Dunia Inatufundisha Kutegemea.

Ni siku nyingine tena mpendwa msomaji wa blogu hii ya JIKO LA USHAURI, hongera kwa ushindi mkubwa ambao Mwenyezi Mungu kakushindia. Mimi na wewe rafiki yangu hatuna budi kumshukuru yeye na kurudishia sifa.

Katika mambo yote au vitu vyote ambavyo unaweza kuviona kwa macho ya kawaida ya nyama au vitu ambavyo unauwezo wa kuviona kwa macho yako siyo vya kwako. Mimi na wewe hatuna kitu ambacho tunamiliki moja kwa moja tumepewa tutawale, tuendeleze na kusimamia.

Labda nikufafanulie vizuri ni kwamba chochote ambacho unaweza kutamka kwamba hiki ni changu basi hicho siyo chako, umepewa utawale kwa muda tu. Sasa unaweza kusema, hata mwili wangu siyo wa kwangu, Ndiyo siyo wa kwako umepewa utawale kwa muda tu. Kwa sababu wewe huwezi kuzuia kifo chako mwenyewe na wakati wa kuondoka mwili unakufa na tunasema mwili wa marehemu fulani. Wakati nwingine waweza kujiuliza, hiki ni cha kwangu, mkono wangu, mwili wangu, Je mimi niko wapi?

Tulipoumbwa kwenye hii dunia, tuliumbwa kwa uwezo wa ajabu, tuliumbwa katika uhalisia na asili. Kiuhalisia sisi tumekamilika kabisa lakini katika asili yetu tunahitaji utegemezi. Mpendwa msomaji dunia inatufanya kuwa tegemezi.

Dunia inatufanya kuwa tegemezi sana kwa sababu katika asili tunamapungufu kwamba tunahitajiana wenyewe kwa wenyewe kwa sababu hatujakamilika. Lazima mahusiano yawepo ndipo ubora uwepo. Huyu anamapungufu ya hiki na yule hiki na yule hicho.

Dunia inakufanya kuwa tegemezi kwa kwenda shuleni, kwenda kutibiwa mahali au hospitalini, kusoma vitabu, kusoma makala hizi ninaziandika na chochote kile ambacho unakinunua kwa fedha.

Mpendwa msomaji, tumeumbwa kwa mfano wa Mungu, inamaana tunauwezo mkubwa sana wa kufanya lolote lile. Ni kweli tunahitaji msaada kutoka kwa wengine lakini inatupasa kufika wakati nasi au kila mmoja ajiwekee kikao chake peke yake ndani kwake akiwa na yeye. Kwa sababu chochote ambacho dunia inafanya usipokuwa makini ni kwamba inakufanya kuwa tegemezi zaidi na zaidi. Hatujaja kusavaivu au kujitaidi kuishi katika dunia hii tumekuja kuishi lazima tujiwekee vikao na sisi wakati wa jioni, ujiulize maswali peke yako na ujijibu mwenyewe.

Muhimu ambalo ninaweza kukwambia rafiki yangu, tumtafute Mungu, wapi? Kwenye vitabu vya dini. Vitabu vya dini vimeandikwa katika mfumo wa kila mtu kujitegemea, ni vitabu ambavyo vibahitaji utulivu kwenye kusoma. Tukazane kuutafuta uhalisia wetu badala ya kukazana kuishi nje kwenye asili. Mpendwa msomaji, vikao na sisi ni kitu cha muhimu sana, soma sana, fanya kila uliwezalo lakini mwisho uwe na wewe.

Endelea kujifunza kwa kutembelea blogu hii ya JIKO LA USHAURI na nisaidie kuwashirikisha wengine ujumbe huu uwafikie wengi maana naamini makala hii itakuwa msaada kwa wengi.

Wako Sadick Kilasi.

Mawasiliano ni 0687000768 au sadikila65@gmail.com.