Mathayo 13:3-10, Yesu, hali akijua Baba amampa vyote mikoknoni mwake, na ya kuwa alitoka kwa Mungu naye anakwenda kwa Mungu, aliondoka chakulani; akaweka kando mavazi yake, akatwaa kitambaa, akajifunga kiunoni. Kisha akatia maji katika bakuli, akaanza kuwatawadha wanafunzi miguu, na kuifuta kwa kile ktambaa alichojifunga kiunoni. Kisha akatia maji katika bakuli, akaanza kuwatawadha wanafunzi miguu, na kuifuta kwa kile kitambaa alichojifunga. Hivyo yuaja kwa Simoni Petro, Huyo akamwambia, Bwana! Wewe wanitawadha miguu mimi? Yesu akajibu, akamwambia, wewe hujui sasa, lakini utalifahamu baadae. Petro akamwambia, wewe hutanitawadha miguu kamwe , Yesu akamwambia, Kma usipotawadha huna shirika nami. Simani Petro akamwambia, Bwana, si miguu yangu tu, hata na mikono yangu na kichwa changu pia. Yesu akamwambia, Yeye aliyekwisha kuoga hana haja ila ya kutawadha miguu, bali yu safi mwili wote; nanyi mmekuwa safi lakini si nyote.
Ikiwa umezaliwa upya kwa kuamini injili ya maji na Roho basi unahitaji kujitawadha wakati wote na hii inatokana na mazingira ambayo unaishi kwa sababu kuna mengi hutukia kwahiyo unahitaji kujiweka safi. Hii ni tifauti na kuomba toba, ni tofauti kabisa na ndiomaana Yesu anasema, mnahitaji, kujitawadha miguu yenu kwani mmekuwa safi tayari. Unapaswa kuingia katika maombi na kuombea yale machafu yaliyokuingia katika dhamiri yako. Ili kwa yule ambaye hajazaliwa kabisa katika injili ya maji na Roho, hawezi kujitawadha kama huyu aliyezaliwa upya tayari. Huyu anapaswa kuomba toba, toba ambayo ndiyo mwanzo wa kugeuka na kuiamini injili ya Maji na Roho. Hata kama unamwamini Yesu ila kama hujazaliwa katika injili ya maji na Roho, unapaswa kuifahamu injli hii ili kuzaliwa upya. Na ndio maana Yesu alisema sio wote ambao wametakaswa bali kunawengine bado hawajatakaswa.
KUINGI KWA UCHAFU HATA KAMA UMEZALIWA MARA YA PILI.
Hakuna kitu ambacho kipo katika Agano la Kale na kimekosekana katika Agano jipya, mambo yote yanafanana. Agano jipya ni ufunuo wa Agano la Kale. Hata injili ya maji na Roho, kwenye Agano la Kale ipo, na ndio hiyo hiyo ambayo inachukua dhambi zetu kwa sasa. Sasa katika kuombea na kujitakasa, Agano la Kale limefafanua jambo hili namna machafu huingia katika dhamiri zetu.
1Wafalme 22:29-34,Basi Mfalme wa Israeli na Yehoshafati mfalme wa Yuda wakakwea mpaka Ramoth-Giliadi. Mfalme wa Israeli akamwambia Yehoshafati, nitajibadilisha na kuingia vitani; lakini wewe uvae mavazi yako. Mfalme wa Israeli akajibadilisha, akaingia vitani. Basi Mfalme wa Shamu alikuwa amewaamuru wakuu wa magari yake thelathini na wawili, akisema msipigane na mdogo wala mkuu, ila na Mfalme wa Israeli peke yake. Ikiwa wakuu wa magari walipomwona Yehoshafati, wakasema, huyu ndiye Mfalme wa Israeli. Wakageuka juu yake ili wapigane naye; naye Yehoshafati akapiga ukelele. Ikiwa wakuu wa magari walipoona ya kuwa siye Mfalme wa Israeli, wakageuka nyuma wasimfuate. Mtu mmoja akavuta upinde wa kubahatisha, akampiga Mfalme wa Israeli mahali pa kuungana mavazi yake ya chuma; kwa hyo akamwambia mwendesha gari lake , geuza mkono wako, unichukue kutoka katika majeshi; kwa kuwa nimejeruhiwa sana.
Basi ni vizuli kuvaa silaha za kiroho wakati wote, usifanye maamuzi bila kumshirikisha Mungu. Shetani anachotaka yeye ni kuondoa furaha yako, basi, na furaha yetu ni uwepo wa Mungu ndani yetu si kwa kujitegemea sisi wenyewe. Adui huangalia fursa kwako wakati wote, anaangalia upenyo kwa kukupiga mshale, wakati wote ni vita.
