Mambo Ya Kujua Na Kuepuka Ili Kudumisha Furaha Katika Maisha Yako.

Habari Ndugu yangu?

Kuwa na furaha katika maisha ni kitu kingine na kudumisha furaha uliyonayo ni kitu kingine kabisa. Furaha ambayo naiongelea hapa sio furaha ambayo watu wengi huitafsiri kama furaha, naizungumzia furaha ya kudumu, ambayo mwanzo wake ni amani ya moyo.

Furaha hii ambayo ni ya kweli na halisi huwa inategemea utambuzi na haitegemei kufurahishwa. Kwa mtu mwenye furaha ya kweli sio jambo gumu kwake kutabasamu akiwa peke yake. Mtu huyu huwa hategemei kile ambacho kinaingia kwake bali anategemea kile ambacho anakitoa ndani yake.

Ikiwa huna furaha ya kweli bado hujachelewa, kama upo hai bado una fursa ya kufurahia maisha. Kama bado hujaanza kufurahia maisha jambo la kwanza kulielewa ni hili, Mungu ndiye mwanzo wa mambo yote na unapaswa kupokea kile kitu ambacho anakupatia. Itambue injili ya maji na Roho na hiyo ndiyo funguo ya furaha katika maisha.

SOMA:INJILI YA MAJI NAROHO.

Sasa furaha na amani ndiyo humfanya mtu awe na amani na afanye shughuri zake kwa usahihi bila bughudhi yoyote. Furaha ndiyo nguvu ya kuendelea kufanya lile ambalo unalifanya. Sasa baada ya kupata funguo ya furaha, kuna haja ya sisi kuendelea kuilinda furaha tulionayo. Dunia ambayo tunaishi si makao yetu bali tunapita kwa muda tu kwahiyo unachokipata unapaswa kukilinda kwani hatujaufikia ukamirifu bado kwa hapa tunaishi matumaini yaani furaha ya mbinguni tunaiishi hapa duniani.

Zipo tabia ambazo mhusika ambaye anataka kuwa na furaha ya kudumu anapaswa kuwa nazo. Tabia hizi unapaswa kuishi, furaha itakuja yenyewe bila kusababishwa na kitu chochote kwani Mungu ndiye atakujaza furaha hii.

Kwanza kitu cha kwanza unapwa kuondoa kuabudu miungu mingine. Na kuabudu miungu mingine simaanishi kwamba utaenda kuipigia magoti ama kusujudu, hapana, namaanisha kibanzi ambacho kipo ndani yako. Je! ushawahi kujikuta kana kwamba kwenye dhamiri yako kama kumewekwa kitu ama kunasishwa kitu namna hii, harafu kichwa huwa kinakuwa kizito sana. Kwa hiyo unapaswa kuondoa hicho kitu ambacho kipo ndani yako, wewe ni hekalu takatifu la Mungu.

Kitu hiki husababisha uchungu sana kwa mtu, kuhukumu wengine huleta jambo hili, tamaa ya jambo fulani huleta jambo hili, hofu kubwa huleta jambo hili, kung"ong'a mtu kwa siri huleta jambo hili, na tabia nyingine ambazo hazizingatii kiasi na Elimu ya kiungu.

Hakikisha dhamiri yako inakuwa tupu kabisa, hata kama ulikuwa unafanya jambo zuri sana, kwa mfano; kama ulikuwa unasoma kitu hakikisha unaelewa tu na neno hilo lijazwe ndani mwako siyo kukairiri. Ubongo wako unapaswa kuwa tupu, achilia kila jambo linalokuja. Wewe ni hehalu la Mungu kwa hiyo unaposhikilia kitu fulani unaondoa uwepo wa Mungu ndani yako.

Hii ni amri kuu katika neno la Mungu, Kumbukumbu La Torati, 6:5, Nawe mpende Bwana Mungu wako, kwa moyo wako wote, na kwa roho yako yote, na kwa nguvu zako zote. Hii ni amri kuu katika amri zote, lakini Mungu anakwambia kwamba ondoa kila kitu ndani yako. Kumbukumbu La Torati 7:25-26, Sanamu za kuchonga za miungu yao mtaziteketeza kwa moto; usitamani fedha wala dhahabu iliyo juu yao, wala usitwae iwe yako usije ukanaswa nayo; kwa maana ni chukizo kwa Bwana, Mungu wako; na chukizo usitie ndani ya nyumba yako, usije wewe kuwa kitu cha haramu mfano wake; ukichukie kabisa, na kukikataa kabisa; kwa kuwa ni kitu kirichoharimishwa.

