Mazingira Uliyopo Yanakupa Tafsiri Gani? Dunia Imejaa Kitu Hiki.

Tabia ya watu kuwa na mtazamo wa mema na mabaya kwa kweli imeleta mkanganyiko mkubwa sana katika maisha. Kutokana na asili ya binadamu kuwa mbinafsi hilo limekuwa tatizo kubwa sana katika maisha.

Kila mtu amekuwa akivutia kwake na kuona ya kwamba anachokiona yeye ni sawa kabisa lakini kwa mtazamo wa mwingine imekuwa ni changamoto. Anacho kiamini yeye anataka kila mmoja aamini. Anamini kwamba yeye yupo sahihi zaidi ya mwingine.

SOMA:Tatizo Sio Wao, Tatizo Ni Wewe Na Hapo Ndipo Migogoro Inapoanzia.

Kulinganisha mambo pia imeleta changamoto kwa sababu ukisha linganisha utapata utofauti na mwisho utaona kingine kizuri na kingine ni kibaya. Utauona uzuri wa kingine kwa uzuri wake na utaona ubaya wa kingine kwa ubaya wake.

Mpendwa msomaji, kwangu mimi kila kitu ni kizuri kwenye hii dunia, kila kitu poa hasa ukiwa mvumilivu. Kwa kweli unapokimbizwa lazima usifu na anayekukimbiza. Usije kusema unambio sana wakati unakimbizwa na kinyonga.

Dunia ni nzuri kwa kweli, vyote vinavyotokea ni kwa ajili yetu, kama si kutujenga basi kutukomaza, kama kutukomaza basi kutukumbusha. Lolote ambalo unaliona kwa ubaya kwa kweli hilo ndilo lililolifanya zuri kuonekana.

Shukrani kwa kila kitu, Mungu katupatia kila kitu, katupa tutawale. Mpendwa msomaji, usiishi kwa makundi, pata wakati na wewe halafu iangalie dunia ilivyo nzuri, sauti za ndege, wanyama, wadudu kwa kweli kila kitu ni poa. Fikiria kwamba ungekuwa sehemu fulani hivi upweke, sehemu ambayo upo peke yako, kwa kweli ingekuwa mbaya sana hii.

Ukawe na siku bora kabisa na ufurahie uzuri wa dunia.

Wako Sadick Kilasi

Mawasiliano ni 0687000768 au sadikila65@gmail.com.