(SEHEMU YA NNE) Mambo Niliyojifunza Kutoka Kwenye Kitabu Cha Bwana Wetu Aliyefanyika Kuwa Haki Ya Mungu (II).

Nina furaha kweli kweli ninapokushirikisha mambo mazuri ambayo nimejifunza kutoka kwenye kitabu hiki. Mafunzo haya yatakuwa msaada kwako ikiwa utakuwa tayari kuelewa na kutimia veja. Kwa kweli ninaamini ya kwamba upo salama kabisa Mungu kakujalia kusoma makala haya. Hongera sana rafiki yangu kwa kukutana tena kwenye makala  ya leo.  Leo naenda kukushirikisha sehemu ya nne ya mambo ninayokushikisha niliyojifunza kutoka kwenye kitabu cha Bwana Wetu Aliyefanyika Kuwa Haki Ya Mungu II kilichoandikwa na Paulo C.  Jong.

Tuliangalia namna gani ukiwa umepokea Haki ya Mungu, Roho Mtakatifu ndiye atakaye kuongoza katika maisha yako. Tunapewa na kuongozwa na Mungu kupitia Roho Mtakatifu.

Jamani nani asiyependa kuongozwa na Mungu? Kwa kweli hapana mtu, kila mmoja anapenda kuongozwa na Mungu. Ukweli ni kwamba tukiwa tunaishi kwa kutegemea haki yetu wenyewe tunaishi kwa kugugumia na kunung'unika, maisha yanakuwa magumu sana. Haijarishi uwe na mali au la, kwa kweli hatuwezi kuishi kwa kutegemea haki yetu sisi wenyewe.

Ukifikia maisha ya utauwa,  ukweli Mungu anapenda sana kila mmoja wetu kufikia katika kiwango hicho. Miili yetu haiwezi kuacha kutendenda dhambi, lazima tuamini katika injili ya maji na Roho ili tuweze kupokea zawadi nzuri ambayo Mungu anatupatia ambayo ni kutuongoza kupitia Roho Mtakatifu.

Nisikuchoshe msomaji wangu karibu katika ya leo lakini kama hukusoma makala yaliyopita hakikisha unasoma ili kuelewa vema. Soma kwenye kiungo hapo chini.

SOMA:Soma Sehemu Ya Tatu Ya Mambo Niliyo Jifunza Kutoka Kwenye Kitabu Cha Bwana Wetu Aliyefanyika Kuwa Haki Ya Mungu.

Karibu sana,

1. Mungu anawapenda waamini waliozaliwa tena upya. Wakati mwingine Mungu anaweza kuwaachilia hata adui zako kwa ajili ya kukujenga zaidi lakini mwisho anawaadhibu adui hao. Je wewe unatia shaka wakati wa kuachiliwa adui? Kwa kweli hutakiwi kuwa na shaka kabisa, amini katika haki ya Mungu.

2.Mungu anatupenda sana, alipanda mti wa mema na mabaya katika bustani ya Edeni, na kisha akawaamulu Adamu na Hawa kutokula matunda ya mti huo. Huo ulikuwa ni mpango wa Mungu, ili wanae wapate kumrudia yeye. Alitambua ya kwamba mwananadamu hawezi kumtumikia Mungu bila sababu lazima ataasi. Waweza  kushangazwa na hili lakini huo ndo ukweli wenyewe. Sawa sawa na mtu ambaye anachukua kitu ambacho hukifahamu akaweka juu ya meza na kusema, humu kwenye boksi kuna kitu kitamu sana, lakini ole ufunue box uangalie. Hapo ushawishi unakuwa mkubwa zaidi kuliko angeficha na kutokwambia.

3.Wale ambao wanakiri ya kwamba wao ndio wenye dhambi, basi hao ndio Mungu amewaita, wale ambao ni wadhaifu, Mungu ndio anawaita waende akawafanye wawe huru. Kwa kweli Mungu anawapenda wadhaifu wale ambao wamekosa haki. Lakini kama wewe una haki yako Mungu hakuhitaji.

4.Wakati mwingine hujisikia kama tumedhalilishwa kana kwamba tunataka kujificha pale tunapojifahamu kwa jinsi tulivyo. Lakini Mungu anauwezo wa kugeuza mzaituni mwitu na kuwa mzaituni halisi. Kwa asili sisi ni mzaituni mwitu lakini tuligeuzwa kuwa mzaituni halisi kwa injili ya Yesu ambayo ametupatia. Kwa hiyo tunapojitambua ya kuwa sisi tu wenye dhambi lazima tutambue ya kwamba Mungu anatuita na tutegemee katika haki yake, haki ya Mungu.

5.Kuna wakati tunafikiri kwamba, wakati bado sijalisikia Neno la Mungu nilikuwa sijazitambua dhambi zangu lakini sasa nazitambua dhambi zangu na naona siwezi kumtumikia Mungu kikamilifu. Lakini hiyo si sahihi. Badala yake tunapaswa kufikiri, nilikuwa sifahamu dhambi zangu hata pale nilipokuwa nazitenda. Neno la Mungu lote ni sahihi lazima niamini katika Neno lake. Siwezi kuishi kwa kufuata Neno hilo kikamirifu. Kwa kweli mimi ni mwenye dhambi ambaye nimepangiwa kwenda kuzimu na hii ndo sababu Kristo Yesu alikuja.

6.Tunahesabiwa haki na kutakaswa mara moja tu,  unapoamini injili ya maji na Roho. Moyo wako haubadiliki kwa hatua. Moyo wako unafanyika huna dhambi mara moja na ni imani yako ndiyo inayoweza kukua hatua kwa hatua kadiri unavyoliamini Neno la Mungu na kanisa lake.  (warumi 8:29-30).

7.Walio hesabiwa haki ni akina nani?
Kwa kweli Mungu hajachagua au kufanya chaguo katika kuwaita walio wake. (Yohana 1:29).

Kwa kweli wengi tunatambua ya kwamba Mungu alimchagua Yakobo na akasema Esau nimemchukia, aliwachagua tangu wakiwa tumboni mwa mama yao. Kwa kusema mkubwa atamtumikia mdogo. Je Mungu ana watu wake tayari alio wachagua? Tafadhari usikose uchambuzi ujao, tutajua vema walio hesabiwa haki ni akina nani.

Mpendwa msomaji, nisaidie kuwashirikisha wengine uchambuzi huu, ili ukawafikie wengi zaidi na tujifunze kwa pamoja. Mungu awe nawe.

Wako Sadick Kilasi.

Mawasiliano ni 0687000768 au sadikila65@gmail.com.