Ukijikuta unapoteza kwa sababu ya mshale wa Adui jambo la kwanza ni kumwangalia Yesu na kuomba akutakase. Yeye kwa sasa amefanyika kuwa kuhani wetu mkuu, ameketi mkono wa kuume akiendelea kututakasa.
Waebrania 8:1-4, Basi, katika hayo tunyosema, neno lililo kuu ndilo hili, Tunaye kuhani mkuu namna hii, aliyeketi mkono wa kuume wa kiti cha enzi cha ukuu mbinguni, mhudumu wa patakatifu, na wa ile hema ya kweli, ambayo Bwana aliweka na si mwanadamu. Maana kila kuhani mkuu huweka ili atoe vipawa na dhabihu; kwa hiyo lazima huyu naye awe na kitu cha kutoa. Kma angalikuwa juu ya nchi asingalikuwa kuhani; maana wapo watoao sadaka kama iagizavyo sheria;
Mtu yeyote yule ambaye amezaliwa Upya amefanyika kuhani wa duniani, anapaswa kuhubiri injili, kwani ndiyo kazi ambayo Mungu aliagiza, lakini ukuhani wa mtu aliyezaliwa upya duniani ni kivuli cha kuhani mkuu wa mbinguni katika kiti cha enzi, yeye ndiye kuhani wetu mkuu wa watakatifu. Watu wote ambao wamezaliwa upya kuhani wao ndiye Yesu, ambaye ndiye kuhani wa mbnguni.
Hesabu 21:7-9, Watu wakamwendea Musa, wakasema, tumefanya dhambi kwa sababu tumemnung'unikia Mungu, na wewe; tumbee kwa BWANA, atuondolee nyoka hawa. Basi Musa akawaombea watu. Bwana akamwambia Musa, jifanyie nyoka ya shaba, ukaiweke juu ya mti, na itakuwa kila mtu aliyeumwa, aitazamapo ataishi. Musa akaifanya nyoka ya shaba akaiweka juu ya mti mti, hata ikawa nyoka amemwuma mtu, alipoitazama ile nyoka ya shaba, akaishi.
Yesu ndiye kwa sasa tunamtazama kama vile wana wa Israeli walivyomtazama nyoka wa shaba. Ikiwatayari umempoea Roho MTAKATIFU, unapaswa kuishi maisha mapya na siyo kunung'unika kama wana wa Israeli lakini ikiwa tayari nyoka amekugonga basi wapaswa kuishi kwa kumwangalia Yesu. Kama vile wana wa Israeli walivyomtaama nyoka.
Yohana 19:31-37, Basi Wayahudi kwa sababu ya maandalio ya , miili isikae juu ya misalaba siku ya sabato, [maana sabato ile ilikuwa siku kubwa], walimwomba pilato miguu yao ivunjwe ikaondolewe. Basi askari wakaenda wakaivunja miguu wa kwanza na wa pili, aliyesurubiwa pamoja naye. Lakini walipomjia Yesu na kuona ya kuwa amekwisha kufa, hawakumvunja miguu; lakini askari mmojawapo alimchoma ubavu kwa mkuki; na mara ikatoka damu na maji. Naye aliyeona ameshuhudia, na ushuhuda wake ni kweli; naye anajua kwa kuwa anasema kweli ili nanyi mpate kusadiki. Kwa maana hayo yalitimia ili andiko litimie, hapana mfupa wake utakaovunjwa.. Na tena andiko lingine lanena, watamtazama yeye waliyemchoma.
Yesu ndiye tumaini kwa wote, ambao hawajazaliwa upya ni lazima wamtwishe dhambi Yesu, kwa kuamini injili ya maji na Roho, ambayo lazima uamini katika maji, damu na Roho. Maji ni katika ubatizo wake, ambao ndio ulimtwisha dhambi Yesu, damu ni mateso yake msalabani, ambapo alifanya agano la upatanisho na kuteswa kwa sababu ya dhambi alizotwishwa alipobatizwa na Yohana Mbatizaji, katika mto Yordani na Roho ni Uungu wake, kwamba Yesu alifufuka kwa sababu ya uweza wa Roho ya Mungu. Kwa yule ambaye hajazaliwa upya anapaswa kuamini hivi. Akitubu kwa kukiri kwamba yeye alizaliwa katika dhambi kiasili na yeye mwenyewe hutenda dhambi na mshahara wake ni mauti, kwenda motoni basi toba yake ni kugeuka na kumwamini Yesu, na unamwamini Yesu kwa kushriki hatua hizo tatu.
