Usikazane Kutafuta Raha Katika Maisha Bali Kazana Kutafuta Kitu Hiki.

Watu wengi maisha kwao yamekuwa kama mtego. Tunaishi kwenye dunia yenye miili lakini mara nyi kila jambo limefishwa uhali. Kila kitu kilichopo duniani kimefichwa uhali wake na kinachoonekana ni upekee wake na asili ya kitu hicho. Ukiuangalia mti ni tofauti kabisa jinsi zilivyo mbegu zake. Huu ndio ukweli wenyewe katika kila jambo.

Kutokana na mazingira ambayo tunaishi, tumekuwa tunaishi kwenye vivuli vya ukweli na ndio maana inakuhitaji utambue asili ya kila jambo na mwisho uufikie uhalisi wa jambo hilo. Ninapozungumzia asili namaanisha hivi; kwa mfano mimi Sadick, asili yangu ni ukoo wa akina Kilasi. Lakini hiyo ni asili tu ya mwili, lakini katika uhalisia nipo tofauti kabisa na mwili wangu na siwezi kuonekana kwa macho. Lakini ikiwa naiishi hapa duniani ni lazima niunganike kiroho, nafsi na mwili na huo ndio uhalisia wangu. Nje ya hapo mara nyingi inakuwa sio mimi bali ni eneo dogo tu la mimi na ndiomaana kiasili naweza kubadilika umbo lakini katika uhali huwezi kubadilika.

Nimejaribu kuzungumzia asili na uhalisi ili nikufanye uone utofauti na uanze kufikiri tofauti na jinsi ambavyo umekuwa unafikiri na kujichukulia.

Tunaishi kwenye dunia ya miili yaani katika asili lakini maisha yetu yana mengi kwa sababu duniani tunapita tu, tupo katika mwendo. Yapo mengi tunayopitia duniani lakini na ni mengi pia ambayo tunatamania kupata, na hapa ndipo tunahitaji kuisoma asili vizuri ili tutambue kwamba tutaanzia wapi katika hicho tunachokitafuta na tutaishia wapi. Ikiwa tunaishi kwenye dunia ya miili basi kuna mipaka ambayo ipo na inapaswa kufwatwa.

Katika maisha inayotafutwa kwa kiasi kikubwa na kwa gharama kubwa ni furaha lakini wengi tumejikuta tunajiingiza kutafuta raha ama burudani kwa sababu hatujatambua ni kipi chanzo cha furaha.

Sisi ni miili ambayo tumepewa tusafilie kwa muda lakini matumaini yetu si katika miili bali katika vitu ambavyo haviwezi kuonekana kwa macho. Ikiwa tunamtumainia Mungu asiye onekana basi katika uhali wetu nasi hatuonekani kwa macho na huo ndio ukweli wenyewe. Kutafuta furaha kunattegemea sisi hatua zetu tunazopiga ndizo zitatupeleka katika furaha. Ikiwa unatafuta pesa tu bila kutambua kwamba asili yako wewe si kutegemea pesa basi ni wazi lazima ufanye la kwanza na la pili bila kukosea.

 Tunahitaji kutambua kwamba tunapaswa kuanzia wapi na kuishia wapi, kwani raha ambayo hutafutwa kwa njia ya kutegemea mazingira ya nje haidumu na wala haiwezi kutupa furaha kamili.
2Wakorintho 4:18, Hivyo tunatazamia kwa makini si vitu vinavyoonekana, bali visivyoonekana. Maana vinavyooneka ni vya muda tu; lakini vile visivyo onekana ni nya milele.
Ikiwa tunaasili ya kutoonekana basi niwazi kwamba tunapaswa kutambua ya kwamba tunahitaji kujijenga katika huko kutoonekana na kujijenga pia katika kuonekana kwani pia bado tuna mwili.

Leo nitakupa njia moja ya kujenga furaha yako ya kudumu ambayo biblia imekazia kwa umakini zaidi na hichi nndicho kiini cha furaka katika maisha yako.
Mithali 4:23, Linda moyo wako kuliko yote uyalindayo; maana ndiko zitokako chemichemi za uzima.

 Hapa ndipo unahitaji kujifunza kwa umakini kabisa  amri za Mungu zinasemaje, lakini moyo wako unapaswa kuulinda kama nini. Ikiwa utapangilia kuishi maisha ya upendo basi ni wazi kwamba tayari umeenza kuishi maisha ya maana na ukidumu katika kujifunza neno la Mungu , utaupata ukweli nao ukweli utakuweka huru.

Kaa na pangilia maisha yako, tafuta ukweli kama unavyotafuta pesa na ndipo ukweli utakuweka huru katika maisha yako.

Sadick Kilasi wa jikolaushauri.blogspot.com.

 Mawasiliano ni 0687000768 au sadikila65@gmail.com.