Mwenyezi Mungu Ni Nani?

Wewe hufikiri Mwenyezi Mungu ni nani?

Mwenyezi Mungu ndiye aliyeumba mbigu na nchi, Mwenyezi Mungu anatawala mbinguni na duniani,  utukufu wake umejaa mbinguni na kutiririka duniani, yeye ndiye Mfalme wa utukufu.

Mwenyezi Mungu ni nani hasa?
 Mwenyezi Mungu ndiye alifanya maji ya juu na maji ya chini, kutoka juu maji hunyeshea ardhi na ardhi huchipusha mimea. Amefanya hekima zake za ajabu. Utukufu hutoka juu na kutiririka chini duniani, yeye ndiye Mfalme wa utukufu.

Mwenyezi Mungu ni nani hasa?
Yeye ndiye aliyefanya mianga mikali mbinguni, yeye ndiye Mfalme wa Nuru, amefanya jua, mwezi na nyota, nuru hutoka juu mbinguni na kuangaza duniani, Mwenyezi Mungu ndiye Mfalme wa utukufu.

Mwenyezi Mungu ni nani hasa? Afanya bahari, akafanya wanyama baharini, amefanya nchi na kufanya wanyama nchini, huyu ndiye Mwenyezi Mungu, kila kona umejaa utukufu wake. Alifanya mimea na wanyama wa kila aina, ndege wa angani na wadudu mbalimbali. Mwenyezi Mungu ndiye Mfalme wa utukufu.

Amemwumba mtu, akawafanya wanadamu, akafanya wapendane kwa kuweka upendo ndani yao. Mwenyezi Mungu ndiye Mfalme wa Upendo. Huyu ndiye Mwenyezi Mungu, Mfalme wa utukufu wote.

Itafakari hekima ya Mwenyezi Mungu, mwanadamu asipoonyeshwa hekima yake na Roho wake Mungu, mwanadamu hawezi kujua hekima za mwenyezi Mungu. Mwenyezi Mungu ndiye Mfalme wa utukufu wote.

Amefanya anga, akafanya kitu, ndani ya kitu kuna kitu na ndani ya kitu kuna kitu, je! kuna kitu ambacho ndani yake hakuna kitu? Hizo ndizo hekima za Mwenyezi Mungu, utukufu ni wake, yeye ndiye Mfalme wa utukufu.

Mwenyezi Mungu ni nani hasa?
Huyu ndiye aliyeleta tumaini jipya ulimwenguni kwa kumtoa mwanaye wa pekee Yesu Kristo, ili kila mtu amwaminiye apate nuru ndani yake na kuokolewa. Mwenyezi Mungu ndiye nuru ya kweli kupitia kwa mwanaye Yesu Kristo.

Walio mwamini Yesu Kristo kupitia injili yake ya maji na Roho, kwa kutambua kwamba yeye alikuja kwa ushuhuda wa maji, damu na Roho, wamepata nuru ndani yao na tumaini lao ni kukua utukufu baada ya utukufu huku tumaini lao kuu ni kuondolewa mwili huu wa mauti na kuvishwa mwili mpya ambao ni mwili usio na mauti na kufurahi pamoja na Kristo katika Ufalme wa Mungu. Zote hizi ni hekima za Mungu, watu wake wapate kushiriki utukufu wake hapa duniani, kupitia kwa Mwanaye wa pekee Kristo Yesu.

Zitafakari hekima za Mungu, zifumbue hekima za Mungu, hiyo ndiyo furaha ya mwanadamu kutafakari hekima za Mungu na kushiriki utukufu wake. Yeye ndiye aliyejaa utukufu, yeye ndiye Mfalme wa amani kwa wote ambao huutafuta uso wake. Mwenyezi Mungu ndiye Mfalme wa utukufu.

Shiriki utukufu wa Mungu kwa kufanyika Mwana wa Mungu, injili ya maji na Roho ipo wazi, haihitaji gharama ya kulipa zaidi ya kuamini kwa moyo wako na kisha kupokea haki ya Mungu na kushiriki utukufu wa Mungu. Hekima zote ni zake Mwenyezi Mungu, yeye ndiye Mfalme wa utukufu. Asante.

Sadick Kilasi wa jikolaushauri.blogspot.com.

Mawasiliano ni 0687000768 au sadikila65@gmail.com.