Kwa kawaida kwenye maswala ya kiroho na vitabu vya dini wamemzungumzia mtu katika sehemu tatu, mwili, nafsi na roho. Haya ni maeneo matatu ambayo mtu huwa anayo. Wengi tunatambua mwili ni nini lakini changamoto ipo kwenye nafsi na roho. Vitu hivi vyote viwili vipo katika mfumo wa software na siyo hardware kama mwili ulivo.
Mwili ni sehemu ya mtu ambayo humwuvutia mtu katika mazingira ya mwilini. Mambo ya mwilini ni kama vitu vyote ambavyo unaweza kuona kwa macho. Tabia ya mwili ni kama raha, burudani, tamaa na mambo mengine ya kujiburudisha.
Nafsi ni sehemu ambayo imejaa mtu mwenyewe. Nafsi ndio asili ya mtu. Nafsi humuvutia mtu katika mambo ya ubinafsi wenyewe, ubinafsi, majigambo maarifa na mengine ya mtu.
SOMA:(SEHEMU YA KWANZA) Mambo Niliyojifunza Kutoka Kwenye Kitabu Cha Bwana Wetu Aliyefanyika Kuwa Haki Ya Mungu. (II) Kilichoandikwa Na Paulo C. Jong.
Roho yenyewe ipo tu inakutegemea wewe kwa sababu ya matendo yako. Roho inategemea tabia yako ipate uamusho. Kwenye roho kumejaa vipawa mbalimbali. Kila aina ya ushindi umejaa kwenye roho kwahiyo sisi hatuna budi kutafuta mambo ya rohoni.
Sasa kwa asili mtu anazaliwa katika hali ya ubinafsi anakuwa na tabia ya kuvuta kwake. Tabia hii inakuwa ndani, inamaana anazaliwa nayo. Mazingira ambayo anayakuta sasa baada ya kuwa na mwili ndio yanaanza kumjenga kimwilini.
Sasa mara nyingi mtu akipata kitu fulani ama pesa anaanza kuonyesha tabia fulani za ubinafsi, hizo ni tabia ambazo kila mmoja anazo kwa sababu kama una nafsi basi lazima tabia hii uwenayo. Vitabu vya dini vinasema hakuna mkamirifu.
Cha muhimu ni kuishi kiroho, kwenye roho ndio kwenye ukomavu.
Endelea kutembelea blogu hii ili kujifunza zaidi. Wakati ujao tutachambua vema juu ya mambo ya rohoni.
Wako Sadick Kilasi.
Mawasiliano ni 0687000768 au sadikila65@gmail.com.
Posts
0 comments:
Post a Comment