Hasira Ni Kama Maji Yanayochemka. Je Mwisho Wake Huwaje?

Hata ukichemsha maji kwa moto mkali kiasi gani joto la moto likipungua na maji yanaanza kupungua kasi ya kuchemka. Moto ukizima kabisa maji nayo hupoa kabisa na kurudi kama zamani na yatabaki maji kama maji na hayabadilika.

Tukichemshwa tunachemka lakini hasira ikipoa unakuwa vile vile na hubadiliki kitu chochote.

Wakati unapokuwa na hasira kumbuka ya ya kwamba wewe ni wewe tu kwa hiyo usijaribu kufanya maamuzi ambayo ni ya kuwaumiza wengine usije ukajuta ukipoa.

SOMA:Usiwanyanyapae Watu Kwa Sababu Wanayofanya Ni Maovu.

Katika wakati ambao shetani humtumia vizuri mtu ni wakati ambao mtu katawaliwa na hasira. Shetani hukaa pembeni ili aitumie vizuri fursa hiyo kwa kuwaumiza wengine. Siku zote shetani anataka wewe ukose furaha baada ya hali hiyo.

Hata kama ukiwa na hasira kiasi gani wewe ni yule yule tunaye kutambua, kuwa mvumilivu mambo yote yatakwenda vizuri.

Ukweli ni kwamba hasira sio dhambi lakini hatua utakazo chukua ndo zinaweza kukupa ushujaa au la. Hakuna mtu ambaye hana hasira lakini tunatofautiana jinsi tunavyoyachukulia mambo. Kuna wengine wana hasira za karibu na wengine kinyume na hivyo.

Siku zote nimekuwa nakupa namna ya kupambana na hasira. Kanuni yenyewe ni pambana na hali na usipambane na mtu. Tengeneza mtazamo ya kwamba hakuna mtu ambaye anaweza kuchukia peke yake kwa hiyo na wewe ni chanzo cha ugomvi. Ubaya wako upo ndani yako umeamshwa tu, wewe ndo kila kitu.

Hasira ni kama maji yanayochemka kwa muda lakini uhalisia wake haupotei. Kuwa mvumilivu unapokuwa kwenye hali ya hasira usije ukapoteza utu wako.

Endelea kujifunza kupitia blogu hii, ukawe na siku bora rafiki.

Wako Sadick Kilasi.

Mawasiliano ni 0687000768 au sadikila65@gmail.com.