Usitawanye Watu Kusanya Watu, Fanya Kitu Hiki Kukusanya Watu.

Ili kuushinda ubinafsi na tabia za umimi basi huna budi kuchagua watu ambao unajua kabisa kwamba mimi hawa siwapendi ikisha nenda kawambie nakupenda.

Ni jambo gumu najua lakini hii itakusaidia wewe mwenyewe. Ni kitu kigumu kama utaanza kujilinganisha nao kwa kweli kitakuwa kitu kigumu kwa hapo utazidi kujionyesha mwenyewe ya kwamba unakibuli na mbinafsi.

SOMA:Kama Hujawahi Kuona Kichogo Chako Ya Nini Yote Hayo?

Rafiki, kila mtu ni zawadi yako wewe huna haja ya kujilinganisha na mtu. Wewe sio mwili huo rafiki yangu, mwili wako ni zawadi ya wanaokuona na wao ni zawadi yao.

Hakuna lisilowezekana kwenye upendo, upendo hauhesabu muda wala mabaya. Watazame watu kwa mazuri yao na si kwa mabaya. Mpendwa rafiki, si lazima awe amekutendea mazuri ya kupewa kitu hapana fikiri zaidi ya hapo. Kumwona tu mtu mshukuru Mungu kwamba umeniweka kwenye hii dunia nzuri ambayo unakutana na watu ambao nawambia ninachojisikia. Vipi ungekuwa huko msituni na huoni watu wa kuwambia kitu, upo peke yako.

Wachague unawajua kabisa kwamba hawa nawachukia nenda kawambie nakupenda na kama ukishindwa kuwambia nakupenda wasifie kwa jambo lolote lile ambalo ni zuri wanalofanya, rudia tena kusifia na iwe tabia yako.

Ajishushaye hukwezwa, imeandikwa kwenye Bíblia. Usitawanye watu, kusanya watu kwa upendo.

Ukawe na siku bora rafiki yangu na endelea kutembelea blogu hii kujifunza zaidi.

Wako Sadick Kilasi.

Mawasiliano ni 0687000768 au sadikila65@gmail.com.