Wakati, Kila Jambo Wakati Wake.

U hali gani mpendwa msomaji wa blogu hii ya JIKO LA USHAURI? Natumai umeamka salama kabisa. Kama unasoma hapa basi sina budi kukupa hongera ya ushindi wa uhai ambao Mwenyezi Mungu katushindia mimi na wewe. Haijarishi upo katika hali gani kama unaweza kusoma japa,  basi tambua ya kwamba unaweza kubadilisha historia ya maisha yako au na jamii kwa ujumla. Wakati ndo huu sasa wa kubadilisha historia ya maisha yako. Wewe ni mshindi zaidi mshindi.

Kila jambo kwa wakati wake.

Kuna wakati jambo la faa lakini kuna wakati jambo hilo hilo halitafaa kutokana na wakati wake. Wakati wakati wakati,  fanya kwa wakati, kwa kuwa una wakati, utafika wakati, hutokuwa na wakati wa kufanya kwa wakati. Kauli ambayo niliinukuu kutoka kwa Mwalimu wangu wakati nikiwa darasa la saba.

Mpendwa msomaji, kuna wakati wa kupanda, kunawakati wa kuvuna, kuna wakati wa kusifia na kunawakati wa kutosifia, kuna wakati kufaliji na kunowakati wa kutofaliji. Kuna wakati wa kusikiliza na kunawakati wa kusema. Kuna wakati wa kuona na kuna wakati wa kutoona.

Ama kweli kusikia jambo ambalo hukupaswa kusikia ni hatari katika maisha. Kusema jambo ambalo hukupaswa kusema unaweza kuharibu kabisa jamii au maisha yako. Kusikia je? Ndiyo, kusikia jambo ambalo hukupaswa kusikia unaweza kuharibu maisha yako kabisa.

SOMA:Hivi Ndivyo Ambayo Unapaswa Kuendelea Kufanya Haijarishi Upo Katika Hali Gani.

Zawadi pekee ambayo tumepewa bure kabisa kila mmoja wetu katika maisha basi ni wakati lakini wakati unatakiwa kutumika vema kabisa, kimatendo, kimaneno, kufaliji, na kila jambo kwa wakati wake.

Unapowapa kitu watu kwa wakati husika basi unakuwa umefanya kwa wakati. Kila neno lazima litolewe kwa wakati na kila jambo kwa wakati.

Narudia tena mpendwa msomaji, fanya kwa wakati, kwa kuwa una wakati, utafika wakati, hutokuwa na wakati wa kufanya kwa wakati.

Endelea kutembelea blogu hii ili kujifunza zaidi.

Wako Sadick Kilasi.
Mawasiliano ni 0687000768 au sadikila65@gmail.com.