Jambo la muhimu kufahamu katika hili ni kwamba, usiingize vitu vya mwilini na kuviweka ndani ya dhamiri yako. Hakikisha ndani ya dhamiri yako mnakuwa tupu, usihifadhi tumaini lako ambalo ni kubwa kwa kujiuliza itakuwajekuwaje? Jambo la muhimu kwako ni kutambua na kuanza kufanyia kazi yako, tekeleza sasa kwa mwili baada ya dhamiri yako kufika kiroho.

Uwepo. Hii ni changamoto kwa watu wengi kutnza uwepo, yaani mtu kimwili anakuwepo lakini kifikra anatoka na kwenda mbali sana. Usikubali kuingiliwa na jambo lolote katika shughuri zako.
Kumbukumbu La Torati, 12:27, nawe zisogeze sadaka zako za kuteketezwa, nyama na damu, juu ya madhabahu ya Bwana, Mungu wako; na damu ya dhabahu zako uimwage juu juu ya madhabahuya Bwana, Mungu wako, na wewe utakula nyama yake.
Kwa hiyo unapofanya shughuri zako hakikisha unatunza uwepo wako, yaani unajitoa mzimamzima kwa kila kitu. Hii itatunza umilele wako na utajiona mkamirifu yaani hakuna kipande cha wewe ambacho kitakuwa kimetoka kwako ni kama vile kufanya tahajudi. Wanao fanya tahajudi hulifahamu hili.

Luka 11:34, Taa ya mwili ni jicho; basi jicho lako likiwa safi, mwili wako wote nao unakuwa mwanga; lakini likiwa bovu, mwili wako nao unakuwa giza.

Sasa ukiona kuna kitu ambacho kimenasa ndani yako, yaani kwenye dhamiri yako, hapa ndipo ambapo unamhitaji Kristo, asafishe dhamiri yako. Wakati wana wa Israeli walipokuwa wananung'unika jangwani Mungu aliachilia nyoka wenye sumu kali wakawauma na kuwauwa lakini maadae walipoona wanakufa wakamwambia Musa, tumetenda dhambi, Musa akamwomba Mungu, Mungu akamwambia Musa atengeneze sanamu ya nyoka ambaye kila mtu atakayetazama atapona. Hivi sasa ameinuliwa Yesu katika msalaba. Nilizungumzia hili kwa undani katika makala hii;

SOMA: HATA KAMA UMEZALIWA UPYA.

Lakini pia usiendekeze tabia ya kuwategemea watu, kwa sababu ukiwategemea watu lazima utaumizwa nao ni hilo ni jambo amekataa kabisa. Maana kuna watu wengi saizi hujisemea wenyewe kwamba bila mtumishi fulani mimi haiwezekani, mpendwa, wewe ni wewe na yeye ni yeye, jifunze tu kwa watu ila tambua hata watu wanakitu cha kujifunza kutoka kwako.

Makala hizi kwa watu ambao wapo makini ni makala za uponyaji kabisa. Amri zozote ambazo Mungu alitoa ni kwaajili yako, inakuhitaji utafakari kwa umakini na kuhakikisha unaelewa uhalisi wake ni nini, ni kitu gani ambacho Mungu alikuwa anakilenga kitu gani. Hata kama jambo unalifahamu jitaidi sana lile neno lisipite kwako bali liwe ndani mwako, kwenye moyo wako. Watu wengi huwa hatufahamu hili kwamba, ukitaja jina Sadick, ndani yake kabeba mambo mengi ambayo unapaswa kuyajua. Mungu amesema, mpende jilani yako kama unavojipenda mwenyewe. Kwa kawaida amri hii inaweza ikawa kama rahisi kuelewa lakini inahitaji utafakari wa ndani zaidi.

Ombo langu Ngudu yangu, makala hizi hakikisha unawasambazia watu wengi zaidi. Ni makala za uponyaji kuanzia kiroho mpaka kimwili. Hata wewe mwenyewe kwenye milango ambayo nimetaja ya Biblia hakikisha unajipa muda kusoma zaidi, mlango mzima kwenye mstari ambao nimetaja. Nakusihi Ndugu yangu, itafakari milango hiyo. Asante.

Sadick Kilasi wa jiolaushauri.blogspot.com.

Mawasiliano ni 0687000768 au sadikila65@gmail.com.