Utabiri Unaonesha Kwamba Wewe Utafurahia Maisha Kama Ukinena Hivi.

Katika maisha kuna nyanja tatu, imani, maneno na matendo. Imani na Mungu, maneno kukiri kwa kinywa imani iliyonayo na matendo ni kutimiza imani yako kwa matendo.

Imani hufufua matumaini, maneno huburudisha na kutia Amani kwenye moyo wa mtu na matendo huacha alama kwa mhusika juu ya imani yake.

Utabiri unaonyesha kwamba utaishi maisha ya furaha endapo ukijitabiria maneno ya ushindi.  Wote wanao mtumainia Mungu hupokea haki ya Mungu kwa imani. Ikiwa utamwamini Mungu na kukiri kwa kutabiri kwa imani tumaini lako utapokea haki ya Mungu.

Mungu ndiye Mfalme wa vyote, Mungu huweza kibadilisha chochote kile ambacho anataka kubadilisha. Alimwambia Ezekiel atabiri kwenye bonde la mifupa.

Mifupa ilianza kujikusanya pole pole, baadae nyama na mwisho Mungu alimwambia Ezekiel kwamba natia Roho yangu kwa watu hawa ambao matumaini yao yamekufa.

Mungu tayari ametia Roho wake kwa wote wanaomwamini Yesu Kristo.  Kupitia kwa Yesu Kristo tayari Roho wa Mungu anaishi ndani mwetu.

Kinywa chako tangu sasa kinatabiri nini? Tabiri sasa. Kiri kwa kinywa chako. Tabiri jibu la matarajio yako. Burudisha moyo wako kwa kutabiri utabiri wenye mwelekeo chanya kwa kumwamini Mungu kwa imani kupitia kwa Kristo Yesu, Bwana na mokozi wetu. Tabiri hivi sasa. Ama unataka kubaki katika hema ya maumivu ya watu wasio na matumaini?

Unayo leo ndugu yangu, jitabirie maneno ya ushindi hivi sasa, mtabirie mwingine maneno ya ushindi hivi sasa, tabiri matarajio yako madogo madogo kwa kunenea mtazamo chanya, watabirie marafiki matazanio chanya kwa kile unachofanya.

Ama wewe ni mmoja wa watu ambao huwatia hofu watu? Tabiri sasa, nitabirie hata mimi. Kinywa chako ni zawadi ya mwili wako na watu wengine. Tumia kipawa cha kinywa chako kuwa ushindi katika mazingira yanayozunguka. Maneno yana nguvu, maneno hufanya uumbaji, maneno huzaa matendo, maneno huujanga moyo.

Usinene maneno ya hovyo Ndugu Yangu, haijarishi unamwbia nani, maneno hutoka na kurudi masikioni mwako na kuujenga moyo ama kuubomoa. Tabiri hivi sasa taraji lako. Nena sasa taraji lako.

Umeubwa kwa uwezo wa Mungu, umeumbwa kwa mfano wa Mungu, na pia kama unamwamini Yesu Kristo una Roho wa Mungu ndani yako.

 Tabiri hivi sasa, utabiri wako ndio maisha yako. Ukitabiri hivi sasa, matumaini yatajivuta na utaishi sasa. Kuishi maisha ya furaha ama la vinategemea utabiri wako.

Uandae moyo wako kwa kutabiri kwa kinywa chako maneno ya ushindi.

Sadick Kilasi wa jikolaushauri.blogspot.com.

Mawasiliano ni 0687000768 au sadikila65@gmail.com.