Sifa Ya Barua Ambayo Itakuwa Msaada Kwa Vizazi Vijavyo.

U hali gani mpendwa msomaji wa blogu hii ya JIKO LA USHAURI? Natumai umeamka salama. Ni siku nyingine tena ambayo tumejaliwa kuiona ambayo ni siku mpya, hatuna budi kumshukuru mwenyezi Mungu kwa kutujalia siku hii mpya ni ushindi mkubwa kwetu.

Mpendwa msomaji, karibu katika makala ya leo tujifunze kwa pamoja, makala ambayo mimi nimekuandalia. Makala yenye kichwa kinachosema, barua ambayo itakuwa msaada kwa vizazi vijavyo.

Kwanza kabisa mpendwa msomaji, naomba tukubaliane kabisa ya kwamba mtu yeyote yule kwenye hii dunia ni barua, ni ambayo inatakiwa kusomwa na watu, Kutokana na maisha unayoishi utasomeka vizuri au vibaya au utakua barua iliyo potea.

Kwa kizazi chetu hiki haswa ndo imedhihirika kabisa ya kwamba mtu ni barua. Tumezaliwa kuwasirisha uwezo wetu na vipawa vyetu. Kwa bahati mbaya tumekuwa tukifungana sisi kwa sisi, yaani kumekuwa na tabia ya mtu mmoja kuwasirisha tabia ya mtu mwingine. Je tutasomeka vizuri na vizazi vijavyo?

Hizi ndizo sifa bora za barua ambayo itasomeka vizuri na vizazi vijavyo.

Ukitambua ya kwamba wewe ni barua ya vizazi vijavyo lazima uishi maisha ya ukweli. Jambo lolote inalofanya hakikisha ni la ukweli la sivyo hakikisha linaeleweka kwenye jamii. Sifa ya ukweli ni kwamba hudumu daima lakini uongo una mwisho na haufiki mbali unapotea. Ukweli ni nuru katika giza, na nuru imeishinda giza, kuwa  na chagua maisha kuiishi kweli.

Tengeneza misingi bora katika maisha. Ili barua yako isiweze kupotea lazima iwe na misingi bora katika maisha yako. Tumekuwa tunawasoma watu waliopita leo wa vizazi vya zamani misingi mizuri waliyo itengeneza ndo imefanya mpaka sasa wanasomeka vizuri.

Lazima uwe mtu wa kujali wengine. Ukikosa sifa hii huwezi kusomeka kabisa na vizazi vijavyo, lazima iwe na mchango kwa wengine sio wewe kutegemea kutoka kwao.  Mtu atakumbukwa kwa mchango alioutoa kwa wengine, mfano wetu hai hapa Tanzania ni Mwalimu Nyerere anakumbukwa kwa mchango wake mkubwa wa kuleta amani ya Tanzania.

Lazima uwe mtu wa kutatua matatizo ya wengine. Ipo mifano mingi  sana tunaiona ya watu ambao wametatua matatizo. Mfano: Madaraja yenye majina ya watu, shule zenye majina ya watu, majengo makubwa, yote hii ni namna ya kutatua tatizo la sehemu fulani.

Hizi ndizo sifa za barua ambayo itasomeka vizuri na vizazi vijavyo. Je wewe umechagua nini? Kutosomeka kabisa, kufa na kupotea au kusomeka vibaya kama mtu mbaya. Mpendwa msomaji, kila mtu ni barua, kipindi tunazaliwa watu walifurahi sana wakijua sisi ni msaada kwao, lazima tuendeleze hilo na kuwa msaada kwenye jamii. Ondoa ubinafsi na kuiangalia jamii inayokuzunguka, inahitaji nuru yako. Dunia inazidi kujaa giza kwasababu sisi tunafungana wenyewe kwa wenyewe, mtu mmoja anaishi maisha ya mwingine, anaiga kila kitu, pengo lako hakuna mtu wa kuziba, rudi kwenye nafasi yako uangaze.

Endelea kutembelea blogu hii ili kujifunza zaidi.
Wako Sadick Kilasi wa jikolaushauri.blogspot.com.
Mawsiliano ni 0687000768 au sadikila65@gmail.com.