Ni Rahisi Sana Kuona Kitu Hiki Kwa Watu Wengine.

Ni rahisi sana kuona makosa ya wengine na mapungufu yao. Ni jambo rahisi kabisa kumwona mtu mwingine anatabia fulani ambayo ni mbaya, mimi huyo simpendi na mambo mengine kama hayo.

Ukweli ni kwamba ni ngumu kupokea ujumbe kama huo kutoka kwa mwingine, ni ngumu sana kijinyoshea kidole mwenyewe, huwezi kumkuta mtu analalamika kwamba mimi ninatabia hii mbaya, napenda kuongea sana na siwapi nafasi wengine, kwa kweli hiyo ni ngumu kumkuta mtu kama huyo na kama wapo ni wachache sana.

SOMA:Binadamu Ameumbwa Akiwa Na Tabia Hizi.

Ukweli ni kwamba, asili imekuwa ikitutesa sana, asili imekuwa ni mwiba kwa wengine. Kiasili kila binadamu ni mbinafsi, hii inapelekea kuona wengine hawafai na sisi ndo tunafaaa zaidi.

Tabia kama hii sio nzuri kwa sababu inaleta mugawanyiko na kutawanyika kwa watu. Kuna kila sababu ya kujitambua wewe mwenyewe kwanza, kila binadamu anampungufu yake, usiangalie zaidi mapungufu ya wengine, wakati mwingine jiangalie wewe kwanza, je unatabia njema ambayo unaweza kumshawishi? Ukiona huna, kwanini unalaumu? 

Kama upepitia hali kama yake na umebadilika kwa kweli usingekuwa na sababu ya kumchukia zaidi ya kumwonea huruma. Tunachukiana bure tu, tunatawanyana bure tu, leo hii hata dini hamna utulivu kwa sababu ya kukosoana, kila mtu anavutia kwake, ubinafsi umekuwa mwingi sana, kumbuka wote tupo katika dunia ya upotevu, tupendane, tuvumiliane na tuwe na umoja.

Mpendwa msomaji, ukianza kumfuatilia mtu utaona vitu vya ajabu ambavyo hukutarajia kabisa kuona. Angalia mapungufu yako kwanza ikisha boresha harafu tengeneza urafiki na huyo ambaye unamnyoshea kidole. 

Ukawe na siku bora na endelea kutembelea blogu hii kujifunza zaidi.

Wako Sadick Kilasi.

Mawasiliano ni 0687000768 au sadikila65@gmail.com.