Dunia Mama Haimtupi Mwenye Mwili.

Dunia Mama Haimtupi Mwenye Mwili.

Tupo duniani na dunia ndiyo Mama yetu ambaye anatutunza. Mungu aliifanya dunia ili itutunze na kamwe dunia haiwezi kumtupa mwenye mwili. Ardhi ya dunia hii na vitu vya asili yake, siku zote za maisha havibadiliki hata binadamu ajaribu kubadilika vipi, mambo yapo vile vile. Dunia Mama haimtupi mwenye mwili, ndio unaweza kusema kwani, jinsi Mungu alivyoiumba dunia ilikuwa ni kwaajili ya kumsaidia mwanadamu.

Mazingira ya dunia yatabaki vile vile hata kama ukiyasaliti bado, asili ile itabaki vile vile na inakusubiri wewe ufikiri kwa njia ya shukrani ili upate yaliyo mema ya dunia. Miti, mito, wanyama, wadudu na kila aina ya viumbe hai na visivyo hai ni zawadi kwa yeyote mwenye mwili hapa duniani.

Unaweza kuichukia dunia, unaweza kuanza kutangatanga kama Kaini lakini bado utakuwa ndani ya dunia na dunia inakusubiri utubu tu wewe mwenyewe kwa kukubali kwamba upo duniani na zipo kanuni za dunia ambazo unapaswa kufuaata. Unaweza usikubali mazingira unayoishi kwa kutazama mbele tu, usiweze kutazama chini ya miguu yako ulipokanyaga ili kuona vizuli ni kitu gani kilichokuzunguka, uone namna mama dunia anavokujali na kukupenda.

Mama yetu dunia yupo vilevile, lakini mwanadamu hurusha macho mbali sana na asikubali pale alipokanyaga kwamba panamlinda na pana fursa za kufanya kila kitu ambacho anataka kufanya. Ukitazama mbali unaweza kuona kule mbali ni bora kuliko ulipo lakini ukweli ni kwamba dunia ni ileile tu, ukikufikia unaotazama unaweza usikubali pia.

 Dunia haimtupi mwenye mwili, mazingira ambayo yalikuwa yameandaliwa yalikuwa ni kwa sababu ya mwenye mwili. Kila maeneo yana asili kutokana na mwenye mwili wa eneo hilo, ukienda jagwani, utakuta michanga mitupu basi, wanaoishi huko ni watu wa asili ya huko na wenye kumdu asili ya huko. Ukienda majini, utakuta samaki na wadudu wa majini, basi, nao huishi kutokana na asili ya majini. Mbugani ni kwaajili ya wanyama wa mbugani, nyumbani ni kwaajili ya wanyama wa nyumbani. Hivi ndivyo tunavyoishi dunia mama yetu wenye mwili anatulea namna hiyo. Hakuna mwenye mwili anayetupwa, hakuna mwenye mwili anayekataliwa, wenye mwili wote huishi kufuatana na asili yake.

Mwanadamu mwenye mwili amepewa anazawadi zaidi ya wenye mwili wengine na zawadi yenyewe ni kufikiri zaidi ya wenye mwili wengine. Sio kwamba wenye mwili wengine hawafikiri, wanafikiri sana na ndiomaana wanaweza kuhendo mazingira wanayoishi, lakini mwanadamu amepewa ufikiri zaidi ya wengine yaani amezidishiwa ubunifu. Hii ni zawadi kubwa sana kwa mwanadamu kati ya wenye mwili, anaweza kuhendo mazingira yeyote yale anayoishi kwa sababu ya utambuzi wa kufikiri.

Hii ni zawadi kwa mwanadamu kwani anaweza kuelewa mazingira anayoishi, Paulo alisema, mimi nafurahia kila mazingira ninayopitia kwa naelewa kila jambo, liwe gumu ama la. Natambua kupitia magumu na wakati mzuri. Hivi ndivyo maisha yanakuwa yenye maana kwa kila mwanadamu. Unapokuwa unatafakari mazingira uliyopo na kuyaelewa inakuwa ni rahisi kuishi kwa utambuzi wa kueleweka.

Kwa Mwanadamu kila kitu ni zawadi yake, anaweza kuangalia kitu chochote kile na kutengeneza chochote anachotaka. Usishangazwe kuona kwamba, taa iliigwa mfano wa mwezi, gari iliigwa mfano wa ng'ombe na mengine mengi sana. Hivi ndivyo tunasema, dunia haimtupi mwenye mwili.

Unaweza ukafikiri huna pa kuanzia lakini ukikubali mazingira yanayokuzunguka ni wazi kwamba utaona kila jambo ambalo linakuzunguka ni la kwako wewe, yaani hiyo ni zawadi yako. Watu mimea, ardhi, wadudu, ndege  na kila aina ya kinachokuzunguka. Tulipewa amri ya kwenda kutawala viru vyote vya dunia na si kumiliki. Kwa sababu hiyo, kama kila kitu tunaweza kukitambua basi, ni wazi kwamba tunaweza kufanya jambo lingine linalofanana na lile jambo bila kuadhiliwa na lile jambo uliloliiga. Ukimiriki kitu unajipunguzia vya kutawala na ukimiriki kitu unakuwa chini ya hicho kitu lakini ukitawala vitu vyote vinakuwa chini yako.

Popote pale ulipo, umezungukwa na mazingira, unaweza ukafanya jambo lolote ambalo litakupatia faida na kuendelea kufurahia mazingira uliyopo na kuwa mmoja wa mtumiaji mzuri wa mazingira. Tazama mazingira uliyopo harafu fikiria kishukrani, ona namna ambavyo umepewa na Mungu kila kitu ambacho kitakufanya uendelee mbele.

Dunia Mama haimtupi mwenye mwili, usiikatae dunia, dunia haiwezi kukusikia kwa sababu unaenda nje ya asili yake na siku ukifa kwa sababu hutakkuwa na uwezo wa kuikataa itakupokea kama mtoto wake na kukuhifadhi chini ya ardhi. Anza kukubari mazingira unayoishi, anza kuona wema kwenye kila jambo katika mazingira unayoishi, usikubali kuwa mkimbizi kama Kaini mwenye tamaa, kubali kila jambo na mrudishie shukrani Mwenyezi Mungu maana yeye ndiye Muumba wa kila kitu.

Ukawe na siku bora ukimrudishia shukrani Mungu kwenye kila jambo, jifunze kwenye kila jambo harafu uone namna siku ya leo itakavyokuwa siku bora kuwahi kutokea, wewe shukuru kweny kila jambo, chochote ambacho utakishika rudisha shukrani kwa Mungu haijarishi ni kitu gani na ni kidogo kiasi gani. Utaona mabadiliko ndani yako, utaona ufikiri wa tofauti. Harafu siri nyingine ya kumwomba Mungu jambo unalolitaka ni kukubali kwanza vitu ambavyo tayari amekwisha kupatia.
ASANTE.

Sadick Kilasi wa jikolaushauri.blogspot.com.

Mawasiliano ni 0687000768 au sadikila65@gmail.com.