Hivi Ndivyo Ambayo Unatakiwa Kuendelea Kufanya Haijarishi Upo Katika Hali Gani.

Kuna msemo ambao unasema,  ni rahisi sana mwanadamu kurudia Mungu wakati ambao ana matatizo. Ni rahisi pia kwa mwanadamu kutolea Mungu matoleo wakati akiwa na vya ziada.

Tunatakiwa kuendelea kuwagusa wengine haswa wakati tukiwa na matatizo, tunatakiwa kufanya kilicho sahihi wakati ambao sio sahihi.

Kuna wakati ambao huwa tunajiona wanyonge sana, kuna wakati ambao huwa tunahisi kabisa sisi hatufai kumwinua mwingine kwa sababu ya mapito yetu lakini kwetu sisi huu ndo wakati mzuri kabisa. Ukiwa unamsaidia mtu kwenye pito ambalo wewe mwenyewe umepitia basi utamsaidia kwa upole na unyenyekevu wa hali ya juu sana.

Wakati ambao unahisi sio sahihi kuwashika mikono wengine ni wakati ambao ndio sahihi kuwashika mikono hao, haijarishi upo katika hali gani lazima uendelee na kazi ya kuwagusa na kuwa baraka kwa wengine. Usiseme sijisikii kufanya hivo endelea kusonga mbele si kwa sababu unajisikia ni kwa sababu ni lazima kufanya hivo.

Kuwa baraka kwa wengine katika wakati usio faa kabisa, kuwa baraka kwa wengine kwa wakati ambao unafaa kabisa. Kutenda kilicho sawa hakuna wakati, wakati ambao unafaa kutenda sawasawa ni wakati wote.

Usisubili wakati ambao unacho ndo utende sawasawa, hapana, watu wanasema heri mtu mmoja anayekusema mabaya wakati mgumu kuliko watu maelfu wanao kupigia makofi wakati umefanikiwa. Wakati ambao unafaa ni kuendelea kufanya kwa usahihi wakati wote.

Endelea kutembelea blogu hii kujifunza zaidi.

Wako Sadick Kilasi.
Mawasiliano ni 0687000768 au sadikila65@gmail.com.