Dunia Imejaa Maswali, Kwanini Dunia Imejaa Maswali? Jibu Hili Hapa.

Moja kati ya sifa kubwa ya dunia ni kwamba, dunia imejaa maswali mengi sana. Dunia imejaa maswali lakini majibu yapo kwako. Unaweza kujiuliza kivipi dunia imejaa maswali? Lakini ndo ukweli ulivyo dunia imejaa maswali.

Mpendwa msomaji,  changamoto zote unazopitia ni maswali kwako lazima uyajibu. Dunia inakuuliza na inataka uijibu maswali hayo.

Magonjwa yanayotokea duniani ni maswali ambayo wanadamu wanatakiwa kuyajibu, wakati wowote jiandae namna ya kuyajibu. Majibu yanayotakiwa ni tiba ya magonjwa.

Uonapo popote pale panaupungufu wa kitu tambua ya kwamba hilo ni swali kwako,  unatakiwa kilijibu. Dunia imejaa maswali mengi sana na majibu yote yapo kwa mwanadamu, maana yeye alipewa uwezo mkubwa wa akili na kutawala kila kitu cha dunia.

Kwanini dunia imejaa Maswali?  Dunia imejaa maswali inataka kila mmoja aweze kuwajibika katika nafasi yake. Dunia inauliza na kutaka kujibiwa.

Maswali yanakuwa mengi ya dunia hii kwa sababu watu wengi hawawajibiki katika nafasi zao, maswali yanakuwa mengi wakujibu wanakuwa wachache.

Mpendwa msomaji, dunia inakuhitaji na kukutegemea sana wewe, lazima uwajibike katika nafasi yako, tabia ya kuwategemea watu wengine na kujiona wewe hufai ni kuwaumiza wengi, maana watu wanategemea vipawa ulivyo navyo, elimu uliyo nayo, uzowefu ulio nao, lazima uijibu dunia kwa uwezo wako.  Watu wanategemea kutoka kwako, sio wewe kuwa tegemezi kila siku.

Dunia inauliza maswali mengi sana, sasa wewe kwanini unaishia kwenye maisha ya wengine, utawezaje kuijibu dunia? Mpendwa msomaji,  kuna tabia zama hizi watu kuishia kwenye maisha ya wengine, kuigana mambo, unakuta huyu anafanya kama huyu yaani utofauti unakuwa haupo kabisa. Ukiiga vipawa vya mwingine unawezaje kuijibu dunia kwa nafasi yako wakati hufanyii kazi vipawa vyako? Unaiga vipawa vya wengine?  Mpendwa msomaji, ishi maisha yako halisi, usiishie kwenye maisha ya wengine, dunia inakuhitaji kama wewe ulivyo sio kopi ya mwingine. Lazima uijibu na kuionesha dunia kwamba wewe unaweza kuijibu kwa usahihi, ulizaliwa ili uje udhihirishe vipawa na uwezo wako na ndio maana ulipozaliwa watu walifurahi, lazima uoneshe na uijibu dunia.

Mpendwa msomaji, umezaliwa kuijibu dunia, umezaliwa kusababisha mambo, umezaliwa kuwa tegemezi kwa watu, umezaliwa kuwajibu wengine matatizo yao sio kuwa tegemezi au kuiga maisha ya wengine na kufungana, badirika.

Endelea kutembelea blogu hii kujifunza zaidi. Maoni yako muhimu.

Wako Sadick Kilasi wa jikolaushauri.blogspot.com.

Mawasiliano ni 0687000768 au sadikila65@gmail.com.