Maisha Yenye Maana.

Huwezi kuzungumzia maisha, bila maeneo haya matatu kuhusika; Imani, Utayari na Matumaini.

Huwezi kuzungumzia kuishi bila ya kuwa na utayari wa kuishi matumaini kwa imani.

Maisha yetu hubebwa na leo, leo ndio siku ya kipekee ambayo ndiyo zawadi yako. Huu ndio utayari, utayari wa kufanya maamuzi sasa.

Katika maisha shida ni kuishi utayari chanya. Utayari ambao umebebwa matarajio madogo ambayo yatakupeleka katika tumaini kuu.

Kuwa na nidhamu na matarajio yako ndio jambo la muhimu sana katika maisha. Kama wewe mwenyewe huwezi kupangilia matarajio yako basi hisia zako zitapangilia matarajio yako.

Maisha yenye maana ni yale maisha yenye kupangilia kwa imani matarajio yako.

Kuna matarajio ya aina mbili; Matarajio binafsi, na matarajio juu ya wengine. Na uzuri ni kwamba ukiweza kujitarajia vizuri wewe mwenyewe pia unaweza kutarajia wengine kwa mazuri. Ndio maana kuna amri kuu mbili, Mpende Mungu wako kwa moyo wako wote, na kwa imani yako yote, na kwa akili zako zote, na kwa nguvu zako zote. Mpende jilani yako, kama unavojipenda mwenyewe.

Rekebisha mtazamo wako, juu yako wewe mwenyewe. Ishi matarajio chanya, ukiwa huna fedha tegemea kupata fedha kwa sababu palipo tupu hujazwa. Kama huna furaha tarajia kupata furaha, kama wewe ni maskini tarajia kupata utajiri. Tarajia mambo mazuri yatokee juu yako. Jenga mtazamo chanya juu ya wewe kwenye kila kitu.


 Tunaishi katika mwili, mwili ambao unatufanya tuhusiane na wengine, ambao kwa hao tumepewa mwili ili tuache alama kwao watusome kwa matendo yetu.

Unatarajia nini juu ya wengine. Usipotarajia kitu kutoka kwa watu tarajia maumivu kutoka kwao.

Weka mpango juu ya wengine. Ukiweza kujihimili wewe mwenyewe binafsi basi, pia unaweza kuwahimili wengine.

Tarajia kutoa badala ya kupokea. Tarajia kuwatia faraja wengine badala ya kujionea huruma. Tumainia katika Nuru ili tumaini lako kuu litie nanga katika Kiti cha Enzi huko mbinguni kwa Mungu, Mfalme wa utukufu wote.

Maisha yenye maana ni kufurahia maisha. Maisha yenye maana ni kuwafanya waliokosa matumaini wahisi kwamba kuna matumaini mapya kupitia wewe. Maisha yenye maana ni kuacha funzo kwa wengine wajifunze kutoka kwako kwa mapito yako.

Kuwa kiwanda cha uzarishaji wa matumaini yenye nguvu.

Sadick Kilasi wa jikolaushauri.blogspot.com.

Mawasiliano ni 0687000768 au sadikila65@gmail.com.