Kama Wewe Hujawahi Kuona Hata Kisogo Chako Ya Nini Yote Hayo?

Kati ya kitu ambacho binadamu wanathamini hasa kwa kizazi hilo basi ni miili yao. Miili yao inawapa kiburi cha kujiona wao ndio wao.

Wanaligia uzuri wa miili yao, wanalingia tamaa ya miili yao, wanalingia kiburi cha miili yao lakini wanasahau kitu kimoja tu.

Kitu ambacho wanasahau wao ni kwamba wao sio wanaojiona vizuri, kama hujawahi kuona hata kisogo chako kwanini malingo yote hayo, kama huwezi hata kujiangalia mwenyewe yanini chote kiburi hicho.

Mpendwa wangu, rafiki yangu, anayaweza kukuangalia vizuri na kwa usahihi ni mwenzako wewe hata hujijui vizuri na ndiomana hata ukijiangalia kwenye kioo huwezi kujimaliza, mwisho utajisahau mwenyewe.

SOMA:Maajabu Niliyokutana Nayo Nilipojiangalia Kwenye Kioo.

Mpendwa msomaji, wewe si wako wewe ni wa mwenzako, wewe huna unachomiliki juu yako, wewe ni zawadi kwa wengine na mwingine vinyo hivyo ni zawadi kwa mwingine.

Tupendane, tupendane, tupendane na hivyo ndivyo inavyotakiwa, Mungu katuumba kwa njia ya ajabu anataka tupendane.

Hebu waangalie watu wote wanao kuzunguka, kwa kweli wote hao ni zawadi yako kwa sababu unawakati wa kuwapenda ambao ni sasa. Na unawaangalia vizuri wote. Wapende kwa wakati, kwa sababu unawakati, utafika wakati utashindwa kuwapenda kwa wakati kwa sababu hutakuwa na wakati wa kuwapenda kwa wakati.

Ukawe na siku bora rafiki yangu, ukienenda kwa upendo. Endelelea kutembelea blogu hii kwa kujifunza zaidi.

Wako Sadick Kilasi.

Mawasiliano ni 0687000768 au sadikila65@gmail.com.