Angalia Mbegu Unazokazana Kupanda.

Angalia Mbegu Unazokazana Kupanda.

Maisha ni safari ambayo inahitaji utulivu mkubwa sana. Kila siku tunaingiza kwenye ghala ya ubongo mambo mbalimbali. Kila neno ambalo utalisema, kila neno ambalo utalisikia na kila neno ambalo utaliona ipo siku utalipia gharama. Haijarishi wewe ni nani, upo wapi, unafanya nini, lakini ipo siku utalipa gharama kwa hilo ambalo umelisema, umeona na umesikia.

 Kama kwa sasa unakazana kupanda mbegu mbovu ni wazi kwamba kuna wakati ambao itakubidi ulipie gharama ya mbegu unazopanda. Kama ukienda safari ndefu sana tegemea kabisa kwamba, wakati wa kurudi kwako utarudi kwa ile ile safari ambao umeiendea. Inawezekana kwa sasa huna mpango wa kutubu yale ambayo unayafanya lakini ninakwambia ukweli yaleyale ambayo unayapanda ipo siku yatakushitaki siku ambayo umeamua kutubu. Siku ambayo umeamua kufanya mabadiliko hayo mambo ndiyo yatakayo kuwa chanzo cha hofu yako. Watu wengi huwa hatulitambui hili, kwamba tunajengeka kutokana na ujazo mdogomdogo ambao tunaujaza sisi wenyewe.

Zaburi 120:5-7, Ole wangu mimi! Kwa kuwa nimekaa katika Meshaki;Na kufanya maskani yangu katika hema za Kedari. Nafsi yangu imekaa siku nyingi, pamoja naye aichukiaye amani. Mimi ni wa amani; bali ninenapo, wao huelekea vita.

 Kwa hiyo, ni bora tulinde mapema hatua za maisha yetu. Daudi analalamika kuhusu maisha yake ya nyuma, yanamshitaki wakati anapomwita Mungu.

 Picha za hofu zitakusumbua sana wakati ambao unataka kufanya jambo lako la kukupeleka katika tumaini lako. Kujenga lugha mpya ya hekima itakuwa ngumu kwako kwa sababu umezoea lugha za uovu. Kila ambacho umekipanda ndani yako hakiwezi kutoka mpaka siku utakayokishi hicho kitu kwa wema. Kila utakapo shinda hili litaingia hili ambalo utahitaji kulishinda.

 Mtumainie Mungu wakati wa ujana wako, usisubiri uzeeke. Wakati ndio huu, panda mbegu njema mapema ili uvune mema mapema. Ukiishi kwa kukazana upanda mbegu za magugu kwa muda mrefu, tambua kwamba ipo siku utalipa gharama.
Asante.

Sadick Kilasi wa jikolaushauri.blogspot.com.

Mawasiliano ni 0687000768 au sadikila65@gmail.com.