha.

Lakini yote haya ni tofauti wa ubize wetu, mnara wa babeli ulishindwa kujengwa kwa sababu ya ubize huu wa utofauti. Mwanzo watu walikuwa wapo bize kwa lugha moja, kuanzia hali na lugha yao. Matengano yalianza baada ya ubize huu na watu wakashindwa kukamirisha kazi yao.

TUNAYO LUGHA YA KIPEKEE.
 Mungu ametupa lugha ya kipekee ambayo ni UPENDO. Haijarishi kunaubize kiasi gani lakini ikiwa lugha ya upendo ikahusika ni wazi kwamba mambo yota yataenda sawasawa. Upendo husikiliza, upendo huvumilia, upendo hijali, upendo unahurumia, upendo hauhukumu.

Hii ni lugha ambayo inaweza ikatufanya tuwe panoja tena bila kujali ubize wa utofauti wetu. Lugha ambayo inaweza kukufanya ukaanza kufurahia maisha ni upendo pekee.

Kwa hiyo rafiki yangu chunguza lugha yako na tambua kwamba kila mmoja yupo bize na lugha yake, usimhukumu yeyote, jijenge katika lugha ya upendo.

Anza sasa hivi kutambua tofauti na kuzingatia yanayofaa. Asante.

Sadick Kilasi wa jikolaushauri.blogspot.com.

Mawasiliano ni 0687000768 au sadikila65@gmail.com.