Fanya Hivi Ili Maisha Yako Kuwa Bora Zaidi Na Zaidi.

Mtu yeyote yule ambaye yupo sawsawa na anajitambua vizuri basi huyo anatambua tayari udhaifu wake. Kila mtu anaudhaifu wake. Ili maisha yako yawe bora basi lazima utambue udhaifu na uimala wako uko wapi.

Tumeumbwa namna hii ili kila mmoja awe msaada kwa mwenzie. Utofauti huu wa uimala na udhaifu ndiyo unaoleta ubora katika mahusiano yetu.

Ili mtu uwe bora zaidi na zaidi basi siyo mbaya sana ukawa mtu wa kujiangalia wapi udhaifu wako ulipo ikisha ukashughulikia vizuri. Udhaifu wako utakufanya kuwa mkomavu kama itaukubali na kuufanyia kazi.

Watu ambao hujiona wamekamilika huwa hawana tabia ya kujichunguza wenyewe, watu hawa hufikilia wenyewe tu na kujiona wapo sawa kwa kila kitu. Matatizo yakiotekea ni watu wa kuwalaumu wengine na kutafuta majibu ya matatizo yao nje yao. Watu hawa siku zote ni watu wa sababu tu.

Mpendwa msomaji, watu wale wenye mapungufu huendelea kusonga mbele kwa sababu wao wamejitambua kwamba wanamapungufu kwani walio wazima hawahitaji daktari na ili upande mlima sharti uwe bondeni, aliyopo kileleni amefika hahitaji kusonga mbele.

Maisha yatakuwa sawaswa kabisa, maisha yatakuwa bora kabisa, ukiwa mtu wa kuangalia wapi upo sawa na wapi haupo sawa, huwezi kuboresha kama huoni matatizo, unaona sawasawa tu.

Kila mmoja anampungufu, angalia mapungufu yako kwenye mahusiano, kwenye kazi, halafu boresha, utakuwa bora siku baada ya siku. Kwenye hii dunia hakuna ukamirifu, kila kitu kinahitaji kuboreshwa zaidi na zaidi na ndio maana Mungu alituumba ili tuendeleze na kutawala. Usije ukajiunua kwenye hii dunia, utashushwa haraka sana. Kama bado unapumua basi bado hujafika, kumbuka ya leo sio ya kesho.

Ukawe na siku bora rafiki yangu. Endelea kutembelea blogu hii ili kujifunza zaidi.

Wako Sadick Kilasi.
Mawasiliano ni 0687000768 au sadikila65@gmail.com.