Kutaka Taka Sana Mwisho Utakuwa Takataka.

Kutaka taka sana mwisho utakuwa takataka, hii ni kauli mbaya lakini pia haieleweki vizuri. Hii ni ambayo nimeitumia kukupa ujumbe wewe rafiki yangu msomaji.

Katika maisha kuna mambo mengi sana yanatokea, tunafanya mambo mengi na kutimiza ndoto zetu. Maisha yetu yamejaa changamoto nyingi sana zinazofanya maisha yaendelee kusonga mbele.

Tumekuwa tunandoto kubwa sana katika maisha yetu, lakini pia hata kama huna ndoto kuna kitu lazima unataka kitokee kwenye maisha yako. Sasa hivi kila mtu ukimwuliza, mwingine atakwambia mimi nataka pesa, mwingine atakwambia mimi nataka kuoa au kuolewa, mwingine furaha na vinginevyo.

Chochote unachotaka ndugu sio mbaya lakini unatakaje?  Kuna wakati unaweza ukawa unataka kupata kitu kizuri tu unachokipenda na ukapata lakini ukizidisha tu kinakuwa madhara kwako. Kucheka ni kuzuri lakini kukizidi ni kelo, furaha ni nzuri lakini ikizidi inakosa radha, pesa ni nzuri lakini ikizidi inakuwa haina maana.

Jana nilikuwa sehemu nakula, nimezoea kula sana hapo, mama mmoja akaniuliza mbona umenuna, ukweli ni kwamba nilikuwa sijanuna, nikamjibu, nimenuna kwa sababu kunakucheka. Nilimjibu jibu hili bila mimi mwenyewe kujielewa, lakini baadae ikanifanya nijiulize sana, hivi jibu hili ni sahihi? Nilijiuliza uliza sana, nilijipa jibu moja kwamba huwezi kwenda tu bila kurudi nyuma, yaani maisha yako yote ukawa mwendaji mbele tu ni kitu ambacho hakiwezekani.

Mpendwa msomaji, kila anayeongezewa lazima ajue kupunguziwa, dunia inataka kitu peke kinachoitwa 'USAWA'  ndipo maisha yatakuwa mazuri kwako. Jambo zuri lolote lile linakuja na ubaya, ubaya,  uzuri. Huwezi kuishi na uzuri tu bila ubaya, lazima kuwe na hali zote mbili, utafuta uzuri lakini ubaya utakunyemelea.7

Mpendwa msomaji chochote unachofanya na unakitaka angalia usije kuwa taka taka, kwahiyo kama utaka furaha lazima unune kidogo tu, sio mbaya ndio utajua furaha ipoje, ukienda kumbuka kurudi ndio uzuri wa safari, ukijumrisha kumbuka kutoa, maisha yapo hivo.

Chochote unachofanya angalia usiwe mtumwa wa kitu hicho, usizidishe kutaka sana.

Endelea kujifunza kupitia blogu hii.
Wako Sadick Kilasi wa jikolaushauri.blogspot.com.
Mawasiliano ni 0687000768 au sadikila65@gmail.com.