Kwanini makosa?

Ni siku nyingine tena mpendwa msomaji wa blogu hii ya JIKO LA USHAURI, Karibu katika makala ya leo tupate kujifunza kwa pamoja.

Mara nyingi mtu akikosea huwa anaonekana kana kwamba hafai na thamani yake hupungua ghafla kwa sababu ya kosa alilofanya, kiwango cha thamani yake hushuka kwa sababu ya kosa la mara moja tu. Kosa moja linauwezo wa kufuta mazuri yote mengi ambayo mhusika aliyafanya huko nyuma. Watu, hasa wenye matazamo hasi huchukulia ya kwamba kile ni kiwango cha mwisho kabisa ambacho mhusika amefikia na hata mazuri ya nyuma aliyofanya huchukuliwa kwa kiwango cha chini zaidi ukiringanisha na kosa alilofanya.

Lakini hilo linaweza likawa sio tatizo kubwa sana kwako wewe mhusika au kwa upande mwingine likawa tatizo kubwa sana kwako wewe.  Linaweza likawa sio tatizo kwako wewe kutokana na mtazamo wako juu ya kosa ulilolifanya, mtazamo ndio utakao kufanya wewe kuendelea kusonga mbele na unachukuliaje maneno ya wengine kwako. Unaweza ukawa ndio mwisho wa safari yako.

Je ushawahi kujiuliza kwanini watu tunakosea? Au kwanini makosa yanatokea? Inawezekana jambo unalolifanya unalitambua na kulielewa vizuri lakini bado makosa ukajikuta unafanya makosa. Kwenye kuelewa kuna kuaminishwa na kuelewa vibaya, sasa haya ni makosa ya kuelewa. Wakati mwingine unaweza ukawa ni uzembe ambao unapelekea kufanya makosa lakini hiyo sio sababu kwanini makosa yanatokea.

Hizi ndizo sababubu kwanini makosa yanatokea katika shughuri zetu za kila siku.

1.Ni kipimo cha imani yako. Tunaposema kipimo cha imani hatumaanishi imani ya dini, sivyo ni maarifa, taarifa na uelewa sahihi juu ya jambo unalofanya. Kwahiyo kosa linapokuja linakuja kukupima je wewe unauelewa kiasi gani juu ya jambo unalofanya? Wengine wanaweza wakakwambia wewe ni mzembe lakini ikawa sivyo, kumbe huna uelewa sahihi juu ya jambo hilo. Kwahiyo wewe mhusika unapokuja kugundua ya kwamba kumbe huna taarifa sahihi na uelewa mzuri, unachopaswa ni kuongeza imani yako tu au maarifa.


2.Kosa pia linakupima kuwa wewe mhusika unamtazamo gani juu ya jambo unalofanya. Inawezekana ukawa unafanya jambo hilo kwa ubora lakini bado hujaweka utayari wako pale, yaani unafanya jambo kwa kujilazimisha lazima makosa yatatokea. Kosa linapima viwango vya utayari wako kufanya jambo hilo.

3. Kosa linakupa hatua ya ziada mbele. Ndio kosa linakukumbusha ya kwamba unatakiwa kusonga mbele zaidi ya hapo ulipo, linakukumbusha ya kwamba kuna zaidi ya hapo ulipo.


4.Lakini kosa pia linakukumbusha ya kwamba wewe bado ni binadamu tu. Binadamu anamapungufu yake hilo lazima utambe, kwahiyo inawezekana wewe unajiaminisha ya kwamba wewe huwezi kukosea lakini kosa linakukumbusha kwamba binadamu anamapungufu yake. Usije ukajiinua sana ukasahau kwamba kunamakosa.

Sababu hizi zote zinakupa maandalizi juu ya matokeo mabaya utakayo yapata wakti unafanya jambo. Wewe utakapo kuwa uanfanya jambo, matokeo yakija tofauti na wewe ulivyo fikiria basi kwako wewe halitakuwa tatizo kubwa kwa sababu unatambua na utatumia fursa hiyo kusonga mbele.

Endelea kutembelea blogu hii kujifunza zaidi. OMBI; Nisaidie kuwashirikisha wengine ujumbu huu ili uwafikie wengi zaidi. Maoni yako ni ya muhimu sana mpendwa msomaji.

Wako Sadick Kilasi.
Mawasiliano ni 0687000768 au sadikila65@gmail.com