Sala Ya Kuomba Amani.

Ee Mungu, Mfalme wa kila kitu, uketiye katika kiti cha enzi, wewe ndiye Mfalme wa utukufu wote.

Utuoshe wana wako, kwa Yesu Kristo aliyechukua dhambi ya Ulimwengu. Yeye aliwaosha wanafunzi miguu yao ili waendelee kukua na kushiriki utukufu wako. Yeye huyu aliye kuhani wetu mkuu wa patakatifu pa mbinguni kwa mfano wa ukuhani wa Melkisedeki. Huu ni ukuhani wa haki na Amani, basi, uimimine amani yako katika mioyo yetu.

Roho wako abubujishe amani hii ndani ya mioyo yetu. Mioyoni mwetu uijaze haki yako na hekima yako. Midomo yetu, ibubujishe hekima yako iliyo katika mioyo yetu.

Lifanye tumaini letu kuu litie nanga katika patakatifu pako pa huko mbinguni. Utukufu wa huko mbinguni, umeeshe utukufu hapa duniani.

Utufundishe neno lako na kusikia sauti yako. Zitakase dhamiri zetu ili matendo yetu yajae haki yako. Lifanye neno lako takatifu kuwa matamshi yetu. Kwa kweli, mwili wetu na ububujike utukufu wako ulioko ndani yetu.

Utufanye tuwe Nuru ya ulimwengu kwa utukufu wako. Tuwalete watu kwako kwa uweza wako. Tufurahi sisi sote kwa pamoja kwa amani iliyo ndani mwetu na katikati yetu.

Zifanye shughuli zetu, zitiishwe kwa nguvu zako na uweza wako. Bariki kazi zetu. Sisi sote na mali zetu, tusimike na kutusimika kwako kwa uweza Na nguvu zako ili tusitoke katika nguvu na uwepo wako. Sisi ni wadhaifu peke yetu hatuwezi.

Wewe ni Mungu wetu nasi ni watoto wako, kwa pamoja amani tele. AMINA.

Sadick Kilasi wa jikolaushauri.blogspot.com.

Mawasiliano ni 0687000768 au sadikila65@gmail.com.