1Yohana 5:4-7, Kwa maana kila kitu kilichozaliwa na Mungu huushinda Ulimwengu; na huku ndiko kushinda kuushindako ulimwengu, hiyo imani yetu. Mwenye kushinda Ulimwengu ni nani, isipokuwa ni yeye aaminiye kwamba Yesu ni Mwana wa Mungu? Huyu ndiye aliyekuja kwa maji na damu, Yesu Kristo; si katika maji tu, bali katika maji na katika damu. Naye Roho ndiye ashuhudiaye, kwa sababu Roho ndiye kweli. Hii ndiyo injili ambayo huwaponya wale ambao hawajazaliwa upya kabisa, wanapaswa kuamini hivi.
Wale ambao wamezaliwa upya wanapaswa kuvaa siraha za kiroho wakati wote, wao ni makuhani wa duniani ambao huwapatanisha watu na Yesu lakini nao pia wanaye kuhani mkuu ambaye ndiye Yesu, kwani hapa duniani watu wote tupo safarini hatuna makao. Kila kitu huwa kina hatua zake yaani ngazi, mtu ambaye hajazaliwa upya anamtegemea yule aliyezaliwa upya ampatanishe na Yesu kwa kumhubiria injili ya kweli, kwani watu wengi bado wapo gizani katika hili. Lakini na yule aliyezaliwa upya anamtegemea Yesu ampatanishe na Mungu. Walio zaliwa upya kwa kuamini injili ya maji na Roho ambayo YESU mwenyewe alihubiri, wana wito wa kuhubiri injili lhapa duniani lakini nao matumaini yako makubwa ni kuufikia utukufu wa Mungu kikamirifu, kuvishwa mwili mpya, humtegemea YESU azidi kuwaelekeza juu ya patakatifu pa mbinguni.
Injili hii haitegemei kwenda kubatizwa katika maji mengi ama machache inakutegea wewe uamini tu, ikisha ukisha kuamini ufanye mapenzi ya Mungu. Asikudanganye mtu eti kwamba nimebatizwa katika maji mengi ama machache, hapana, inategemea imani yako. Ni lazima umtwishe dhambi Yesu, siyo wewe kubatizwa, Mapenzi ya Mungu sisi wanadamu tumtwishe dhambi Yesu, ili sisi tuwe huru na tunamtisha pale alipoamini hatua alizopitia. Ubatizo wa kubatizwa kwa maji na mtu, mengi au machache ni matendo ya nje ambayo huonyesha upo pamoja na wengine. Lakini ukweli halisi upo ndani. Ubatizo wa tohara ya moyo sio kuondoa matendo ya nje bali moyoni mwetu na dhamiri zetu.
1Petro 3:21, Mfano wa mambo hayo ni ubatizo, unaowaokoa ninyi siku hizi; [siyo kuwekea mbali uchafu wa mwili, bali jibu la dhamiri safi mbele za Mungu], kwa kufufuka kwake Yesu Kristo.
Yeyote ambaye amezaliwa upya hana dhambi ndani ya moyo wake. Tohara imefanyika ndani ya moyo wake. Kma ilivyokuwa dusturi katika Agano la Kale;
Kutoka 12:48, Na mgeni atakapoketi pamoja nawe, na kumpenda kumfanyia Bwana pasaka, waume wake wote na watahiriwe, ndipo hapo akaribie na kufanya pasaka; naye atakuwa mfano mmoja wa mtu aliyezaliwa katika nchi; lakini mtu yeyote aliyetahiriwa asimle. Tohara hii ilikuwa ni ya kuondoa govi la mbele lakini ilikuwa haiondoi dhambi moyoni bali ilikuwa mfano tu.
Unaweza kujiuliza mbona sasa tohara huwahusu wanaume? Ukweli ni kwamba Mungu anapowahesabu watu, mwanamke huhesabiwa kwa upande wa mwanamme kwani alitoka kwenye ubavuwa mwanaume.
Unapaswa kuamini injili hii na kupokea wokovu wa Mungu. Kuijua zaidi injili hii unapaswa kusoma zaidi kitabu cha UKRISTO NA MAISHA, kitabu cha bure kabisa. Nitumie ujumbe nikutumie kitabu Whatsap. Asante.
Sadick Kilasi wa jikolaushauri.blogspot.com.
Mawasiliano ni 0687000768 au sadikila65@gmail.com.
Posts
0 comments:
Post a Comment