Maisha Yanahitaji Kitu Hiki Ili Yawe Maisha Yenye Mafanikio.

Ni siku nyingine tena mpendwa msomaji wa blogu hii ya JIKO LA USHAURI, natumai umeamka salama kabisa,  kama umeamka salama hatuna budi kumshukuru Mwenyezi Mungu kwa kutujalia siku hii ya leo.

Karibu katika makala ya leo ili tupate kujifunza kwa pamoja.

Ukizungumzia mafanikio katika maisha kila mtu anatamani sana kufanikiwa katika maisha. Neno mafanikio ndilo neno linalotajwa mara nyingi zaidi katika midomo ya watu. Kila mtu anazungumziai mafanikio, kufanikiwa katika maisha.

Ili upate kufanikiwa unahitaji kuwa katika mwendo. Kila mtu ana njozi zake ambazo anatamania kuzifikia, watu wananjozi tofauti tofauti ambazo wanatamania kuzifikia. Lakini ili kufikia njozi zetu lazima tunahitaji mwendo.

Maisha ya mwanadamu katika kizifikia njozi zake ni kama mto unaotiririsha maji yake kutoka kwenye mwinuko kuelekea kwenye bonde. Maisha yanahitaji kutiririka ili yawe maisha ya mafanikio.

Mara nyingi maji yanayotiririka kwenye mto wenye mawe mengi huwa ni matamu sana, na yanavutia zaidi tofauti na maji ambayo yanatiririka yatakavyo bila vikwazo huwa sio mazuri kwa kunywa na hayavutii zaidi kwenye kunywa. Maisha nayo yapo hivo hivo, ukikutana na vikwazo vingi na ladha ya maisha inapokuwa nzuri na mafanikio yanaonekana. Maji yaliyosimama hayafai kwa kunywa na maisha yaliyoganda sio maisha lazima yatiririke.

Maji mwisho wake kwenye bahari au ziwa lakini maisha mwisho wake kwenye njozi zetu za mafanikio. Maisha yanahitaji kutiririka ili yasonge mbele, kila siku lazima kifanyike kitu cha tofauti na usonge mbele. Ukiona huna changamoto basi wewe hufai kuishi na maisha yako hayana ladha.

Endelea kujifunza kupitia blogu hii ya jikolaushauri.blogspot.com.

Wako Sadick Kilasi wa jikolaushauri.blogspot.com.

Mawasiliano ni 0687000768 au sadikila65@gmail.com.