Njia ya kudhibiti mawazo yako.

Ni siku nyingine tena mpendwa msomaji wa blogu hii ya JIKO LA USHAURI, natumai umeamka salama na umeinza siku yako  mpya ya wiki mpya ya mwezi mpya ukiwa na hamasa kubwa sana ya kufikia malengo yako ya mwaka huu mpya.

Hatuna budi kumshukuru mwenyezi Mungu kwa kutuamsha salama.

Karibu katika makala yetu ya leo ili tujifunze kwa pamoja yale ambayo mimi rafiki yako nimekuandalia. Karibu tutafakari na kukifunza kwa pamoja.

Kuna wakati unaweza ukawa upo makini sana unaposikiliza au kutazama au kusoma kitu lakini kuna hali huwa inatokea ghafla na kuharibu usikivu wako. Ni hali tu ambayo inatokea, na kwa halo hii unapoteza vitu muhimu sana, hasa kutokana na jambo lenyewe unalolifatilia.

Hali hii huwa inatokea sana unapokuwa makini sana, sio kwamba haitokei usipo kuwa makini, hapana, usipokuwa makini huwezi kutambua ya kwamba wewe umepoteza usikivu makini kwa sababu hupo makini.

Mara nyingi huwa tunachukilia kawaida, huwa hatujali ya kwamba hii hali kwanini inatokea tunaona ya kwamba ni jambo dogo sana hili. Mpendwa msomaji,  binafsi huwa nasema mambo madogo madogo ni hatari kuliko jambo ambalo unaliona kubwa na shida kubwa. Mambo madogo ndiyo mizizi ya hilo unaloliona kubwa.

Kupoteza usikivu kutakuletea madhara makubwa baadae bila ya wewe mwenyewe kujijua. Unaweza ukawa ulikuwa kwenye kikao lakini ghafla ukapoteza usikivu sehemu ndogo ya maelekezo ya muhimu, ukaona kwako si tatizo lakini umepoteza kitu cha muhimu sana na itashindwa kutekeleza jambo vizuri.

Mpendwa msomaji, changamoto kubwa tulio nayo zama hizi za taarifa na mambo mengi ya mitandao ya kijamii ni usikivu makini ulio makinika. Huwezi kukwepa hilo kwa kusema mitandao ya kijamii isiwepo hapana, ila ni wewe tu kuwa makini sana na kila jambo.

Kuna njia ambayo unaweza kutumia kupunguza hii hali kwanza tambua unalo tatizo hilo, ikisha kuwa makini wakati wote yaani jitawale mwenyewe, unaweza ukawa makini sana ukapotelea kwenye umakini huohuo. Shetani ana akili sana huwa anatumia nafasi hiyo hiyo uliyo nayo kukupoteza.

Lakini pía kuwa na tabia ya kutahajudi hii, nayo itakusaidia kuwa na umakini ulio makinika. Fanya tahajudi kila siku.

Makala hii katika maneno matatu ya kuishi nayo yaani KUWA, FANYA na POKEA, makala hii inataka KUWA,  husika mwenyewe.

Endelelea kutembelea blogu hii kukifunza zaidi. Maoni yako ni ya muhimu sana pia nisaidie kuwashirikisha wengine ujumbe huu uwafikie wengi zaidi.

Wako Sadick Kilasi.
Mawasiliano ni 0687000768 au sadikila65@gmail.com, tuma ujumbe nitakujibu.