Hii Hapa Ni Njia Nzuri Ya Kujifunza Zaidi na Zaidi.

U hali gani mpendwa msomaji wa blogu hii ya JIKO LA USHAURI?  Natumai umeamka salama kabisa. Hongera kwa ushindi mkubwa wa kuiona siku hii ya leo, siku mpya, mimi na wewe hatuna budi kushukuru Mwenyezi Mungu aliyetujalia kuiona siku hii ya leo. Hakika sisi ni washindi zaidi ya washindi.

Karibu katika makala haya ya leo ili tujifunze kwa pamoja lile nililo kuandalia rafiki yangu.

Kati ya watu ambao unawajua vizuri sana na uhakika unamjua vizuri basi mtu huyo ni wewe mwenyewe. Waweza ukawa hujijui kiundani sana sana lakini sidhani kama unawajua watu wengine zaidi unavojijua wewe mwenyewe. Kujijua maanake nini? Ni kufahamu vema wapi upo bora na wapi haupo bora. Sasa ukisema namjua mtu fulani kuliko unavojijua wewe mwenyewe, wajidanganya rafiki yangu, kila mtu anajitambua mwenyewe vizuri kabisa. Hasa unapokuwa bafuni unaoga, wajitambua vizuri sana wewe.

Siku zote ukitaka kujengeka vizuri kama unataka kuwa bora zaidi ya hapo basi tafuta udhaifu wako uko wapi na mapungufu yako ili ujijenge vema. Kama wewe ni mbinafsi na ukajitambua ya kwamba mimi ni mbinafsi basi hilo kwako si tatizo tena, cha muhimu ni kujifunza tabia mpya na kuondoa ubinafsi.

Watu wengi hawalitambui hili na ndo toba yenyewe. Mwenyezi Mungu katuwekea sheria juu yetu ili tuijue dhambi yetu ikisha tutubu kwa kugeuka moja kwa moja sio kila siku kufanya dhambi hiyo hiyo na kuomba toba, hapana. Sheria imewekwa ili tujitambue sisi ni akina nani na ikisha tugeuke upande mwingine.

Hivi ndivyo tunaweza kukua na kuwa bora zaidi na zaidi, kutumia udhaifu na kujiboresha zaidi na zaidi. Watu wano jiona wamekamirika basi hao wana kiburi na majivuno. Kila mtu anampungufu yake, tunatumia mapungufu ili kuweka ubora na tunatumia mapungufu ili kuwa bora zaidi. Walio kamirika wanapatikana makabulini.

Fikiria kitu kimoja kama kila kitu kingekuwa sawa ubora usinge kuwepo wala tusingekuwa na haja ya kujiboresha.

Ukawe na siku bora rafiki na endelea kutembelea blogu hii kujifunza zaidi.

Wako Sadick Kilasi

Mawasiliano ni 0687000768 au sadikila65@gmail.com.