Chachu Za Maisha Na Mafanikio.

Ni siku nyingine tena mpendwa msomaji wa blogu hii ya JIKO LA USHAURI, natumai umeamka salama kabisa,  vema kabisa kwa kuamka salama. Hatuna budi kumshukuru Mwenyezi Mungu kwa kutujalia kuamka salama, ni upendo wake tu sisi tumeona siku hii mpya, wengi walipanga kuiona siku hii na kuweka malengo yao lakini wameshindwa kuamka.

Ukisoma kitabu cha Biblia, kitabu cha Mathayo 16 mstari wa 6, Yesu alikuwa akiwakumbusha wanafunzi wake na kuwafundisha wanafunzi wake, aliwambia, 'Yesu aliwaambia, angalieni,  jilindeni na chachu za mafarisayo na masadukayo'.

Katika zama hizi na kizazi hiki chachu za mafarisayo ni mitengo ambayo imekuwa mingi sana. Yesu alikuwa anawakumbusha ya kwamba wasiwe watu ambao wamekosa msimamo,  watu wenye tamaa, watu wa kukata tamaa mapema, na udanganyifu. Ni mstari mdogo lakini umebeba mambo mengi sana.

Mpendwa msomaji,  zama hizi tumezungukwa na fursa nyingi sana za biashara, lakini kwa njia hiyo hiyo watu wenye tamaa na fedha wanatumia mianya hiyo hiyo kutuibia, wanakuja na neno hilo hilo ya kwamba ni fursa mpya ya biashara kumbe ni matapeli, mpendwa wangu msomaji hizo ndizo chachu za masadukayo na mafarisayo lazima tujilinde sana tusije tukaingia kwenye mtego wao.

Mpendwa msomaji, kama huwezi kufurahia maisha  pale ulipo sasa jilinde sana hizo ni chachu za tamaa, chachu za mafarisayo. Katika maisha tunapitia katika viwango mbalimbali kwahiyo lazima ufurahie maisha katika kiwango ulicho nacho sasa, kuwa na shukrani, usisubiri sana furaha mpaka upate kitu fulani, hiyo siyo furaha ya ukweli na huto kuja kufurahia maisha. Jilinde rafiki yangu na chachu hii ya tamaa.

Mpendwa msomaji, chachu za changamoto za maisha zimekuwa zikifanya watu wafanye maamuzi mabaya sana katika maisha yao. Watu wanao jinyonga ni kushindwa kuelewa vizuri. Ukiangalia mstari wa mbele kwenye Mathayo hiyo utakuja kugundua ya kwamba wanafunzi walisahau mikate, Yesu akawaambia inamaana mmesahau mara hii watu elfu tano walikula mikate mitano tu. Wanafunzi walijilaumu wao kwa wao baada ya kusahau mikate. Popote unapopitia lazima ujifunze kumwamini Mungu, angalia nyuma mambo mangapi kakupitisha magumu, acha kujinyonga na kusahau ulikotoka, utapita hapo pagumu.

Mpendwa msomaji, jilinde jilinde na chachu za mafarisayo na masadukayo, tamaa, ubinafsi, woga,  ukatili, zote hizo ni chachu mbaya kwenye maisha, tafadhari rafiki yangu jilinde sana, chachu ni nyingi kuliko mkate.

Endelea kutembelea blogu hii kujifunza zaidi. OMBI: Nisaidie kuwashirikisha wengine ujumbe huu ili uwagikie wengi zaidi.

Wako Sadick Kilasi wa jikolaushauri.blogspot.com.

Mawasiliano ni 0687000768 au sadikila65@gmail.com.